Deuteronomy 13:18 - Ohiatonhseratokénti

¹⁸ Tó꞉ka akwé꞉kon enshatewénhnaraʼkwe ne rahoriwatà꞉tsheras ne tkwá꞉wis nón꞉wa wenhniserá꞉te, tánon thóh naʼsewá꞉iere tsi nihariwanónhtons.

Deuteronomy 13:18 ပူးပေါင်းရင်းမြစ်များ

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Psalms 119:6

Eʼthóhʼne káti kwáh iáh tahonkatéhate, tsoríhwa tsi thóh nón꞉we natewakʼkarotáhon akwé꞉kon tsi nisatsiawenhráhton.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

Matthew 7:21

Tsiniiakon ne ionkennis: Seȣenniio! Seȣenniio! iah tehontaȣeiatane ne Karonhiake; neok tanon ne ronikonraieriton ne kakeniha karonhiakon thenteron.

Matthew 7:24

Onkakiok rothonte tsinahoten katon, nok enhateȣeienton, neh tenthiiatenientenste ne ronkȣe oststenrake rotenonsonni;

Deuteronomy 12:25

Tó꞉ka enshatewénhnaraʼkwe kí꞉ken kariwatà꞉tshera, ne Roiá꞉ner enhawerientí꞉io, tánon akwé꞉kon tshienioiánerenhne ne sariwáhke ó꞉ni tsi nenhsatwatsirì꞉ne.

Deuteronomy 12:28

Tasethakwénhak tsi satewénhnarak orihwakwé꞉kon tsi nikonhró꞉ri, tánon akwé꞉kon tshienhioiánereʼke ne sarihwá꞉ke ó꞉ni tsi niensatwatsirì꞉ne ne tsi nénhwe, tiorí꞉wa tsi thóh nénhshiere tsi nahó꞉ten ne tkariwaié꞉ri ó꞉ni rahwerientiióstha ne Roiá꞉ner saNí꞉io.

Deuteronomy 12:32

“Akwé꞉kon thóh naʼsewáier tsi nakwahró꞉ri; tó꞉sa othé꞉nen iaʼsewáiest tó꞉sa ó꞉ni thé꞉nen tasewatókʼtat.

Deuteronomy 13:17

Tó꞉sa othé꞉nen sewathateweientónhas tsi nahó꞉ten ne í꞉se iewátion nahontkarón꞉ni, tánon ethò꞉ne ne Roiá꞉ner tensatkaraté꞉ni tsi nihonaʼkhwén꞉en tánon ataniténron ensnianaʼtónhase. Kwáh enshienténhre tánon entsitsónhnien nahisewentioʼkowá꞉na, tsi ki nishakorahratstén꞉ni ne ietsisoʼthonkonhkén꞉en,

Deuteronomy 14:1

“Í꞉se ne tsónhkwe ne Roiá꞉ner sewaNí꞉io rahonkweʼtashón꞉as. Káti nó꞉nen enieʼtsihiatsiónhnionhse ne iakawehié꞉hion, tó꞉sa sewatatreniá꞉nion tó꞉sa ó꞉ni sewathatenónhkaron, tsi nihatihié꞉ra notiàkes.

Deuteronomy 7:26

Tó꞉sa othé꞉nen ne kí꞉ken kahiatonhniʼsónhas ne iahisewahiónte ne sewanonskónhsons, tó꞉ka kwáh ne shà꞉ka ne karewatà꞉tshera ensewaʼrà꞉ne tsi ní꞉ioht ne ronónha. Ó꞉nenk tsi kwáh ensewáshon tánon ensewakèn꞉ron kí꞉ken kahiatonhniʼsónhas, tiorí꞉wa tsi Roiá꞉ner sakorewá꞉ton.

Joshua 7:26

Kenthonhiowá꞉nen onénhia wahatitstoʼkó꞉ten ne rahiátake, shé꞉kon nónhwa wenhniserá꞉te niwè꞉ne. Ne ki tiorì꞉wa shé꞉kon ne nónhwe ne konhwanaʼthónkwa ne kaʼnikonhrakséntshera ahonráhkwakon. Ethò꞉ne ki ne Roiá꞉ner iáh ó꞉nenh teshothenakwawenhrá꞉ti.