Deuteronomy 13:15 - Ohiatonhseratokénti

¹⁵ ethò꞉ne ki onhkweʼtakwé꞉kon ietsinonhwariaʼkón꞉nion né꞉tho kanatowanén꞉ke ó꞉ni akwé꞉kon ne rahotiʼtshenenhó꞉kons. Kwáh tokén꞉en sewarihwáthont né꞉tho kanatowá꞉nen.

Deuteronomy 13:15 ပူးပေါင်းရင်းမြစ်များ

Ezra 10:16

Ne ronahnakerá꞉kwenhne wahatirihwanónhwene ne nikarihó꞉ten, sótki ne Ezra ne ratsihénstatsi washakohiatarakwenhá꞉ton ne ronhnónhkwe nonhnonhtsikowát꞉tsons tsi raotitarasónha tánon washakosenhnarónhnion. Ne sonhtonhtenhniseratsérenhte noieríhaton siwenhnitakéhaton tahontháhsawen nahatirihwí꞉sake,

Exodus 22:20

“Enhonwaríwenhthe nahonwanonwarhiá꞉kon nónhka nahaʼtsatátshaʼahthe ne katshénen niaʼsakotátʼtse ne kahiaʼthonhnisónhas, ók kwáh nék khók Ní꞉i, ne Watiá꞉ner.

Exodus 23:24

Tó꞉sa teiettsiiatiákʼthons ne raotiniʼiohókons tó꞉sa ó꞉ni iettsisénhnaien, tánon tó꞉sa ó꞉ni sewahiéna ne raotiriwiiosthóntsheras

Leviticus 27:28

Iáh ónhka thaʼhónton ne thènen ahiontenhnínon khés nahonsaienínon tsi nahó꞉ten ne kwáh iáh othènen tatekeníneren tsi ronhwahiathakweniʼióston ne Roiá꞉ner, tó꞉ka kén ónhkwe akénhake, khés ne katshénen, khés nohóntsa. Kwáh kíʼ iehiotkonhthákwenk Roiá꞉ner rahowenkónhwe enkénhake.

Deuteronomy 13:14

Tó꞉ka thé꞉nen ensewarihwá꞉ronke ne karihontienónties, kwáh tokén꞉en sewarihwísak; tánon tó꞉ka tó꞉kenske í꞉ken kí꞉ken karihwahétken é꞉tho nihiawénhen,

Deuteronomy 13:5

Ók ietsinonhwarià꞉kon ónhka ne tehatiriwathétha natetshénseras tó꞉ka ó꞉ni ne rotitokénhse ne ieʼtshiró꞉ris ne tó꞉sa atsisewawénhnaraʼkwe ne Roiá꞉ner, tsi raónha setsisewaniakénton ne Egypt nón꞉we, tsi thóh nónwe nisewanáskwa kén꞉en. Né꞉tho onhkweshón꞉as kwáh ronhnonhkweʼtahétkens ó꞉ni ronhtenièn꞉tha naieʼtsihiatahará꞉kwaʼthe tsi nitsónhe ne Roiá꞉ner tsi nitsisewahró꞉ri nahitsónhnheke. Ó꞉nenk tsi enhonwatinonhwarià꞉kon, ne naónton nahisewá꞉ti kí꞉ken kariwahetkénhsera.

Deuteronomy 17:4

Tó꞉ka thé꞉nen ahseriwá꞉ronhke ne thóh nikarihó꞉ten, ethò꞉ne ki kwáh ioianeréhak tsi serihwísak. Tó꞉ka tós꞉ke thóh ní꞉ioht né꞉tho kí꞉ken kariwahétken tsi thóh nahá꞉wenhne ne Israerʼró꞉nonhke,

Deuteronomy 2:34

Tánon iaʼtsiakwariwaiéstaʼkwe wahakwaiéna ó꞉ni wahakwanaʼtèn꞉ton há꞉ton kwáh tsi niatekaná꞉takes, tánon kwáh niateionkwè꞉take tsi wahakhihiawénhtho, ronhnónhkwe, konhnónhkwe, ó꞉ni ratikshaʼokónhas. Kwáh iáh othé꞉nen tsiaʼtehionkwénhron.

Deuteronomy 7:16

Ieʼtsihiátont ratikwé꞉kon ne niatehononhontsá꞉kes ne sewashatstenhserá꞉kon nónhwe ne Roiá꞉ner nenshakotʼkà꞉we, tánon tó꞉sa othé꞉nen ietshinaʼtónhas nataniténron. Tó꞉sa ietshisén꞉naien ne rahotiní꞉ios, asè꞉ken ne ensewáriote.

Deuteronomy 7:2

Nó꞉nen ne Roiá꞉ner saNí꞉io sashatstenhserá꞉kon nón꞉we nenhsakotkà꞉we kí꞉ken onhkweshón꞉a tánon ensheʼsén꞉ni, ó꞉nenk tsi ratikwé꞉kon ensenonhwarià꞉kon. Akwáh tó꞉sa thé꞉nen iatesewateriʼwá꞉iest ne ronónha tó꞉sa ó꞉ni thé꞉nen ietsinaʼtónhas nataniʼténron.

Joshua 6:24

Ethòne ónenh wahontenatenhthawe ne kanató꞉wanenhke ó꞉ni wahó꞉teke kwáh okenhrake wahón꞉hni, kwáh tsi nahó꞉ten ne thóh nónhwe nikaienthakwe, nek khók tsi nahó꞉tensons ne kawistarahke, owistanorons, ne tehiotʼtsinokwahronhte notsinekwar karisthatsis, ó꞉ni ne karisthatsi íken, tsi né iehó꞉thiha tánon Roiá꞉ner tsi rawisthaienthakwah nónhwe iehó꞉nathakweniaien.

Revelation 17:16

Tánon noié꞉ri nikanakarákes né꞉tho wasatkáto, né꞉tho tánon ne katsinonhiowá꞉nen enkonwá꞉shon ne wathokó꞉tha; ronón꞉ha kwáh enkonwanenskwenhá꞉ton tánon enkonwanhostón꞉ni; ronón꞉ha kwáh enkonwahwá꞉rake tánon enkonwatsiatatsáhate otsirá꞉ke.

Judges 20:3

Ethosáne nonhkweshónhas ne Benjamin wahatirihwáronhke tsi ratikwékon ne ronátsakes nʼIsraerʼró꞉nons Mizpah nónhwe nihonatsataró꞉ron. NʼIsraerʼró꞉nons wahatirihwanónhton, “Thakwahró꞉ri, onhʼní꞉ioht kí꞉ken sewaterihwathewáhthon tsi thóh nahá꞉wenhne?”

Judges 20:48

NʼIsraerʼró꞉nons né꞉ne ronátʼtsakes Benjaminró꞉nons sahonwanatʼkaraténi tánon ratikwékon wahonwatinonwariákon—ronhnónhkwe, konhnónhkwe, tánon ne ratitʼsahokónhas, ó꞉ni ne konhtitshénhnens. Kwáh tsi niatekanáthake né nónhwe nihiokwénhrare tsi wahontenonkwahtetʼthánion.