Deuteronomy 13:1 - Ohiatonhseratokénti

¹ “Tó꞉ka sí꞉ken Rotokénhse tó꞉ka ó꞉ni ne tehariwathétha nateʼtsénhseras enhoké꞉tote tánon rá꞉ton tsi orihwí꞉io ró꞉ien ne ioriwanerákwat tsi nenhiáwenhne.

Deuteronomy 13:1 ပူးပေါင်းရင်းမြစ်များ

1 Kings 13:18

Ethòne né rosthénha ne Bethel nithawénon wahawénhase, “Íh, ó꞉ni, wakʼthókense kwáh tsi ní꞉ioht níse, tánon tsi nahathénhnhaʼne ne Roiá꞉ner ne raronhiakeró꞉non wahatróri nahonsétene tánon akonhiateweiénhton tsi enkonhnakthóthaʼse.” Ók né rosthénha wahanówenhthe.

1 Kings 13:19

Káti ne rotó꞉kenhse ne Judah nithawénon sahathénhti shahiaterósenh ne roksthénha tánon wathiáthonhte.

Proverbs 30:6

Tókaʼ sá꞉ton oʼthé꞉nen wahèn꞉ron ne iáh netehá꞉wen, enhsiahsnó꞉rahkweʼ tánon wé꞉ne enhrón꞉ni tsi sanó꞉wen.”

Isaiah 9:15

né thotí꞉ions tánon ne ratisenhnowánens né nonhnóntsi í꞉ken, tánon ne rotiʼtokènse ne ronónha sakotiʼrihonhniénhnis noʼnhówens né notáson í꞉ken;

Jeremiah 23:11

Ne Roiá꞉ner ráton, “Ne rothitó꞉kense ó꞉ni ne rotikháres kwáh iáh tehothiniʼioseráhien; Iekènʼa kheʼharáhse kariwáksen tsi nihóntiera ne ononhsatokentiʼkówaʼne.

Jeremiah 23:32

Sahtahónshatat tsi nahó꞉ten ne Í꞉i, ne Watiá꞉ner, káton! Khehiátkonhte thíken rotitokénhse ne ronhtró꞉ris ne rahonatetʼtshénseras ne ne titkáhere noʼnhówenhs. Ronhtró꞉ris kí꞉ken atetʼtshénsehras tánon shaʼkonatʼthaharakwáhtha naʼkonhkwetaʼshón꞉a ne ne oʼnhówenhs ó꞉ni tsi tehonahthaʼterénsharon. Iáh tiekhehiateniéton iáh ó꞉ni tekhenáhon ne iahónne, tánon kwáh iáh othènen tehotí꞉ien nashaʼkotiʼiénawahse nonhkweshón꞉a. Í꞉i, ne Watiá꞉ner, wakatáti.”

Jeremiah 27:9

Tó꞉sa ietʼtsihiathahónsahtat ne rotitokénseh tó꞉ka nihóni tsi nikáien ne rónton enhatiʼkwéni ne iahatiʼriwáhken tsi niaʼhawenonhátie, ó꞉ni naʼtettshénsehras tó꞉ka nihóni iahatíʼnonhke ne iakawenhéion raotiʼnikónhras tó꞉ka nihóni ne atenhennahráhtshera. Kwáh ratikwékon ietʼtsiró꞉ris ne tó꞉sa thaʼtsisehwahnónhtons ne ronnonhtí꞉io ne Babylonia.

Jeremiah 29:24

Ne Roiá꞉ner Roshastsʼtenserowánenh, né shakoʼNí꞉io ne Israerʼró꞉nons, tahákon naʼteriwahnhotátshera ne ne Shemaiah rahorihwáhke ne Nehelam nónhwe, iehothiaʼthonsehrahtheniéthon ne kwáh rahónʼa raosénnahkon né nonhkwetaʼkwékon ne Jerusalem akorihwáhke tánon ne rokhá꞉res Zephaniah né roʼníha ne ne Maaseiah tánon ó꞉ni ne roʼnhatiakhésons ne rothiʼkháres. Kí꞉ken Shemaiah tsi niehohiathónni ne Zephaniah:

Jeremiah 29:26

“Né Roiá꞉ner rokháres wahiónni né rahonákthake ne Jehoiada, tánon nónhwa ónenh kíʼ í꞉se senenhrahkweʼní꞉io Nononhsatoʼkentikówahne. I꞉se shaʼteriwahiénni nahsatkátho ne kwáh niaʼtehionkwétahke ne tehionnonhwahrawénhrie ne íhienre tsi iakoʼthó꞉kense nahehiathó꞉ten oronkwáhsa tahionthatenetsthérenʼke ó꞉ni karísthatsi ahiontatniashá꞉nerenʼke.

Jeremiah 29:8

Í꞉i, ne Watiá꞉ner, ne kheʼNí꞉io ne Israerʼró꞉nons, kwahtokaténni ne tó꞉sa sehwahthóntat naʼietʼtsinikonhráhten ne rotitokénse ne skátne sewahnáhkere tó꞉ka ó꞉ni nakorénsons ne rotró꞉ris enhathikwéni ne iahathiriwáhken tsi niaʼhawenonhátie. Kwáh tó꞉sa thènen karíhwah tsiónni ne rahonatetʼtshénsehras.

Jeremiah 6:13

“Onhkwetahkwékon, ahiesenhnowánenhke tó꞉ka ó꞉ni kentʼnaiesénhnaske, ronteniéntʼtha kanikonhráhthon tsi ní꞉ioht tsi ahontʼwisthónni; iekaníhareh ne rotitó꞉kense ó꞉ni ne rothikháres sahkotinikonhraténnis nonhkweshón꞉ʼa.

Ezekiel 13:23

Káti ónenh ne sáwenk ne iáh tókenskeʼtèken ne sathasatharáhnis tánon tsi niwathaharahkwáhtha ne iekariwáhkens enwahtókʼten. Kwáh ensehkheniákenhthe nakonhkwetaʼshón꞉ʼa tsi nòkwah ne sashastsʼténsera, Káti né nahishatheriéntarahne tsi Í꞉i ne Watiá꞉ner.”

Zechariah 10:2

Nonhkweshón꞉ʼa ne shakotinikonríhsats ne kahiatón꞉nis tánon ne rontthiathonsehratkénses, ók tsi tehonwahthirihwasehrahkwén꞉nis ne nonhówenh ó꞉ni ononhwahrohríhtha. Ó꞉tiaʼkes tehierihwakʼthétha nateʼtsénhseras, ók kwáh ne khók nahieshanikonráhten; ne kaʼnikonranirákʼtshera teshakoná꞉wis iáh othé꞉nen tehiorihón꞉te. Káti nonhkweshón꞉ʼa tsi tehiakotawénhhre kwáh thóh ní꞉ioht tsi shí꞉ken ní꞉ioht ne teiotinakarontón꞉a ahionahtiathatónʼon. Rothiʼnikonrahronhiáken né tsi iáh tehononhkwè꞉thaien nahshakohén꞉thenhse.

Zechariah 13:4

Nó꞉nenh ne kawistáhets enwáhwe, iáh ónhka ne rotokénhse thataharenshá꞉ron ne rahoteʼtsénhsera tó꞉ka ó꞉ni thonahronnhoténhake tsi ní꞉ioht ne rotokénhse tó꞉ka ó꞉ni ne ahatʼtseronhniá꞉te ne iohnonhwérahre ne nahónton ashakonikonhráten nonhkweshón꞉ʼa.

Matthew 24:11

Kentiokoȣanen oni ehnonȣe nenhotiketote ne Rotitokensetseraksen nok kentiokoȣanen ensakotinikonrakarhatho.

Matthew 24:24

Aseken enhatinakerenne nethone ne Keristos enhontatonni, Oni ne Rotitokense, ioriȣanerakȣatenion, teiotieronnionhaton oni tsi nenhatiieranion, aontonseke oni asakotinikonrotako ne iontatiatarakȣen.

Matthew 7:15

Seȣatatenikonrarak kati, enhietsiiatorenne ne rotitokensetseraksens, teiotinakarontonha enhohnatiatontakȣenhatie, nese naoskon Okȣaho oni tsini hatinenskȣas.

St. Mark 13:22

Aseken enhontiatontakȣe ne Keristos oni Rotitokense, ioriȣanerakȣatenion tsinenhatiieranion natahatiierekenha asakotinikonrakarhatto ne iakohianere.

Luke 6:26

Seȣententasere ise ne tenhietsirensaronnion nonkȣeokon! Ehse oni nehne nisakotiierasehakȣe ne sakotiniokonkenha ne Rotitokensetseraksenskȣe.

Deuteronomy 18:20

Ók nónhka ne rotokéhnse ná꞉rehreke aksén꞉nakon tsi ahateriwanó꞉ten nó꞉nen iáh tehiró꞉ri ne thóh nahá꞉iere, káti ó꞉nenk tsi enrenhé꞉iate, tánon káti ó꞉ni thóh nónhne nenhoià꞉tawen nónhka ne rotokénhse ahotisén꞉nakon ne ó꞉ia nihioʼokón꞉as tsi ahatá꞉ti.’

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 4:2

Tó꞉sa othé꞉nen iaʼsewáiest tsi nahoʼténsonhs kwaroriánions, tánon tó꞉sa othé꞉nen tatsónhnek. Sewatewénhnarat ne Roiá꞉ner raowenhnaʼsónhas ne sewaNí꞉io né꞉tho tkwá꞉wi.

2 Thessalonians 2:9

Ne ranikonrákʼsen né enhaháwine ne ranesonrónon raoshatsténsera tánon iatékon tsi nenhaieránion ne ioriwahnerahkwahténions ó꞉ni ne ioneráhkwahs,

2 Tiér 2:1

Ronteriwanotatsherátsens wahonthotashiónko nonkwé꞉ne tsi nitsawénon, tánon kwá ne sáka tsi enhonthotashiónko ne rohtinówens sakotirihonniénʼnis ne sewentiókwakon. Ne kíʼ enkaionte naisewakarónniathe, nonówen ateriwanothátsheras, tánon enhonwatonníhase ne Kerístos tsi nikáien sehsakoniakénton, tánon kíʼ kwá ienhontátkwase tahontaiawénstsi ahonníheie.

1 Sawátis 4:1

Tekanórons tewatenrosónhas, tóhsa tasewétak nónka íhienre iakoriwiʼióston, nók ietʼtsiʼiateniénten tóhkaʼ kén ni꞉ióʼne nón nitsawénon tsi iakoriwiʼióston. Asèken ronatiokowánen ne rohthitokentseseráksens tsík nonwéson nón nienhonenónseron.