Deuteronomy 12:9 - Ohiatonhseratokénti

⁹ Tiorí꞉wa tsi arè꞉kok tietsonhontsará꞉hon né꞉tho Roiá꞉ner sewaNí꞉io tsisewawì꞉re, tsi nón꞉we nenhwá꞉ton ne skénhnonk tahisewanákerehke.

Deuteronomy 12:9 ပူးပေါင်းရင်းမြစ်များ

1 Kings 8:56

“Tehonwanonweráton ne Roiá꞉ner tsi rahónha tesakówi ne rahonkwetashón꞉ʼas ne skénnon, tsi ki nihorahrátston tsi thóh nenháiere. Akwékon niehoieríhton tsi nahoténsons ne tkarihwaiéris roraratsthánion rahonháke ne Mahís.

1 Chronicles 23:25

Ne Táwit wahénron, “Ne Roiá꞉ner ne Sakoní꞉io Nisraeʼró꞉nonke teshakówi ne skénnon ne raonkwetaʼshón꞉as, tánon kwáh rahónha tsi wah tsi Jerusalem nón꞉we nenhenterón꞉taʼke.

Psalms 95:11

Wahkenakwénhenʼne ó꞉ni iorihwahníron wakarahrátsʼton: “Iáh nonwénton tiahatiráhtaʼne nonwentsáke tsi nónwe nikhehionhontsáwi nahonthoríhsen!”

Jeremiah 31:2

Ne kahráhkonhs wakhenésten nètho ronhnónkwes tsi nikáien ne shonhatotharísion ne kenheiátʼne. Nónenh ne Israerʼró꞉nons wahonskáneʼke nahonnonhrisénhthaʼne,

Micah 2:10

Téstan tánon wás; asè꞉ken iáh teká꞉ien nahiontoríhsen ne ken nón꞉we, tiorì꞉wa tsi iáh tehiotkwéniens tánon nahothatewenhnihió꞉sera enkonwáhkwa tánon enwatkarónhni né꞉ne tehiotenonhianì꞉ton kaʼnikonhratsénhtsera natkaronhniá꞉tshera í꞉ken.

Deuteronomy 12:8

“Nó꞉nen ienkáhewe, iáh tehiówenk ne thóh nahonsehsewá꞉iere tsi nisewahié꞉rahkwe. Tsi nió꞉re nón꞉wa kwáh sewakwé꞉kon sewaterénhnaienskwe tsi nenhtisewanónhweʼne,

Deuteronomy 25:19

Káti thóh, nó꞉nen ne Roiá꞉ner sewaNí꞉io tetsisewá꞉wi nohóntsa tánon skén꞉nonk thatsitiónhni tsi nòkwah ne tesewatà꞉tions ne sewahiatakthóntie ratinakerénion, kwáh iorihwí꞉iok tsi iétsi nonhwariaʼkón꞉nion ne Amalekró꞉nons, ne káti ne tó꞉sa ónhka nonhwénton ahonshahonwenehiárake. Kwáh tó꞉sa sewaʼnikónhren!

Deuteronomy 3:20

Ieʼtsisnié꞉non ne otià꞉kes NʼIsraerʼró꞉nonhs tsi nió꞉re ienhontié꞉nawatsʼte nohontsaʼshón꞉a ne Roiá꞉ner enteshakowí꞉hon né꞉ne tsi iaʼtewatshénthos nokwá꞉ti iotohetsʼtákwen ne Jordan tánon ne tsi nió꞉re ne Roiá꞉ner enshakorí꞉hon ne skén꞉non tsi ahatiʼterón꞉take, tsi ó꞉nen thóh ne nihoié꞉ren ne kén nónhwe ne sewariwà꞉ke. Ken ienwatásawen, enwá꞉ton ne kén꞉en tsi iohontsá꞉ien natahonʼté꞉sehwe né꞉tho ohóntsa tkwá꞉wi.’

Deuteronomy 4:21

Í꞉se wesewarihón꞉ni ne Roiá꞉ner sewaNí꞉io rakenaʼkwáseʼne tánon kwáh oriwihioʼónwe tsi wahariwahní꞉rate tsi iáh tiaʼtatià꞉iake ne Jordan Kaniataratátie niakatawehià꞉te ne tsiohontsí꞉io tsi niká꞉ien ne tetsisewawì꞉re.

Joshua 11:23

Ne Joshua kwáh ohontsakwé꞉kon wahatié꞉nawatste, tsi ki nihoró꞉ri ne Roiá꞉ner ne Mahís. Ne Joshua Israerʼró꞉nons thasaká꞉wen nahonawenhkónhweke tánon tenkahiakhónhnionke, énska ne sohthitioiókwah enhatiienà꞉seron. Káti nonhkweshón꞉as wahonorihsénhthane tsi waterí꞉io.