Deuteronomy 12:5 - Ohiatonhseratokénti

⁵ Thóh tsi kanakerahserá꞉ien kanenrahkwé꞉kon ne sewentióhkwa ne Roiá꞉ner énska natenátha enharáhko tsi nón꞉we nonhkweshón꞉as nahontahón꞉ne tsi nón꞉we nenhenʼterón꞉take nahonwasénhnaien.

Deuteronomy 12:5 ပူးပေါင်းရင်းမြစ်များ

1 Kings 14:21

Né Solomon roiénha Rehoboam kaiéri-niwásenh-énska shaʼtehahoserihiákon sahononhtí꞉ione ne Judah nónhwe, tánon tsáta iawénhre nihioseráke rótkorasthonhne ne Jerusalem, né꞉ne kanatowanénhke ne Roiá꞉ner rorákwen akwékon tsi niwathonhóntsa Nisraerʼró꞉nonke tsi thóh nónhwe nenhonwasenhnaienthákwahke. Né Rehoboam roʼnisthénha né꞉ne Naamah né꞉ne Ammon nitsakawénon.

1 Kings 8:16

‘Tsi nikaháwi thontakhehiatínekenhwe nakonhkwetashón꞉as ne Egypt, iáh arèko shiʼwakerákwen ne kanatowanénke tsi nihiohóntsa ne Israerʼró꞉nonhke tsi nónhwe naʼkanonhsonhníhake Nononhsatokentiʼkówa tsi nónhwe nahiontsenhnaiénthakwahke. Ók kíʼ í꞉se wakonhiataráko, Táwit, nasheiatkórasthe nakonhkwetaʼshón꞉as.’”

1 Kings 8:20

“Tánon ónenh kíʼ ne Roiá꞉ner rotienawáston tsi nihorahrátston. Í꞉i teshiʼnatʼthakwénhni ne rakeʼníha tsi rononhtí꞉ioʼkwe ne Israerʼró꞉nonke, tánon kíʼ wakenonhsónhni nononsatokentiʼkówa nahonwasenhnaienthákwahke ne Roiá꞉ner Sakoní꞉io Nisraerrónonke.

1 Kings 8:27

“Ók askwé꞉ni ken, O Sewenní꞉io, né kwáh tsi ionhwenhtsáte nónhwe nasenákereke? Akwékon iáh tsiatekaiéri tsi níwah ne tsi karonhiáke nahisatsénawasʼthe, onhkáti naiawénhne kí꞉ken Ononsatokentiʼkówa ne wakenonhshí꞉sa ne iaʼtakaiérike tsi náhonske?

1 Kings 8:29

Satenhnikonhráren kí꞉ken Ononsatokentiʼkówa ne tsi niwenhniserésons ó꞉ni tsi niwasonhtésons, tsi kén nónhwe nisará꞉kwen naieshasenhnaienthákwahke. Takwatʼthónhtet nónen enkaterénhnaien tsi nòkwah kí꞉ken Ononsatokentiʼkówa.

2 Kings 18:22

Ne Assyriaró꞉non rasenhnowáne iahatasónhteren, “Khés kwáh kíʼ takró꞉ri tsi né tserá꞉re ne Roiá꞉ner Saní꞉io í꞉ken? Kwáh kíʼ Roiá꞉ner rahononsatokentíke tánon ne ietienharákwah nètho Hezekiah rorihwéntʼton, nó꞉nen shaʼsakoróri nonkweʼshón꞉ʼas ne Judah ó꞉ni ne Jerusalem nek akonwasénhnaien ne ietienharákwah ne Jerusalem nón꞉we nikáien.

1 Chronicles 22:1

Ká꞉ti ne Táwit wahénron, “Kén kí꞉ken nón꞉we ne Raoʼnonsatokentiʼkó꞉wa ne Roiá꞉ner Ní꞉io nenhkaʼnonsónhniʼke. Kén nón꞉we ne ietienharákwah nenhkénhake tsi nón꞉we nonkweʼshón꞉as Nisraeʼró꞉nons nenhtatí꞉iesʼte naʼkonwanateskóntʼthake.”

2 Chronicles 7:12

né Roiá꞉ner tsiniwasónhtes wahothotháshien, “Onhkatʼthónhteʼne ne saterénhnaient, tánon watiéna kí꞉ken Ononsatokentiʼkówa tsi nen꞉we enkénhake nahionktátʼtse ne wateskónhtes.

Ezra 3:2

tánon ne Joshua né roʼní꞉ha né꞉ne Jehozadak, né꞉ne skátke ronaterihón꞉te tsi tenitsihénsthatsi, tánon ne Zerubbabel ne roʼní꞉ha né꞉ne Shealtiel, ratikwé꞉kon ne ronhthatenónkwes, sahonhnón꞉ni ne ratsienharáhkwa ne Sakoní꞉io ne Israerró꞉nonke, ne káti nahónton é꞉tho ahonsahonteskónhten tsi entsohianénhawe tsi nikahiá꞉ton ne Mahís rahohianerenhserá꞉kon, ne Rawenni꞉io rahonkwè꞉ta í꞉ken.

Ezra 6:12

Aiá꞉wens ne Rawenni꞉io tsi raónha rorákwen ne Jerusalem tsi thóh nón꞉we nenhonwasenhnaienthásehke, ronhwahiatí꞉nekenf ónhka ne ronhnonhtí꞉io khés ne onhkweshón꞉as ne tenhietsiónsthe ne ken kaianerénhsera tánon nahionhtheʼniénten nahierihwathónhte ne Ononsatokentihkó꞉wa ne nón꞉we, í꞉i ne Darius, watsianerenhserí꞉sa. Natianerénhsehra tsi kwáh enkanánonhke tsi enhiontewénhnaraʼkwe.”

Ezra 7:17

“Kwáh tashateweién꞉ton tsi íhsats kí꞉ken oʼwísta tánon ne senaskwahní꞉nont ne té꞉ro, teiotinakaronhtón꞉a ratítsinn, teiotinakaronhtón꞉a owí꞉ras, onátsias, ó꞉ni onenharataʼsehontsherákeri tánon thóh iahásren ne ientsenharákwahke ne Ononsatokentihkó꞉wane ne Jerusalem.

Nehemiah 1:9

Ók tó꞉ka akonhá꞉ke nathétese tánon ensenónsthate nakatsawenhráhtsheras tánon thóh nenhséren, é꞉thoʼne kíʼ iawerohátien shé꞉kon ne taiesarehniátonke ne tsi iehioteronhiáte, kwáh ki skátne tsi ensekhehiaʼtaró꞉roke, tánon thóh nienkhehiaʼthénhawe ne tsi tewatenataièn ne wakeráhkwen tsi nón꞉we nakaiénhtake natsénhna.’

Psalms 78:68

Ók ne waʼsakohiataráko tsi ratitáraien ne Judah, tánon ne tsi ionónte ne Zion, tsi nikáien ne kwáh ranorónhkwa.

Exodus 15:2

Roiá꞉ner seh nʼakeshatsʼténsera ó꞉ni nʼakerénhna, tánon rahónʼa nʼatsiaʼthakenáhtshera; né kí꞉ken nakeʼNí꞉io, tánon kwáh tenhinonhweráhton, rakeníha raoʼNí꞉io, tánon kwáh enhiʼsenhnakaráhtaʼte.

Exodus 20:24

Thaʼtiónhnen ietsienharáhkwah okénrah nahóten tsónhniaʼt, tánon thoʼèhneken sewatsiaʼtáʼtsaʼàhtt ne sewatshénen teiotinakaronhtónʼa ó꞉ni ne sewatʼtshénen tionónhskwahron niaʼhisewá꞉thate né꞉ne kwáh í꞉ken tsi ahontsahathonhake tánon né꞉ne skariwa tsi iahisewataʼte. Né kwáh tsík nonhwéhsons ne kwahrahkwénhni naskwahsénhnaien, kwáh kíʼ èntke tánon enkwaʼhiatatérisʼthe.

Exodus 25:22

Kwáh thóh nónhwe naʼtenʼtiatátken, tánon thóh é꞉neken natenontekʼtàke tsi natehiátere ne tèkeni teniʼnerahóntshonʼte ne tehnónne kwáh entkónion akwékon natianerénsheras né꞉ne lsraerʼró꞉nens raotiriwàhke.

Jeremiah 26:2

ne Roiá꞉ner wahakénhaʼse, “ʼAtenhénrahkon ne Ononhsatokentiʼkówahʼne nónhwe naʼtéstann tánon satró꞉ri oriwahkwékon tsi nikonnháhon nasehró꞉ri nonhkweshón꞉a tsi nitsiéntha ne kanahthakérons ákta ne Judah ne ne thóh nónhwe nahionterénnaien. Kwáh tó꞉sa ne othènen ahonthashaʼthótʼthaʼkwe.

Jeremiah 7:12

Shiloh niaháse, né꞉ne tiotierenthákwen wahkeráhkwen tsi nónhwe nahiontsennaienthákwake, tánon satkátho tsi niwahtiéren ne tioríhwa tsi nihotiriwáhneren nahkonkwetahshón꞉a Israerʼró꞉nons

Jeremiah 7:14

Onhkati, nahtiérahse ne Shiloh kwáh kíʼ éhtho nenhtiérahse nakenonhsatokénti, tsi ne nisehniahésen. Kén kíʼ nónhwe niwahtenáhthaien tetkhehiáwi ne shasótʼtshera tánon ní꞉se, kwáh ne sáka tsi ehʼnénhtiere tsi nitiérahse ne Shiloh.

Numbers 7:89

Nónen ne Mahís atohsehrákon niaháre ne Roiá꞉ner thaʼnitháren, wahothóntene ne Roiá꞉ner rotharáni thóh èhneken ne tsi iotenonhtékon Naterihwaʼseronhniátshera oneró꞉kwah, né tsi natehiátere ne teníhiase ne teninerahónhtsonhton tenironʼhiakeronnonhkówa.

Deuteronomy 12:11

Ne Roiá꞉ner kwáh sewatenatá꞉kok tsi nón꞉we nenhará꞉ko né꞉ne tsi nón꞉we nahonwasenhnaién꞉seke, tánon thóh nón꞉we akwé꞉kon entisesewáhawe tsi nikwahró꞉ri: né꞉ne sewariwihiosehʼokónhas nahontsahaʼtónhake tánon noiáhsons ne sewariwihiosehʼokón꞉as, ne sewawístas ó꞉ni ne sewaienthó꞉tsheras, tánon ne sewatokenstánions ne tsi sewarahratstén꞉ni ne Roiá꞉ner.

Deuteronomy 12:13

Kwáh tó꞉sa ietsihiateskónhten ne sewatshenenó꞉kons ne tsiknónhwe nahisewè꞉reke;

Deuteronomy 12:18

Í꞉se tánon ne ietsihienʼokón꞉as, skátke ne sewaná꞉tsheras tánon ne levites ne sewanatá꞉konhs ratinákeres, ne enhón꞉neke kí꞉ken kariwihiosehʼokónhas thóh ne kók rahohénton ne Roiá꞉ner sewaNí꞉io, nénska kók tsi nón꞉we nenhonwasénhnaien tsi nihoráhkwen ne Roiá꞉ner sewaNí꞉io. Tánon thóh nón꞉we tsi ensewatsenhnonhníhak orihwakwé꞉kon tsi nisewahiotèn꞉en.

Deuteronomy 12:4

“Tó꞉sa tóh nihiotónhak tsi atsisewasén꞉naien ne Roiá꞉ner sewaNí꞉io tsi ní꞉ioht tsi ratisénhnaiens kí꞉ken onhkweshón꞉as ne raotiní꞉ios.

Deuteronomy 14:23

Ethò꞉ne iaʼsewáhaf noierí꞉haton ié꞉ken ne sewanátsias, nonenharaʼtasehontsherá꞉keri, tánon ne iakeniewátha kén꞉ie, tánon ne tiotierénhton ionatewì꞉raien ne tionónhskwarons, teiotinaʼkarontón꞉a, tánon ne kaiaʼtákeras, Ísewak kí꞉ken kákhwa ó꞉ni noʼwá꞉rons ne tsi nihietsiʼiawénhton ne katshénens ne nón꞉we. Ne kí꞉ken ensewarihónhnien ne tió꞉konte atsisewakweniénstake ne Roiá꞉ner sewaNí꞉io.

Deuteronomy 14:24

Tó꞉ka shó꞉tsi ahinonhnió꞉re ítken ne tsi nón꞉we nisewénhteron ne iahisewáhawe tsi nahoʼténhsons nahontesewá꞉ieste tsi nisewaientwákwen né꞉tho Roiá꞉ner tsi sewahiatateríston né꞉tho, ethò꞉ne ken naʼsewáier:

Deuteronomy 15:20

Énska ne tiotsera í꞉se tánon ne sakwáhtsire Roiá꞉ner rahohénton nónwe natesewaskáhon né꞉ne tsi ionterenhnaientákwa nónhwe.

Deuteronomy 16:11

Sewatonhnarón꞉nion tsi nón꞉we nihénteron ne Roiá꞉ner, skátke ne ietsihienʼokónha, sewanatsheraó꞉kons, tánon ne levites, thihononhontsá꞉tes, tehionthonhnakárias, tánon ne ionateréhons ne sewaná꞉takons konhtiʼteróntons. Tsi ionhterenhnaientákhwa kí꞉ken thóh naʼsewá꞉ier.

Deuteronomy 16:15

Skwénienst ne Roiá꞉ner saNí꞉io tsi ensateʼnikonhró꞉ri kí꞉ken tehiontenonweratónkwa né꞉ne tsá꞉ta nónhta nikarì꞉wes ne nénskak tsi nón꞉we nihionterenhnaientákhwa. Sathonhnárak, tiorì꞉wa ne Roiá꞉ner tsi rohiatateríston ne saientwá꞉kwen ó꞉ni ne sahioʼténhsera.

Deuteronomy 16:2

Tsi tionterenhnaientákwa niaháse tánon sahiawénhto ne teiotinakarontón꞉a tó꞉ka ó꞉ni tionónhskwaron né꞉ne watohetstákhwa ashekhwá꞉ren tsi akskwénienste ne Roiá꞉ner saNí꞉io.

Deuteronomy 16:7

Tesnekónhtiet noʼwá꞉ron tánon thóh ne tsi ionterenhnaientákhwa sewàrak; tánon tsi ientsórenhne shasahténti.

Deuteronomy 17:8

“Ók tó꞉ka nón꞉wa otià꞉kes ne oriwasónhas sóhtsi wateriwenhtó꞉res ne thóh ratinákeres ne ratiriwénhtha ne tahatihiató꞉rethe, né꞉ne tsi ní꞉ioht ne kaienʼtátsheras tó꞉ka ó꞉ni ne iakohiaʼtakwarátson tó꞉ka ó꞉ni ne athataséhton tánon ne sewateriwatewáhton. Nó꞉nen kí꞉ken ehnenhiá꞉wenhne, tsi ionterenhnaientáhkwa niaháse né꞉ne tsi nón꞉we nihoʼráhkwen ne Roiá꞉ner saNí꞉io,

Deuteronomy 18:6

“Tsik ónhka ne Levi nihaiaʼtó꞉ten ne raskáneks enwá꞉ton nahontáre ne kwáh tsiknonhwéson nón꞉we nikanataiéntons nahontahaterenhnaién꞉na nʼIsraerʼronónke nón꞉we

Deuteronomy 26:2

tsi sewahiatà꞉tions ó꞉nenk tsi athé꞉rakon ensewátha nentewatié꞉renhte ensewaienkwáko tánon tsi tionhterenhnaientákhwa niaʼsewáhaf.

Deuteronomy 31:11

Sewenhnanótas nonhkweshón꞉as nʼIsraerʼronónke nó꞉nen enʼthónhne nahonwashén꞉naien ne Roiá꞉ner sewaNí꞉io né꞉ne tsi nón꞉we nihionterenhnaientáhkwa.

Colossians 2:9

Asè꞉ken rahonháke ne Kerístos nón꞉we niwenéston tsi niiokwást ne Rawenni꞉io raowehién꞉na tsi nironnheʼón꞉we,

Hebrews 12:22

Khé꞉khok, Tsi ionontáhere ne Zion nontáh꞉se tánon ne rahonátakon ne ronhnheʼónwe Ní꞉io, ne karonhiakékha Jerusalem, skát꞉ke ne tewenniawehetsheráksens niháti ratironhiakerónons.

Joshua 18:1

Nó꞉nen sahatiiéna nonhontsaʼshón꞉as, kwáh kenʼnenhrakwé꞉kon ne Israerʼró꞉nonhke wahonhnitiohkwaró꞉roke ne Shiloh nón꞉we tánon wahonthatoserothón꞉nion tsi nón꞉we ní꞉res ne Roiá꞉ner.

Joshua 22:11

Ne ronátiaʼkes Nisraerʼró꞉nons wahonwatiró꞉ri, “Sewatahónshatat! Nonhkweshón꞉as ne rahotitióhkwakons ne Reuben, Gad, tanon ne nà꞉kon nòkwah ne Manasseh ronón꞉ni ietsienharáhkwa ne Geliloth nón꞉we, ne tsi nòkwah nonhkwáhwenk ne Jordan!”

Joshua 9:27

Ók ki neksáke washakotenaskonhnià꞉the, ne tahatihientiákseke tánon nasakotinekakarenié꞉sheke nonhkweshón꞉as Nisraerʼró꞉nonhke ó꞉ni ne tsi ratsienharákwa ne Roiá꞉ner. Shé꞉kon nón꞉wa wenhniserá꞉te iehothikonhthákwen tsi thóh ní꞉ioht tsi rothihiò꞉the tsi nonhwésons ne Roiá꞉ner rorákwen nahonwasenhnaienthá꞉kwake.

Revelation 14:1

Ethò꞉ne iakatkáto, tánon thóh í꞉rate teonakarontónha owí꞉ra tsi ionón꞉te ne Zion! Tánon ne ratikwé꞉kon ne énska tewenhniáwe kaiéri niwáhsen-kaié꞉ri niwenhniaweheʼtseráhsen nihá꞉ti né꞉ne rahónha tánon ne roʼní꞉ha raotishén꞉na ne tehonwatiiatónkwen ratikwenhká꞉rakes.