Deuteronomy 12:3 - Ohiatonhseratokénti

³ Sewarishión꞉ko ne ratitienharáhkwas tánon tesewaʼtó꞉kwat ne iotokénhti rahotinawahataʼsónhas. Sewátsahat ne tsi kahiatarón꞉nion ne raotiní꞉io Asherah tánon sewarenientánion ne raotihiaʼtonhnisónhas, káti né꞉ne tóhsa shé꞉kon thóh nón꞉we nahonsahatisenhnaiénhseke.

Deuteronomy 12:3 ပူးပေါင်းရင်းမြစ်များ

1 Kings 14:15

Né Roiá꞉ner kwáh enharéwathe Nisraerʼró꞉nonke, tánon kwáh enhiówake tsi ní꞉ioht ne onhó꞉ta tehiawènhtons tsi kahionhatátse. Tánon kwáh enshakotheró꞉tsi nonhkweshón꞉as Nisraerʼró꞉nonke tsi nónhwe kí꞉ken nihiohontsí꞉io tsi nikáien shakahontsáwi ne sakotisotʼthonkonhkénʼens, tánon kwáh thóh nónhwe iathenshakoréniaʼte ne iehiotohéston ne Euphrates Kaniataratátse, tsioríhwa tsi wahonwénhraʼte ne rahonakwáhtsera né tsi né wakonwahiatonhniserónhni ne Asherah kahiatónhni íken.

1 Kings 15:13

Washakorihontháko ne shakosót꞉tha Maacah tsi iakonontí꞉ioʼkwe kaʼnisténhsera kènʼne, tsioríhwa tsi iohiatonhniserónhni ne ioterihwathéhat íken né tetsotenienthénston ne kaní꞉io Asherah. Né Asa waʼhahiatonhniseriáʼke tánon thóh nónhwe iahatsáhaʼthe ne Kidron ahonrákwahkon.

2 Kings 11:18

Ethòne ó꞉nen nonkweʼshón꞉as ononsatokentiʼkówaʼne ne Baal niaʼónhne tánon waʼhatiratiónhko ne rahonatʼtserónhniat; wathaʼtirihtánion ne ietsenharákwahs tánon ne kahiatonhnisónhas, tánon waʼonwanonwarhiákon ne Mattan, thóh ohénton ne ietsenharákwahke, né raʼotsihénstatsi kènhne ne Baal. Jehoiada ratinikòn꞉rare wasakóteron nononhsatokentí꞉ke,

2 Kings 18:4

Waharihwenthóseron tsi nonwé꞉sonhs nihonterenhnaienthákwah ne iáh tehotiʼiánere, watarihthanion nonénias kanawaʼhathótons, tánon waʼharenienthánions tsi kaiatarónhnions ne kaní꞉io Asherah. Kwáh ó꞉ni onhnonwénhsera waʼrónhniaʼte tsi nathárihte ne otsínekwar nikaristó꞉ten nó꞉niare rahonhniáton ne Mahís, né꞉ne Nehushtan konwanathónkwah. Éhthoh náhe nonhkweshón꞉as Nisraeʼró꞉nonke ne konwatsienkwahronhniatenhniskwe tsi nikonkwakweniénsthakwe.

2 Kings 23:14

Ne Ronnontí꞉io Josiah wathanawahatárihte nostén꞉ra kanawaʼhatonniáton, tahasentánion ne tsi kaiatarón꞉nions ne kaní꞉io Asherah, tánon ohontsáke tsi nón꞉we nikanawaʼhathó꞉taʼkwe ónhkwe akhostienshónʼa waharóhrokʼte.

2 Chronicles 14:2

Né Asa tahonikonhraʼiérihte ne Roiá꞉ner, Raoní꞉io, né tsi thóh nahá꞉iere tsi nahó꞉tens ne tkarihwaiéris ó꞉ni ioiáneres.

2 Chronicles 14:3

Éhren sahahawithánions ne tihiononhontsátes ietsienharáhkwas tánon ne iáh tehotirihwiʼióstons tsi nonwésons nihonterénhnaienskwe, waʼtharihthánion ne iotokéntis onenhias kanawahathó꞉tons, tánon tahasenhthánion tsi kaiatarónhnions ne kaní꞉io Asherah.

2 Chronicles 19:3

Ók éhʼtho kíʼ nenhʼné꞉e, osthónha ká꞉ien ne ioiánere ne sonháke. Akwé꞉kon éhren skahawithánion tsi kaiatarónh꞉nions ne kaní꞉io Asherah tsi né konhwasennaientákwahkwe nonhkweʼshón꞉as, tánon ní꞉se wasatheniénhten né꞉ne ahtié꞉re nahonthatienikonhraiérite ne Rawenni꞉io.”

2 Chronicles 31:1

Shiaʼhontókʼten ne katkhwárahkwe, onhkwetaʼkwé꞉kon Nisraeʼró꞉nonke kwáh tsi niaʼtekaná꞉takes né Judah nonhtahónneʼte tánon waʼthatirihthánions nonénhias kanawahathóthonhkwes, tahón:tahasenhthánion tsi kahiatarónh꞉nions ne kaní꞉io Asherah, tánon waʼthatirihtánions ne ietienharáhkwahs ó꞉ni tsi nonwéhsons ne kahiatonhnisónhas konwasennaienhthákwas. Kwáh ó꞉ni éhtho nahatiʼieráhnion tsikʼnonwéhsonhs ne Judah nón꞉we, tánon ne kanakerahseráhkons ne Benjamin, ó꞉ni ne Ephraim, tánon ne Manasseh; ethóhʼne kíʼ ó꞉nen ratikwé꞉kon sahonhténhti.

2 Chronicles 34:3

Né shatekonháton shiʼioserathátse nètho Josiah shiʼononhtí꞉ioʼkwe shé꞉kon kwáh kénk nithó꞉hionkwe, né tahatháshawen nahosénhnaien ne Raoní꞉ioʼkwe ne rosotkénʼen Ronnontí꞉iokwe Táwit. Kaiérih nihiosehráke onakènʼke tahatháshawen naharihwáhthonhte ne kahiatonhnisónha tsi nón꞉we nikonhwatiʼsenhnaienthákwahkwe, né tsi kahiatarónhnions ne kaní꞉ioʼkwe Asherah, tánon akwé꞉kon nó꞉ia kahiatonhnishón꞉a.

Psalms 16:4

Tsi nihiákon nenhtiontaterá꞉kwahse nóia ní꞉io waʼthatiʼiáseren ne raotinikonraksénhtseras; ne ratinikirátha ne iehatítats nonekwénhsa iáh tahontakáweron ne raotisénhnas iáh tahontóheste ne sháke.

Exodus 23:13

“Shaʼthahónshatat oriwakwékon tsi Í꞉i, ne Watiá꞉ner, wakonró꞉ri. Tó꞉sa roʼnonháke nónhwe nasaterenhnaiénsek ne thiʼkaniʼiosehrátes; akwékon tó꞉sa sehnáhton.

Exodus 23:24

Tó꞉sa teiettsiiatiákʼthons ne raotiniʼiohókons tó꞉sa ó꞉ni iettsisénhnaien, tánon tó꞉sa ó꞉ni sewahiéna ne raotiriwiiosthóntsheras

Exodus 34:13

Khèʼkenk, shaʼsehrishión꞉ko ne rahonáwenk ientienharákwas, tèsrit ne iotokéntis ronatenawaható꞉tons, tsi né rónstha tsi konhwasénhnaiens ne raotiníio Asherah.

Isaiah 27:9

Né꞉tho í꞉ken neh ne raonhí꞉tsera ne Jacob kwáh kíʼ éhren enkahawí꞉tonke, tánon né kí kí꞉ken né kwáh enkaná꞉nonhake tsi enkariwanirate tsi eren enskahawitonhke ne raorihwanerahát꞉tshera: né nó꞉nenh neh enrón꞉niate nó꞉nenhiaokons ne tsi wát꞉tsenharakwahs tsi ní꞉ioht ne ohsawé꞉ta oneniá꞉okon tekarí꞉ton kenknihwas, iah kaneka ne iotó꞉kenti kanawahatásonhas kes nahontsienkwahronhniate ne ietsienharaʼkwà꞉ke ne shé꞉kon akatá꞉ke.

Jeremiah 17:2

Ne shonkwetahshón꞉a iehonterénnaiens ne tsi tsetienharástha tánon tsi nikahiatonnisehʼrohárons ne onhothoharahkésons tánon tsi niaʼtekaróntahke ne ohónthe nikahrontótens né꞉ne Asherah kahiatónni aoriwáhke

Hosea 2:17

Asè꞉ken kwáh kí éhren enkhá꞉wite ne raiatakweni꞉ios Baals raoshén꞉nas ne tsi kasakáronhte, tánon iáh shé꞉kon tahonsahatinatónseke né꞉tho kashén꞉na.

Micah 5:14

Tánon enkontiónkos ne kanió꞉tons Asherah. Tánon enkátonhte ne sanatowá꞉nens.

Zechariah 13:2

Ne nenhkahá꞉wike kwáh ahè꞉ren enhkhá꞉wite ne raothisenhnaʼshón꞉as ne kahiatón꞉nis ne tsi ionwenhtsá꞉te, tánon kwáh iáh ónhka tahonshahonwenhnehiá꞉rahke. Kwáh éhren enkhehiatenhá꞉wite nónhka ihénreh iakohtó꞉kenhse tánon éhren enkahawí꞉ton naskanéktsheras nahonsahkonwahthishén꞉naien ne kahiatón꞉nis.

Numbers 33:52

ó꞉nenk tsi ratikwékon enietʼtsihiatínekenhwe né thóh nónhwe iohontsáien nihatinákere. Sewarihwáhtont akwékon nonénhas ó꞉ni ne karístatsis rahotihiatonhniserahsónhas tánon akwékon ne tsi nónhwe nihiokwénhrares nihonterenhnaientáhkwa.

Deuteronomy 12:4

“Tó꞉sa tóh nihiotónhak tsi atsisewasén꞉naien ne Roiá꞉ner sewaNí꞉io tsi ní꞉ioht tsi ratisénhnaiens kí꞉ken onhkweshón꞉as ne raotiní꞉ios.

Deuteronomy 7:25

Sewátsahat ne raotihiaʼtonhnisónhas. Tó꞉sa sewaská꞉nek ne kawistará꞉kens ó꞉ni nowistanó꞉rons ne ionatstánions, tánon tó꞉sa í꞉se iaʼsewáhaf. Tó꞉ka thóh nenhsewá꞉iere, né꞉ne kwáh iakorióktha, tiorí꞉wa ne Roiá꞉ner tsi ráshons ne kahiatonhniʼsónhas.

Deuteronomy 7:5

Káti kwáh, sewariwénhtho ne tsi ratitsenharáhkwas, tesewarihtánion ne iotokénhtis onénhia ronatenawaható꞉tons, tesewahià꞉konhs ne tsi kaiatarón꞉nions ne kaiaʼtón꞉ni Asherah, tánon sewatsáhat ne rahotihiaʼtonhnisónhas.

Revelation 13:1

Tánon waʼhí꞉ken katsinoniowá꞉nen tahoteskokonhá꞉tie ne kaniatarakeʼkowáhne, oié꞉ri nateonaká꞉ronte tánon tsá꞉ta nihonontsístonte; tánon thóh ranakará꞉kes kaʼhé꞉re oié꞉ri niwanonwarotserá꞉kes, tánon thóh ranontsí꞉nes kasenhnarónhnions ne ronwanikonratsáta ne Ní꞉io.

Judges 2:2

Kwáh tó꞉sa thènen sewatsianerenhserónhni kí꞉ken ronhnónhkwe né kénʼen ionhontsáien ratinákere. Ónenk tsi entsisewarísi ne rahonáwenk ietsienharákwahs.’ Ók iáh kíʼ éhtho tesewaiéren tsi nikwahró꞉ri. Khék ó꞉ia nesewáiere!