Deuteronomy 12:26 - Ohiatonhseratokénti

²⁶ Iahásaf ne shatatawí꞉tsheras ó꞉ni ne shaienʼthótsheras tsi nón꞉we nikaráhkwen nahionterenhnaiénhseke tsi ki nitiarahratstén꞉ni ne Roiá꞉ner.

Deuteronomy 12:26 ပူးပေါင်းရင်းမြစ်များ

Genesis 28:20

Ethó꞉ne ne Jacob wahahrhá꞉ratste ratónnions, “Tókaʼ ne Rawenni꞉io eniakenikwekónhake, tánon enhatiaʼtanónhstate tsi nikathahí꞉ne, tánon enthá꞉kon ne kaná꞉taro ná꞉keke tánon natsherónnia nakatsherónnia꞉te,

Numbers 18:19

“Í꞉se kíʼ tkhonhiawìre, ó꞉ni ne sanekenhteronhtsherasónhas ó꞉ni ne sahiathasehtserasónhas, né꞉ne tsi nènhwe thóh nenhiotónhake, akwékon ne katokenstánions ne thonatkawánions NʼIsraerʼró꞉nons ne tsionhkáwi. Né kí꞉ken ne iáh thatewateríhshions Naterihwasehrionhniátsera né wákston tsi natetewátere tánon tsi niensatwatsírihne.”

Deuteronomy 12:11

Ne Roiá꞉ner kwáh sewatenatá꞉kok tsi nón꞉we nenhará꞉ko né꞉ne tsi nón꞉we nahonwasenhnaién꞉seke, tánon thóh nón꞉we akwé꞉kon entisesewáhawe tsi nikwahró꞉ri: né꞉ne sewariwihiosehʼokónhas nahontsahaʼtónhake tánon noiáhsons ne sewariwihiosehʼokón꞉as, ne sewawístas ó꞉ni ne sewaienthó꞉tsheras, tánon ne sewatokenstánions ne tsi sewarahratstén꞉ni ne Roiá꞉ner.

Deuteronomy 12:21

Tó꞉ka ne tsi nón꞉we nikaráhkwen nahonwasénhnaien sóhtsi ahí꞉nonh ítken, ethò꞉ne ki, nó꞉nen ensewè꞉re, enwá꞉ton ne kwáh tsik niká꞉ien ne kaʼtshé꞉nen ahisewanonhwarià꞉kon tó꞉ka ó꞉ni teiotinakaronhtòn꞉a tsi niká꞉ien ne Roiá꞉ner tsi sewanaskwá꞉wi, tánon enwá꞉ton ne tsi sewanónhsote ahisewahwá꞉rake, tsi nikwahró꞉ri.

Deuteronomy 12:6

Thó꞉nonhwe niensewátkaʼwe ne kariwihiosehʼokón꞉as né꞉ne ahontsahathónhake ó꞉ni noiáhsons sewáwenk ne kariwihiosehokón꞉as, sewawístas tánon ne sewaienʼtóhseras, nahtatawí꞉tsheras ne tsiararatstén꞉ni ne Roiá꞉ner, tánon ne kwáh tsi nitesenónhwes niasátkaʼwe, tánon nentewatiérenhte enhontewì꞉raien ne tionónhskwaron ó꞉ni ne teiotinakaronhtòn꞉a.