Deuteronomy 12:25 - Ohiatonhseratokénti

²⁵ Tó꞉ka enshatewénhnaraʼkwe kí꞉ken kariwatà꞉tshera, ne Roiá꞉ner enhawerientí꞉io, tánon akwé꞉kon tshienioiánerenhne ne sariwáhke ó꞉ni tsi nenhsatwatsirì꞉ne.

Deuteronomy 12:25 ပူးပေါင်းရင်းမြစ်များ

1 Kings 11:38

Tó꞉ka kwáh toʼkénʼen enskewénhnaraʼkwe, tánon tsi enshón꞉nheke né énhtsere natsanerénhseras, tánon né enserienhtí꞉iosʼthe tsi thóh nénhshiere tsi niwakerihwatháton, tsi né niʼiohthónhne nakenhátsera Táwit, kwáh kíʼ tiókonhte tsi entenikweʼkónhake. Kwáh í꞉se enkonhnonhtí꞉iosʼte Nisraerʼró꞉nonhke tánon kwáh orihwí꞉io enkónhni tsi nienhsatwatsírihne né thenhtsesanakthákwen, kwáh kíʼ tsi nihihiatiéraʼse ne Táwit.

Psalms 112:2

Né tsi waʼhewatsirathátse enhatishástsʼteke ne tsi ionwenhtsáte; tsi waʼhatiwaʼtsirathátse ne tionkwetaiéris kwáh kíʼ enshakohiatatérisʼte ne Rawenni꞉io.

Exodus 15:26

Wahénron, “Tó꞉ka kwáh tohʼkènʼen enskwahʼwén꞉narahkwe tsi thóh nenhsewáiere tsi nahó꞉ten íkere ne tkariwaiéri tánon ensewateweiénton nakeriwaʼtáʼtseras, Iáh kíʼ thènnenh thaʼkwahréwaʼhte ne kannrahʼtariné꞉tsheras tsi né niʼkhehiérahse ne Egyptró꞉nons. Í꞉i, ne Watiá꞉ner, tsi nikáien né tsi skwatsiéntha.”

Ecclesiastes 2:26

Rawenni꞉io thakáwas natokhátshera, karihonnienhnítshera, ó꞉ni natsenhnonhniátshera tsi nihiákon ne thonwanikonhraiérits, ók sakohioténstha ne iakoriwáhneren né nahatiró꞉rohke ó꞉ni nahathithonhnionhniánion, né káti nahónton né ahonthasakónonh ne thonwanikonhraiérits Rawenni꞉io. Kwáh oriwahkwékon iáh othénenh tekástha. Kwáh thóh ní꞉ioht tsi síken ní꞉ioht ne owèra konhwásehre.

Ecclesiastes 8:12

Né roriwáneren tó꞉ka enskatewenhniáwe nihioriwáhke né ahohióten ne kariwahétken tánon shé꞉kon kíʼ enrónhnheke. Oh hén, Wakateriéntare tsi nahó꞉ten rónhton: “Tó꞉ka entiewénhnarahkwe ne Rawenni꞉io, kwáh oriwahkwékon tsi tienhioianeréhake,

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Ezekiel 33:25

“Sehró꞉ri tsi nahó꞉ten ne Í꞉i, ne Wakenonhtí꞉io Watiá꞉ner katónhnions: Sehwahwáhrahs né shé꞉kon nihiotenekwénhsa. Kahiatonhnisónhas sehwahsénhnaiens. Iettsihiaséhtha. Onh ní꞉ioht tsi ísewere nohóntsa tsi í꞉se sehwáhwenhk?

Deuteronomy 12:24

Tó꞉sa onekwénhsa satekhón꞉niat; khékok, onhwenhtsà꞉ke sawé꞉ron tsi ní꞉ioht nohné꞉kanos akénhake.

Deuteronomy 12:28

Tasethakwénhak tsi satewénhnarak orihwakwé꞉kon tsi nikonhró꞉ri, tánon akwé꞉kon tshienhioiánereʼke ne sarihwá꞉ke ó꞉ni tsi niensatwatsirì꞉ne ne tsi nénhwe, tiorí꞉wa tsi thóh nénhshiere tsi nahó꞉ten ne tkariwaié꞉ri ó꞉ni rahwerientiióstha ne Roiá꞉ner saNí꞉io.

Deuteronomy 13:18

Tó꞉ka akwé꞉kon enshatewénhnaraʼkwe ne rahoriwatà꞉tsheras ne tkwá꞉wis nón꞉wa wenhniserá꞉te, tánon thóh naʼsewá꞉iere tsi nihariwanónhtons.

Deuteronomy 21:9

Tánon káti, tsi thóh nesewá꞉iere tsi nihariwanónhtons ne Roiá꞉ner, kwáh ki iáh í꞉se tahisewateriwahésthen ne ronhwaséhton.

Deuteronomy 4:40

Sewatewén꞉narak akwé꞉kon ne raoianerénseras tsi nonhtà꞉tion nón꞉wa wenhniserá꞉te, tánon akwé꞉kon tshienioiánerenhne ne sewarihwà꞉ke ó꞉ni tsi nenhsewatwaʼtsí꞉rine. Iensewakonhtà꞉kwe tsi thóh ensewanákereke ne tsi ionhontsá꞉ien ne Roiá꞉ner sewaNí꞉io tsisewawì꞉re nahisewawenkónhweke tsi nénhwe.”

Deuteronomy 5:16

“‘Sheʼkwénienst ne iaʼníha ó꞉ni ne sanisténha, tsi Í꞉i, ne Watiá꞉ner sewaNí꞉io wakwahró꞉ri, ne kwáh ahioianeréhake ne sarihwà꞉ke tánon káti nahónton karí꞉wes ashón꞉nheke tsi ionhontsá꞉te ne tkonhiawí꞉re.

Deuteronomy 5:33

Akwé꞉kon sewatewénhnarak, ne káti norihwakwé꞉kon tsiahioiánerenke ne sewarihwà꞉ke tánon káti kwáh niahisewakónhtà꞉kwe thóh ahisewenhterónhtake ne tsi iohontsá꞉ien nenhsewatié꞉nawatste.

Deuteronomy 6:18

Tóh naʼsewáier tsi nahoʼténhsons ne Roiá꞉ner ratónhnions asè꞉ken tkaié꞉ri ó꞉ni ioiá꞉nere, tánon orihwakwé꞉kon tshiensewaianerásten. Ensehwateriwaʼténtiase nahisewatié꞉nawatste ne iohontsí꞉io né꞉tho Roiá꞉ner shakorahratstén꞉ni ne sewasótsheras,