Deuteronomy 12:23 - Ohiatonhseratokénti

²³ Nek kók tó꞉sa sewahwárat ne shé꞉kon nihiotenekwénhsa, asè꞉ken onekwénhsa tiówis nahontónhetste ne iónhnhe. Tánon káti ní꞉se iáh tehiówenk nasèhke ne iónhe noʼwá꞉ron.

Deuteronomy 12:23 ပူးပေါင်းရင်းမြစ်များ

Genesis 9:4

Ne khók, tóhsa enhseʼwá꞉rake ne iotenekwénhsa, asèkenh thóh onekwenhsà꞉ke nón꞉we niká꞉ien natónhnhets.

Ezekiel 33:25

“Sehró꞉ri tsi nahó꞉ten ne Í꞉i, ne Wakenonhtí꞉io Watiá꞉ner katónhnions: Sehwahwáhrahs né shé꞉kon nihiotenekwénhsa. Kahiatonhnisónhas sehwahsénhnaiens. Iettsihiaséhtha. Onh ní꞉ioht tsi ísewere nohóntsa tsi í꞉se sehwáhwenhk?

Leviticus 17:10

Tó꞉ka ónhka Nisraerʼró꞉nonhs tó꞉ka ó꞉ni ne tehononhontsátes ne skátʼne ratinákere enhatiwáraʼke ne shé꞉kon iotenekwénsa, ne Roiá꞉ner enshaʼkhók karathéni kíʼ tánon iáh kíʼ shé꞉kon Rawenni꞉io rahonkwéta tahonsahonatenathónkwen.

Leviticus 17:11

Ne tsi konhnónhnhe ne kwáh tsikʼniatekónhti onekwenhsáke nónhwe nikonhnónhnhe, tánon né kíʼ ahoríhwa ne Roiá꞉ner rotenhnáhon kwáh akwékon nonekwénhsa ietsienharákwahke ahonthonwerónhtake né nahéren ahonsakahawíthonke nonhkweshón꞉as akorihwanerahák꞉tsheras. Nonekwénhsa, né natónhnets, é꞉ren kahawítha ne karihwánerens.

Leviticus 19:26

“Tó꞉sa othènen sewawá꞉rak ne shé꞉kon iotenekwénhsa. Tó꞉sa othènen sewatéweienst ne iótkons.

Leviticus 7:26

Iáh tewastherístha kaʼnónhwe nahatiʼterón꞉thaʼke ne Israerʼró꞉nons, kwáh kíʼ iáh nonhwénhton né꞉ne áhonsthe ne otsiténha ahotinekwénhsa tó꞉ka ó꞉ni ne katshénen né ká꞉khwa ahonthathonʼniáten.

Matthew 20:28

Tsi ki niiot, nʼOnkȣe Roienha, iah neh tehaniente nahonȣakonnienste; asakokonnienste tanon, nok oni kentiokoȣanen asakaȣenheiase.

Acts 15:20

Khék, tehiotonwentióʼon ne iahietʼthihiátonse naietʼthiróri tóhsa thènen rónʼnek ne iáh tehiotʼkwéniens tsioríhwa tsi kahiatónni konhiohesténni;

Deuteronomy 12:16

Ók tó꞉sa ki sewahnekíra ne rahotinekwénhsa; ó꞉nenk tsi ohontsá꞉ke enteshá꞉weron tsi ní꞉ioht nohné꞉kanos.

Deuteronomy 12:22

Ónhka akénhake, né꞉ne sihioriwaká꞉ion sihonatkwé꞉niens khés ne iáh tehonatkwé꞉niens, enwá꞉ton nahatiʼwá꞉rake, kwáh ki tsi ní꞉ioht nahatiʼwá꞉rake noskenónhton tó꞉ka ó꞉ni ne kahentaʼkéha oskenónhton.

Deuteronomy 12:24

Tó꞉sa onekwénhsa satekhón꞉niat; khékok, onhwenhtsà꞉ke sawé꞉ron tsi ní꞉ioht nohné꞉kanos akénhake.

Deuteronomy 15:23

Ók tó꞉sa ki ne rahotinekwénhsa nahisewateʼkhonhniá꞉te; khékok, ohontsà꞉ke tasewáweron tsi ní꞉ioht nohné꞉kanos.

Revelation 5:9

Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;

1 Samuel 14:32

Káti kwáh tsiatʼthonskénhni tsi tkaké꞉rons ne kanenskwenhá꞉ton, tánon wasakotiʼiéna ne teiotinakarontón꞉ʼa ó꞉ni ne teotinákares tionhnónskwarons ó꞉ni natenaskonhnihasónhas tionónskwarons, tánon kwáh thók ohontsá꞉ke wasakotinonwarhiaʼkhónhnion; tánon ne ronterí꞉ios wahatiwáraʼke tieotenekwénhsa.

1 Samuel 14:33

Eʼthó꞉ne ónkak wahonwaró꞉ri ne Saul, “Satkátho, ne ronterí꞉ios kwáh rotiriwanerenhakʼsehátie tsi nòkwah ne Roiá꞉ner tsi nahteonatskáontse tieiotenekwénsa.” Tánon ne raónha wahén꞉ron, “Tsi nesewátiere ioteronhón꞉we; tasewakaʼraténiat ne kwáh kanenhiowá꞉nen kén꞉en akkén꞉ton sewá꞉ien.”