Deuteronomy 12:20 - Ohiatonhseratokénti

²⁰ “Nó꞉nen ne Roiá꞉ner sewaNí꞉io enshakowanà꞉te ne sewanakeráhsera, tsi ki nihorahrátston, enwá꞉ton nahisewahwá꞉rake ne kwáh tsiknón꞉we akénhake tsi nenhséwere.

Deuteronomy 12:20 ပူးပေါင်းရင်းမြစ်များ

Genesis 28:14

tánon tsi nienhsathwatsí꞉rine ʼeh nenhonatióhkwahske tsi ní꞉ioht tsi tewaʼkenhrotarhon tsi ionhwentsá꞉te, tánon kwáh iaʼtenhsaré꞉ni nakté꞉shon nón꞉we tionhontsaièn꞉ton ne ne tsi iaʼtewatshénthohs, tánon ne tsitkarahkwínekenʼs tánon nothorè꞉ke tánon nentiè꞉ne; tánon kwáh ne tsi iehwatsiraièn꞉ton ne tsi ionhwentsá꞉te kwáh kíʼ eniakoiaʼtaté꞉rihste ne ne sonhà꞉ke nón꞉we entkaientákwe tánon ne tsi nienhsathwatsí꞉rine.

Genesis 31:30

Eʼthó sá꞉ne, ó꞉nenk tsi é꞉ren sá꞉sehte tiorí꞉wa tsi naʼtesatonhontsoní꞉ne niaonsáhsewe tsi thonónhsote ne iaʼníha, oh nontié꞉ren tsi wahsenenhskwenhá꞉ton natiaʼtonnihshón꞉aʼhs ne khehsèn꞉naiens?”

2 Samuel 13:39

Tánon ne Táwit tsi nihohiatísaks ne Absalom; asèken ó꞉nenh iatharénhnate tsi rawenhé꞉ion ne Amnon.

2 Samuel 23:15

Ne Táwit wahén꞉ron tsi nihanónhwas, “Ó ne nónhkha ahionkheká꞉nonte thóh nahontaienekéhawe tsi tsionáwerote ne Bethlehem ne ákta tsi tsiotenhenrakáronte!”

1 Chronicles 4:10

Ók kíʼ né Jabez rahonháke ne sakoʼNí꞉io Nisraeʼró꞉nons nón꞉we iahaterénhnaien, “Tatiatatérist, Sewenní꞉io, tánon wé꞉so nohóntsa táskon. Tenikweʼkónhak tánon takenóns꞉tat tsi nòkwah ne othénen karihwák꞉sen né tó꞉sa akakwé꞉ni ahonkeronhiakéntaʼkwe.” Tánon kíʼ ne Rawenni꞉io tahá꞉wen tsi nahó꞉ten wahaterenhnaiénthaʼkwe.

Psalms 107:9

Asèken sakoniatanawénhtha ne iakoniatátʼtens, tánon sakothaténhni ne iontonhkáriaks.

Psalms 119:174

Tsi natewahkatonhwenhtsóni ne saienawahséhtshera Ó Saiá꞉ner, ketsénhries natsenhnonhniátshera ne saianerenhserákon.

Psalms 119:20

Wakerhiasanónwaks tsi nikaskáneks; nahonkateriéntarahne ne sahiatorethátsera néʼne kwáh tiotʼkonhónwe akénhake.

Psalms 119:40

Tsi natwakatonhontsóni nakatewénhnaraʼkwe ne satsiawenhrá꞉tseras; thontáskon ná꞉se atónnhets, asèken í꞉se ne teshonkwetaiéri í꞉ken.

Psalms 63:1

Ó Sewenní꞉io, í꞉se nakeNí꞉io í꞉ken, konhiatísaks, nakatónnhets ioniatátʼtens í꞉se saská꞉neks; thóh nió꞉re tsi konhiaskáneks thóh ní꞉ioht tsi katʼtókas enwaʼkenikonhrá꞉ton, tsi ní꞉ioht ne iahonwenhtsatʼténhen tánon iáh othènen teskariwástha ne tsi nón꞉we iáh othènen teionekáien.

Psalms 84:2

Nakatónnhets wasʼkáneks, kwáh í꞉ken tsi wakaskanetʼthennis ne raononsaʼtokentiʼkówa ne Roiá꞉ner; kwáh akatonnhetʼtserakwékon tsi tenhirihwákwahse natʼtsenhnonhniátshera ne ronnhehónwe Rawenni꞉io.

Exodus 23:31

Kwáh enkónhni ne tsi karisthatátie ne tionhontsákes ne iahónwe tsi tkanéksker ne Aqaba tsi nióre ne Mediterranean Kaniatarakheʼkówa ó꞉ni ne kahentakeʼkówane tsi nióre ne Euphrates Kaniatarahtátie. Entkónhion ne kashatsténsera nashehiatsiathakweníʼiosthe ne rahthinákere né nón nihionʼhóntsaien, tánon kwáh enshehiatínekenhwe tsi nienhénse.

Exodus 34:24

Né nó꞉nen enkheʼhiatinekénhʼen ne onhkweshón꞉ʼas ne iesahiotátis tánon ensekʼkówanahthe ne sanakerásehra, kwáh iáh ónhka tahionteniénten nakonhwasénhni ne sanahkerásehra tsi nikaríwes kí꞉ken áhsenh nihioriwáhke tehiontenonhweráhtons.

Numbers 11:20

ók kíʼ sewenhníta nikaríhwes, tsi nióre ne tsi teshaʼhonthakáronhte tentkahiákenhne, tsi nióre ne kwáh ensonhnákʼshaʼte. Thóh kíʼ nenhiáwenhne tsioríhwa tsi watsʼkénron ne Roiá꞉ner né tsi rahónha kèn í꞉res tsi nónhwe nísehwes tánon rahónha waʼtserihwakátatʼtse né tsi tó꞉sa nonhwènhton tahontesehwaténhtionke ne Egypt.’”

Numbers 11:34

Né thóh nónhwe niwatenátaien né konwáiats ne Kibroth Hattaavah (né kéntons “Ionstatonkwanónwaks”), tsioríwa tsi thóh nónhwe nisakotiʼhiatáten nonhkweshón꞉ʼas ne iewaranónhʼwakskwe.

Numbers 11:4

Né nónhwe né thihononhontsátes skát꞉ke tehonatsʼtikafʼfenháties ne Israerʼró꞉nons. Kwáh íken tsi ratiwaʼranónhwakskwe, tánon káti ó꞉ni NʼIsraerʼró꞉nons roʼnónha ó꞉ni tahontásawen nahatirihwaʼkáthaʼte: “Tó꞉ka nek khók nahón꞉ton nahionhkwahwaʼraiéntaʼne!

2 Corinthians 9:14

Ó꞉nen kiʼ ne ronnónha iehtshiiaterennaién꞉nis, ó꞉ni ronská꞉neks ne taiesewatátken, aséʼken wahontkáhtho ne Rawenni꞉io raotenniteráhtshera nisè꞉ke nok tsi niiaweʼtowá꞉nen ne ronnónha wahotiianerásten.

Deuteronomy 11:24

Akwé꞉kon nonhontsà꞉ke tsi nón꞉we niensewenhnèn꞉rine í꞉se sewáwenhk enwá꞉ton. Ne sewanakeráhsera entiè꞉ne nokwáti ne iahonwentsathèn꞉ke entewatáhsawen né꞉ne tsi ionontahrón꞉nions ne Lebanon nothorè꞉ke nokwá꞉tis ienhénwe, tánon né꞉ne nà꞉kon nokwá꞉ti ne Euphrates kaniataratátie entewatáhsawen iénwahwe ne tsi iaʼtewatshénthos nokwá꞉ti ne Mediterranean kaniatarakheʼkó꞉wa.

Deuteronomy 12:15

“Onk sewatatewenhní꞉io naietsinonhwarià꞉kon tánon nahisewá꞉ke noʼwá꞉ron ne sewatshenenhó꞉kons kwáh tsi nón꞉we nisewanákeres. Enwá꞉ton ne kwáh wé꞉so ahisewá꞉ke tsi nenhtitsí꞉tion ne Roiá꞉ner. Sewakwé꞉kon, né꞉ne sehioriwaká꞉ion ronatkwé꞉niens tó꞉ka ó꞉ni iáh tehonatkwé꞉niens, enwá꞉ton nahónhnheke, kwáh ki tsi ní꞉ioht ní꞉se ná꞉seke ne oskenón꞉ton oʼwá꞉ron khés ne kahentaʼkéha oskenónhton oʼwá꞉ron.

Deuteronomy 12:21

Tó꞉ka ne tsi nón꞉we nikaráhkwen nahonwasénhnaien sóhtsi ahí꞉nonh ítken, ethò꞉ne ki, nó꞉nen ensewè꞉re, enwá꞉ton ne kwáh tsik niká꞉ien ne kaʼtshé꞉nen ahisewanonhwarià꞉kon tó꞉ka ó꞉ni teiotinakaronhtòn꞉a tsi niká꞉ien ne Roiá꞉ner tsi sewanaskwá꞉wi, tánon enwá꞉ton ne tsi sewanónhsote ahisewahwá꞉rake, tsi nikwahró꞉ri.

Deuteronomy 19:8

“Nó꞉nen ne Roiá꞉ner saNí꞉io enshakowanáhthe ne sanakeráhsera, tsi nishakohró꞉ri ne sesothonkonhkén꞉en tsi thóh nenhá꞉iere, tánon énthion nonhóntsas tsi nihorahrátston,

Philippians 1:8

Rawenni꞉io khók rotheriéntare tsi natewakathonwentióni nakwáken. Rotheriéntare tsi kwáh ehní꞉iott tsi tekwateriéntare tsi ní꞉ioht ne Kerístos Ié꞉sos.

Philippians 2:26

nók kinónwa kwá íken tsitehosteríhens nahonshatsiʼsewáken. Tehothatenikónrare, neh tsi wesewariwháronke rohnonwatʼthaníhakwe.