Deuteronomy 12:11 - Ohiatonhseratokénti

¹¹ Ne Roiá꞉ner kwáh sewatenatá꞉kok tsi nón꞉we nenhará꞉ko né꞉ne tsi nón꞉we nahonwasenhnaién꞉seke, tánon thóh nón꞉we akwé꞉kon entisesewáhawe tsi nikwahró꞉ri: né꞉ne sewariwihiosehʼokónhas nahontsahaʼtónhake tánon noiáhsons ne sewariwihiosehʼokón꞉as, ne sewawístas ó꞉ni ne sewaienthó꞉tsheras, tánon ne sewatokenstánions ne tsi sewarahratstén꞉ni ne Roiá꞉ner.

Deuteronomy 12:11 ပူးပေါင်းရင်းမြစ်များ

1 Kings 8:13

Káti ónenh wakenonsónhni ne Iononhsanerákwat Ononsatokentiʼkówa ne sarihwáke, né thóh nónhwe nasiterónhtake né꞉ne tsi nénhwe.”

1 Kings 8:16

‘Tsi nikaháwi thontakhehiatínekenhwe nakonhkwetashón꞉as ne Egypt, iáh arèko shiʼwakerákwen ne kanatowanénke tsi nihiohóntsa ne Israerʼró꞉nonhke tsi nónhwe naʼkanonhsonhníhake Nononhsatokentiʼkówa tsi nónhwe nahiontsenhnaiénthakwahke. Ók kíʼ í꞉se wakonhiataráko, Táwit, nasheiatkórasthe nakonhkwetaʼshón꞉as.’”

1 Kings 8:29

Satenhnikonhráren kí꞉ken Ononsatokentiʼkówa ne tsi niwenhniserésons ó꞉ni tsi niwasonhtésons, tsi kén nónhwe nisará꞉kwen naieshasenhnaienthákwahke. Takwatʼthónhtet nónen enkaterénhnaien tsi nòkwah kí꞉ken Ononsatokentiʼkówa.

2 Kings 18:22

Ne Assyriaró꞉non rasenhnowáne iahatasónhteren, “Khés kwáh kíʼ takró꞉ri tsi né tserá꞉re ne Roiá꞉ner Saní꞉io í꞉ken? Kwáh kíʼ Roiá꞉ner rahononsatokentíke tánon ne ietienharákwah nètho Hezekiah rorihwéntʼton, nó꞉nen shaʼsakoróri nonkweʼshón꞉ʼas ne Judah ó꞉ni ne Jerusalem nek akonwasénhnaien ne ietienharákwah ne Jerusalem nón꞉we nikáien.

1 Chronicles 22:1

Ká꞉ti ne Táwit wahénron, “Kén kí꞉ken nón꞉we ne Raoʼnonsatokentiʼkó꞉wa ne Roiá꞉ner Ní꞉io nenhkaʼnonsónhniʼke. Kén nón꞉we ne ietienharákwah nenhkénhake tsi nón꞉we nonkweʼshón꞉as Nisraeʼró꞉nons nenhtatí꞉iesʼte naʼkonwanateskóntʼthake.”

2 Chronicles 6:20

Satenhnikonhráhren kí꞉ken Ononsatokentiʼkówa né tsi niwenhniserésons ó꞉ni tsi niwasonhtésons. Sarahrátsʼton tsi kén kíʼ nón꞉we nenhieshasenhnaienʼthákwahke, ká꞉ti takwahthónhtek nó꞉nen tenhkatkáneren kí꞉ken Ononsatokentiʼkówa tánon nenhkaterénhnaien.

2 Chronicles 7:12

né Roiá꞉ner tsiniwasónhtes wahothotháshien, “Onhkatʼthónhteʼne ne saterénhnaient, tánon watiéna kí꞉ken Ononsatokentiʼkówa tsi nen꞉we enkénhake nahionktátʼtse ne wateskónhtes.

Ezra 6:12

Aiá꞉wens ne Rawenni꞉io tsi raónha rorákwen ne Jerusalem tsi thóh nón꞉we nenhonwasenhnaienthásehke, ronhwahiatí꞉nekenf ónhka ne ronhnonhtí꞉io khés ne onhkweshón꞉as ne tenhietsiónsthe ne ken kaianerénhsera tánon nahionhtheʼniénten nahierihwathónhte ne Ononsatokentihkó꞉wa ne nón꞉we, í꞉i ne Darius, watsianerenhserí꞉sa. Natianerénhsehra tsi kwáh enkanánonhke tsi enhiontewénhnaraʼkwe.”

Psalms 100:2

Ahtonhnaratserákon tsisewaʼsénnaien ne Roiá꞉ner; tesewaʼrihwahkwenhátiek ne natʼtsenhnonhniátsera tsi raohénton nienhésewe.

Psalms 116:17

Kwáh entkónhion ne kariwiʼiosehokónhas tsi tenhkonhnonweráton tánon ienkenáton ne raosénhna Roiá꞉ner,

Psalms 66:13

Kwáh enthékhawe ne waʼkatéskonte ne Sanonsatokentiʼkówaʼne; Kwáh entʼkónhion tsi niwaʼkararátston,

Psalms 78:68

Ók ne waʼsakohiataráko tsi ratitáraien ne Judah, tánon ne tsi ionónte ne Zion, tsi nikáien ne kwáh ranorónhkwa.

Exodus 25:8

Nonhkweshón꞉ʼa kwáh ónenk tsi enhionkhónnien ne iotokénti atóhshera, ne káti nahónton skátke ahiakwenteʼrónthake.

Exodus 29:45

Skátke enhiakwahnákereke nonhkweshón꞉ʼas nʼIsraerʼró꞉nons, tánon kwáh Í꞉i ne raotiní꞉io enkénhake.

Jeremiah 7:12

Shiloh niaháse, né꞉ne tiotierenthákwen wahkeráhkwen tsi nónhwe nahiontsennaienthákwake, tánon satkátho tsi niwahtiéren ne tioríhwa tsi nihotiriwáhneren nahkonkwetahshón꞉a Israerʼró꞉nons

Deuteronomy 12:13

Kwáh tó꞉sa ietsihiateskónhten ne sewatshenenó꞉kons ne tsiknónhwe nahisewè꞉reke;

Deuteronomy 12:14

kwáh thóh kók nón꞉we tsi nón꞉we ne Roiá꞉ner nenhará꞉ko ne tsi kanakerahserá꞉ien ne énska sewenhtió꞉kwa. Tót꞉kok nón꞉we nenhietsihiateskónhtake ne sewatshenenhó꞉kons tánon ne sewateriwaténhtiat tsi nikwahró꞉ri.

Deuteronomy 12:18

Í꞉se tánon ne ietsihienʼokón꞉as, skátke ne sewaná꞉tsheras tánon ne levites ne sewanatá꞉konhs ratinákeres, ne enhón꞉neke kí꞉ken kariwihiosehʼokónhas thóh ne kók rahohénton ne Roiá꞉ner sewaNí꞉io, nénska kók tsi nón꞉we nenhonwasénhnaien tsi nihoráhkwen ne Roiá꞉ner sewaNí꞉io. Tánon thóh nón꞉we tsi ensewatsenhnonhníhak orihwakwé꞉kon tsi nisewahiotèn꞉en.

Deuteronomy 12:21

Tó꞉ka ne tsi nón꞉we nikaráhkwen nahonwasénhnaien sóhtsi ahí꞉nonh ítken, ethò꞉ne ki, nó꞉nen ensewè꞉re, enwá꞉ton ne kwáh tsik niká꞉ien ne kaʼtshé꞉nen ahisewanonhwarià꞉kon tó꞉ka ó꞉ni teiotinakaronhtòn꞉a tsi niká꞉ien ne Roiá꞉ner tsi sewanaskwá꞉wi, tánon enwá꞉ton ne tsi sewanónhsote ahisewahwá꞉rake, tsi nikwahró꞉ri.

Deuteronomy 12:26

Iahásaf ne shatatawí꞉tsheras ó꞉ni ne shaienʼthótsheras tsi nón꞉we nikaráhkwen nahionterenhnaiénhseke tsi ki nitiarahratstén꞉ni ne Roiá꞉ner.

Deuteronomy 12:5

Thóh tsi kanakerahserá꞉ien kanenrahkwé꞉kon ne sewentióhkwa ne Roiá꞉ner énska natenátha enharáhko tsi nón꞉we nonhkweshón꞉as nahontahón꞉ne tsi nón꞉we nenhenʼterón꞉take nahonwasénhnaien.

Deuteronomy 14:23

Ethò꞉ne iaʼsewáhaf noierí꞉haton ié꞉ken ne sewanátsias, nonenharaʼtasehontsherá꞉keri, tánon ne iakeniewátha kén꞉ie, tánon ne tiotierénhton ionatewì꞉raien ne tionónhskwarons, teiotinaʼkarontón꞉a, tánon ne kaiaʼtákeras, Ísewak kí꞉ken kákhwa ó꞉ni noʼwá꞉rons ne tsi nihietsiʼiawénhton ne katshénens ne nón꞉we. Ne kí꞉ken ensewarihónhnien ne tió꞉konte atsisewakweniénstake ne Roiá꞉ner sewaNí꞉io.

Deuteronomy 15:19

“Ákte natsiénhas ne Roiá꞉ner saʼNí꞉io ratikwékon nentewatié꞉renhte enhonnakerà꞉te ne satshenenhó꞉kons tionhnónskwarons ó꞉ni ne teiotinakarontón꞉a; tó꞉sa sehió꞉tents kí꞉ken tionónhskwarons tánon tó꞉sa ó꞉ni ne skahiáta asehnónhkaron kí꞉ken teiotinakarontón꞉a owí꞉ra.

Deuteronomy 15:20

Énska ne tiotsera í꞉se tánon ne sakwáhtsire Roiá꞉ner rahohénton nónwe natesewaskáhon né꞉ne tsi ionterenhnaientákwa nónhwe.

Deuteronomy 17:8

“Ók tó꞉ka nón꞉wa otià꞉kes ne oriwasónhas sóhtsi wateriwenhtó꞉res ne thóh ratinákeres ne ratiriwénhtha ne tahatihiató꞉rethe, né꞉ne tsi ní꞉ioht ne kaienʼtátsheras tó꞉ka ó꞉ni ne iakohiaʼtakwarátson tó꞉ka ó꞉ni ne athataséhton tánon ne sewateriwatewáhton. Nó꞉nen kí꞉ken ehnenhiá꞉wenhne, tsi ionterenhnaientáhkwa niaháse né꞉ne tsi nón꞉we nihoʼráhkwen ne Roiá꞉ner saNí꞉io,

Deuteronomy 18:6

“Tsik ónhka ne Levi nihaiaʼtó꞉ten ne raskáneks enwá꞉ton nahontáre ne kwáh tsiknonhwéson nón꞉we nikanataiéntons nahontahaterenhnaién꞉na nʼIsraerʼronónke nón꞉we

Deuteronomy 23:16

Kwáh enwá꞉ton kak tsiní꞉kon ne sewanatákons nón꞉we nahontateráhkwase nahonthatì꞉teron, tánon tó꞉sa ietsihiaʼteweienatshá꞉ten naieʼtsihiatníratstse.

Deuteronomy 26:2

tsi sewahiatà꞉tions ó꞉nenk tsi athé꞉rakon ensewátha nentewatié꞉renhte ensewaienkwáko tánon tsi tionhterenhnaientákhwa niaʼsewáhaf.

Deuteronomy 31:11

Sewenhnanótas nonhkweshón꞉as nʼIsraerʼronónke nó꞉nen enʼthónhne nahonwashén꞉naien ne Roiá꞉ner sewaNí꞉io né꞉ne tsi nón꞉we nihionterenhnaientáhkwa.

Joshua 18:1

Nó꞉nen sahatiiéna nonhontsaʼshón꞉as, kwáh kenʼnenhrakwé꞉kon ne Israerʼró꞉nonhke wahonhnitiohkwaró꞉roke ne Shiloh nón꞉we tánon wahonthatoserothón꞉nion tsi nón꞉we ní꞉res ne Roiá꞉ner.

Joshua 22:11

Ne ronátiaʼkes Nisraerʼró꞉nons wahonwatiró꞉ri, “Sewatahónshatat! Nonhkweshón꞉as ne rahotitióhkwakons ne Reuben, Gad, tanon ne nà꞉kon nòkwah ne Manasseh ronón꞉ni ietsienharáhkwa ne Geliloth nón꞉we, ne tsi nòkwah nonhkwáhwenk ne Jordan!”

Joshua 22:16

tánon shakotiʼthará꞉nis kwáh kanenhrakwé꞉kon ne Roiá꞉ner rahonkweʼtashón꞉as, washakotiró꞉ri, “Nonhtié꞉ren tsi ki thóh nikarihwahétken tsi nesewátiere tsi nòkwah ne Sakoiá꞉ner Nisraerʼró꞉nonhke? Watsisewawenhnónhti ne Roiá꞉ner tsi wetsónhni kí꞉ken ietsienharáhkwa ne ní꞉se sewarihwà꞉ke! Iáh ó꞉nen tetsitsewanonhteráties!

Joshua 22:23

Tó꞉ka iáh thasakwahwénhnarahkwe ne Roiá꞉ner tánon enhiakwahthathónhnien ne ietsienharáhkwa né꞉tho ahiakihiaʼteskónhtkhake tó꞉ka ó꞉ni ne ahiákwatsthe ne onátsa tsi tahiakwahtenonhwerá꞉ton tó꞉ka ó꞉ni ne skarì꞉wa akénhake tsi tahiakwahtenonhwerá꞉ton, ki iatehahiáti ne Roiá꞉ner sonhkwahréwat.

Joshua 22:27

ók khé꞉kok, ne naiakhiiénesthe nonhtsonhkweʼtashón꞉as ó꞉ni ní꞉se tsonhkweʼtashón꞉ʼas, tánon ó꞉ni noná꞉ken takawatsiratátie, ne tsi kwáh í꞉ken tsi shakwahsénhnaiens ne Roiá꞉ner nohén꞉ton tsi rotható꞉sehrothe ne tionhkwahiéston nahontsahatónhake skátke ne watéskonhte ó꞉ni ne skarì꞉wa í꞉ken tsi ionkwahró꞉ron. Ne kí꞉ken nahotískweke tsi niensewatwatsí꞉rihne tsi nasakonénhase nonhkwahwá꞉tsires tsi iáh othé꞉nen tatesewaterihwaʼsónhtere ne Roiá꞉ner.

Joshua 22:29

Orihwihiohón꞉we tsi iáh tathasakwanenhraríhten ne Roiá꞉ner iáh ó꞉ni thahiakwatʼkawe tsi shakwanonhteráties nón꞉wa tsi enhiatsónhni ne ietsienharáhkwa ne nakonhwanateskón꞉thake ne konhtiʼtshé꞉nens tó꞉ka ó꞉ni tsi tsiakwahéstas nonátsas tó꞉ka ó꞉ni ne karihwiiosehokónhas. Iáh ne teiorì꞉wa tsi enhiatsón꞉ni ne ietsenharáhkwa tó꞉ka ken ne tahonsahionatʼthákwen ne Roiá꞉ner Sonkwawenhní꞉io rahówenk ietsenharáhkwa ne ohén꞉ton í꞉kate ne tsi watóhserote tsi nón꞉we nihèn꞉teron.”

Joshua 9:27

Ók ki neksáke washakotenaskonhnià꞉the, ne tahatihientiákseke tánon nasakotinekakarenié꞉sheke nonhkweshón꞉as Nisraerʼró꞉nonhke ó꞉ni ne tsi ratsienharákwa ne Roiá꞉ner. Shé꞉kon nón꞉wa wenhniserá꞉te iehothikonhthákwen tsi thóh ní꞉ioht tsi rothihiò꞉the tsi nonhwésons ne Roiá꞉ner rorákwen nahonwasenhnaienthá꞉kwake.

1 Samuel 1:21

Ne rón꞉kwe Elkanah tánon rathí꞉kwe ne raoʼnóns꞉kon rathí꞉teron iahón꞉ne nahonwawenhní꞉iosʼte ne Roiá꞉ner; ne niaʼteioseráke rateskón꞉thaʼkwe, tánon nahakárhiaʼke tsi nihorahrátsʼton.