Deuteronomy 12:10 - Ohiatonhseratokénti

¹⁰ Nó꞉nen tesewaniaʼtarihiá꞉ke ne Jordan Kaniataratátie enkwahríhon nahisewatié꞉nawatste nonhóntsa tánon thó꞉nonhwe nahisewanákereʼke. Kwáh ki entsisewahiaʼtanonhstáthe tsi nokwáh ne tesewatà꞉tsonhs, tánon ki skén꞉nenk tsi ensewenhterón꞉take.

Deuteronomy 12:10 ပူးပေါင်းရင်းမြစ်များ

1 Kings 4:25

Kwáh tsi nikaríhwes rónhnhekwe, nonhkweshón꞉as ne Judah ó꞉ni Nisraerʼró꞉nonke kwáh skénnonhk tsi ní꞉ioht tsi ratinákerehkwe, sathiwatsirátʼtsons tsi rathinaharaiéntʼtoskwe ó꞉ni ne wisonhkówa ronatʼkwiró꞉thonkwe.

1 Kings 8:56

“Tehonwanonweráton ne Roiá꞉ner tsi rahónha tesakówi ne rahonkwetashón꞉ʼas ne skénnon, tsi ki nihorahrátston tsi thóh nenháiere. Akwékon niehoieríhton tsi nahoténsons ne tkarihwaiéris roraratsthánion rahonháke ne Mahís.

1 Chronicles 22:18

Wahénron, “Né Roiá꞉ner Sewaní꞉io í꞉ken tsi sewakonhátieskwe tánon tetsisewá꞉wi ne skénnon ne kwáh tsík nahontahiotserahtónhake. Wahakeríhon ratiʼkwé꞉kon akʼkhesén꞉ni né kén nón꞉we nihiohontsáien nihatiʼnákereʼkwe, tánon kíʼ ó꞉nen í꞉se shonwetaʼshónhas ronatónhon tánon ne Roiá꞉ner.

Psalms 4:8

Nó꞉nen ienkatiatiónhnite skénnonk tsi ienwaʼkítawe; íateshiá꞉ti khók Saiá꞉ner tatsatahnónstats.

Exodus 33:14

Ne Roiá꞉ner wahénron, “Kwáh Í꞉i éntenʼne, tánon kwáh entkónhion natesenhniétshera.”

Proverbs 1:33

Ónhka ká꞉ti enhakwatahónhsatate enhoién꞉take ne enhoiaʼtahníhrha. Skén꞉nen tsi enhanonhtonniónheke iáh oʼthé꞉nen thaʼhatshahníhseke.”

Jeremiah 23:6

Ne nónen enhonontí꞉ioʼke, nonhkweshón꞉a ne Judah kwáh enshontatewenhní꞉ioʼke, tánon nonhkweshón꞉a ne Israerʼró꞉nons skénnon tsi enshonnónhnheke. Ne enhonwanahtónkwahke ‘Ne Roiá꞉ner nonhkwahiathaʼkenhátshera.’

Jeremiah 32:37

Kwáh ensehkhehiatharó꞉rohke nonhkweshón꞉a ne tsík nonhwéhsons nónhwe iaʼtekhehiarehniáton ne naʼkenahkwahtsherákon ó꞉ni tsi niʼwahkatenahkwawenhráhti, kwáh kénʼen nónhwe niʼwahtenátaien naʼtenthekhehiaténhaʼwe tánon enkheríhon ne skénnenhk tsi ahatíteronthaʼke.

Jeremiah 33:11

tsi nihiotʼtsaróhkwen nahthonnharáhtshera ó꞉ni nahtsennonhnhátshera ó꞉ni tsi nihiakotʼtsennónhni tsi nihioronkwénsthaʼre ne iakohthénnioʼthe. Ensehwahthónthene nonhkweshón꞉a tehiarorihwáhkwen tsi nenhtiéhaʼwe niaʼtekonhsónhas ne kanonhwehrahtóntshera nakenonhshaʼthokentíhke; kwáh enhonníron, ‘Thetsisehwahnonhwehráthon ne Roiá꞉ner Roshastsʼtenserowáhnen, tsioríhwa tsi nihohiánereh ó꞉ni ne rahononhronkwáhtshera tsi nénhwe tsi enkáhthake.’ Kwáh enstiánerasthe kíʼ kénʼen ionwénhtsiaien ne ne kwáh tsi nitsiothónʼne. Í꞉i, ne Watiá꞉ner wakatáti.”

Ezekiel 28:26

Kwáh eh nónhwe kwáh skénhnonk enhatináhkerehke. Enhontenonhsonhniánion tánon onenharesónha enhathiʼiénhto. Kwáh ratikwékon ne tehonthonhontsanekʼkhánions enkheréwahte né꞉ne kakenronhniatsherákon tsi ronhwahnateweienhnatʼsaténhni, tánon ne Israel enkatokénston. Ethòne enhonahteriéntarahne tsi Í꞉i ne Watiá꞉ner raotiNí꞉io.”

Ezekiel 34:25

Kwáh entsianerensehrónhni tsi natehiakwáhtere né꞉ne enkariwahnírahte ne rahotihiatanonhstátʼtshera. Kwáh è꞉ren enkhehiatenháwite ne konhtisehró꞉hens katshénenhs ne tsi ionwenhtsáte, káti né nahónton nakhitsenenhókonhs teiotinakarónhtonhs skénhnonk tsi akonhnónhnheke ne kahentákes ó꞉ni nahiotíthawe ne karahkónhsonhs.

Ezekiel 34:28

Ne iáh tehiakoriwiʼióston iáh ónenh tahonsahonwahtinenhskwenháton, tánon ne karhiotátʼsenhs iáh tahonsahonwatinonhwahrhiakónhnion nahonwatiwáhrahke. Kwáh skénnenhk tsi enhonónhnheke, tánon iáh ónhka tahonshahonwahtiterónhkwen.

Ezekiel 38:11

Kwáh iatensariwahiéntase ne asehnenhrénhten ne iáh othènenh tehatístha kanahkeráhsehra tsi nónhkwe nonhkweshón꞉a skénnenhk thiʼienáhkere tánon kaiatanonhstatʼtsherákon né꞉ne iáh othènenh tatekanahthanákʼthon nosténras ne kanátakonhs né꞉ne iáh othènenh tehiónen nahonthontáteʼne.

Ezekiel 38:8

Nónenh wéso ioseráhke enhiothohétsthon enhínhane ne iashakotiathónti ne kanakeráhsera tsi nónhwe nahtethonhwathihiaténha nonhkweshón꞉a skátke nakʼtésonh nónhwe tkanahkerahserahkéron tánon tsi ronhnonhnhekwe iáh tehotiteronhskwe nateriiosehra. Kwáh enhanenhrenhten ne tsi ionhnonhténion ne Israel, né꞉ne iahontsiaietsáhon ó꞉ni karíwes watewenhtethónʼne, ók thóh nónhwe ónenh nitsenáhkere nonhkweshón꞉ʼa tánon skénnenhk tí꞉ken.

Deuteronomy 11:31

Ó꞉nen thó꞉wa tahisewaiá꞉iake ne Jordan Kaniataratátie tánon ne iahisewatiaʼtakwehní꞉ioste ne ohóntsa né꞉tho Roiá꞉ner sewaNí꞉io tsi sewawì꞉re. Nó꞉nen ensewaié꞉na tánon thóh iensewanátaien,

Deuteronomy 3:27

Kwáh ononhtakèn꞉iate ne Pisgah niahá꞉se tánon othorè꞉ke nòkwah iasatkátho tánon nentiè꞉ne nokwáhti, nà꞉kon nokwáhti ó꞉ni ne tsi iaʼtewatshénthos nokwáhti. Kwáh ákta tsi satenhnikónhraren nahó꞉ten ensatkátho, asè꞉ken iáh nonhwén꞉ton tsiatashíá꞉hiake ne Jordan.

Deuteronomy 33:12

Tsi nokwáh tsi ratiʼtá꞉raien ne Benjamin wahèn꞉ron: “Ne kí꞉ken ne kentá꞉raien ne Roiá꞉ner shakonorónhkwa ó꞉ni teshakónes; Shakohiaʼtanonhnáties tsi niwenhniseréhsons, Tánon rahothinenhrí꞉hen rèn꞉teron.”

Deuteronomy 33:28

Káti tsi nienhatwatsí꞉rine ne Jacob skén꞉nenk tsi ronhnónhnhek, ioriwí꞉iot ne rahononhontsà꞉kes ne ahiotón꞉nike ne kwáh wé꞉so onátsa ó꞉ni ne onenharataʼsehontsherákeri, ne tsi iohaweieiástha né꞉ne tsi karonhiá꞉te ionekanóntens nonhóntsa.

Deuteronomy 4:22

Kén꞉en tsi ionhontsá꞉ien nónhwe nenkí꞉heie tánon iáh nonhwénton tiaʼtatià꞉hiake ne kaniataratátie, ók ó꞉nenh ki thóhwa ní꞉se iatahisewahiá꞉iake tánon nahisewatié꞉nawatste ne iohontsí꞉io.

Deuteronomy 9:1

“Sewatahónsatat, Israerʼró꞉nons! Ónhwa wenhniserá꞉te onenhthó꞉wa iatahisewahiá꞉iake ne Jordan Kaniataratátie tánon ne iahisewatiaʼtakwehní꞉ioste nonhóntsa ne nonhkweshón꞉a rahonáwenk ne sénha ronatiohkowá꞉nen ó꞉ni ratiʼshátstes tsi ní꞉se ní꞉ioht. Rotinatowá꞉nens, ne watenhenró꞉tons ne tehiokwataséhton ne rahotinátas iéwas ne tsi tkaronhiá꞉te.

Joshua 11:23

Ne Joshua kwáh ohontsakwé꞉kon wahatié꞉nawatste, tsi ki nihoró꞉ri ne Roiá꞉ner ne Mahís. Ne Joshua Israerʼró꞉nons thasaká꞉wen nahonawenhkónhweke tánon tenkahiakhónhnionke, énska ne sohthitioiókwah enhatiienà꞉seron. Káti nonhkweshón꞉as wahonorihsénhthane tsi waterí꞉io.

Joshua 14:1

“Eleazar ne rokhá꞉res, Joshua, tánon ne sakotihentèn꞉se ne kahwá꞉tsires ne Israerʼró꞉nonke ne raotitióhkwas wateshakotihiaʼkhónhase nonhóntsas ne Canaan né꞉ne tsi iaʼtewatséntos nokwá꞉ti iotohetsthákwen ne Jordan Kaniataratátie tsi naʼtehónteres nonhkweshón꞉ʼa ne Israerró꞉nonhke. Tánon ken kí꞉ken nihiawénhen.”

Joshua 3:17

Tsi nikarì꞉wes nonhkweshón꞉as thakéson rónhne tehothihiaiakonhátie iahontsiaʼténhen, ne rokhá꞉res ne rahá꞉wi ne Roiá꞉ner Rahoneró꞉kwa Naterihwaʼseronhniá꞉tshera tho í꞉wah iahontsiát꞉ten tsi nón꞉we niráthe né꞉ne shatekaniatharíhen ne Jordan kwáh tsi nió꞉re ratikwé꞉kon wathatihiá꞉iake.

Joshua 4:12

Ne ronhnónkwe ne Reuben rahotiʼtá꞉rakon nón꞉we nihatihiátare ó꞉ni ne Gad tánon ne saʼtekanenrí꞉hen ne rahotitióhkwa ne Manasseh, ronatateweienhnenhtàhon nahonterí꞉io, iathatihiáiake hohénton nonhkweshón꞉as, tsi ki nishakohró꞉ri ne Mahís tsi nahatí꞉iere.

1 Samuel 7:12

Eʼthóhʼne ne Samuel iahanenhiénhawe thóh wahanenhióten tsi naʼtetiátere ne Mizpah tánon ne Jeshanah, tánon ne wahanátonkwe Ebenezer, asèken wahén꞉ron, “Tiaʼkarihwaʼkén꞉niaʼte tsi ní꞉iore nón꞉wa Roiá꞉ner shéh washonwaʼié꞉nawase.”