Deuteronomy 12:1 - Ohiatonhseratokénti

¹ “Ne kí꞉ken ne kaianerénhseras nahisewatewenhnarákwake né꞉ne kwáh tsi nitsónhnhes ne tsi ionhontsá꞉ien né꞉tho Roiá꞉ner, ne Sakoní꞉io ne sewasoʼtsheraó꞉kons, ne tetsisewá꞉wis. Ietsihiaʼtahónsatat!

Deuteronomy 12:1 ပူးပေါင်းရင်းမြစ်များ

1 Kings 8:40

né káti ne shonkwetaʼshón꞉as nahónton kwáh tiókonhte tsi aiesawénhnarakwahke tsi nenhatinákereke ne tsi ionhwénhtsaien né tesehiáwi nonhkwashót꞉tsheras.

Job Tánon ne Raoronhiakensera 7:1

“Iáh ken nonkweshón꞉as kwáh tó꞉kenk tsi nikarì꞉wes iontaterahkwé꞉ni naiakoiò꞉ten nakoioténhsera ne tsi ionwenhtsá꞉te, tánon iáh ken tehonwarakwén꞉ni ne kawistá꞉hets ne rónkwe nonwenhtsá꞉ke?

Psalms 104:33

Kwáh tenhirihwáʼkwahse ne Roiá꞉ner kwáh tsi nikaríhwes enkónnheke; kwáh tenhirihwáʼkwahse ne Roiá꞉ner tsík sénhak shé꞉kon kónnhe.

Psalms 119:5

Ó tánon tsi nikeweienhnótens aiáwens aiorihwatokenháken ahonkatienawastónhake ne sarihonnienhnítseras!

Psalms 146:2

Kwáh thenhinonweratónhsehke ne Roiá꞉ner kwáh tsi nikaríhwes enkónnheke; Kwáh thenhirihwákwaʼse ne kanonweratónhtsheras nakeNí꞉io kwáh tsi nikaríhwes enkónnheke.

Ezekiel 20:19

Í꞉i ne Watiá꞉ner sewah Ní꞉io. Sewatewénhnarak natianerénsehras ó꞉ni nakeriwahtátʼtsheras.

Deuteronomy 11:32

iorihwihióhak tsi sewatewénhnarak akwé꞉kon ne kaianerénhseras né꞉tho tkwawì꞉re nón꞉wa wenhniserá꞉te.

Deuteronomy 12:19

Orihwí꞉io kénhak, káti ó꞉ni, tó꞉sa ietsihiataʼnikónhren ne Levites, kwáh tsi nikarì꞉wes entsónhnheke ne tionhontsà꞉ke.

Deuteronomy 3:18

“Tánon óksak, Wakheró꞉ri ne ronhnónkwes ne Reubenʼró꞉nonhs, Gadró꞉nonhs, tánon ne shaʼtehotitiohkwí꞉hen ne Manasseh: ‘Ne Roiá꞉ner ónhkwa Ní꞉io thaʼtsisewáwi kí꞉ken ohóntsa ne nà꞉kon nokwá꞉ti iotohetstákwen ne Jordan nahisewatié꞉nawatste. O꞉nen taieʼtsí꞉ion ne ionterihiostákwas ne tionkweʼtashón꞉as ronhterí꞉ios tánon iaihtsihiaté꞉niet tehatihiáiak ne Jordan ohén꞉ton ne otià꞉kes kentió꞉kwas ne Israerʼró꞉nons, naieʼtsisnié꞉non nahontié꞉nawatste nohóntsa.

Deuteronomy 4:19

Nó꞉nen iensatká꞉tho ne tsi karáhkware tó꞉ka ó꞉ni nashonthenhnékha karáhkwa tó꞉ka ni ó꞉ni ne tsi iotsistoʼkwarónhnions, tó꞉sa iesaʼnikonhrotá꞉ko ne tasaʼtshà꞉kete naseshén꞉naien. Asè꞉ken ne Roiá꞉ner saNí꞉io né꞉ne tesakó꞉wi nakoʼrénhson ne tsi ionwenhtsáte nakonhwatiʼshén꞉naien.

Deuteronomy 4:45

Ne nó꞉nen satethotihiaʼkén꞉en ne Egypt tánon thóh nón꞉we nihón꞉neskwe nà꞉kon nokwá꞉ti nahonráhkwakon ne Jordan Kaniataratátie, tehiotiná꞉ta ne Bethpeor, ne tashaká꞉wen kí꞉ken kaianerénseras. Thóh ki nón꞉we ne kanakeraserá꞉ien né꞉ne ronhnonhtí꞉io Sihon rahowenhkén꞉en né꞉ne Amorʼró꞉nons nahaiaʼtó꞉ten, raónha rakó꞉raʼkwe ne tsi kaná꞉taien ne Heshbon. Mahís tánon Israerʼró꞉nons ronhwasénhnion sathontahatihiaʼkén꞉en ne Egypt.

Deuteronomy 4:5

“Akwé꞉kon ne kaianerénseras kwarihonhnién꞉ni, ne tsi nihatró꞉ri ne Roiá꞉ner AkeʼNí꞉io thóh nátiere. Sewaioʼténst ne tsi tiohontsá꞉ien ne ó꞉nen kwáh thóhwa iaietsihiatiaʼtónti tánon nahisewatié꞉nawatste.

Deuteronomy 5:1

Mahís ratikwé꞉kon washakohiaʼtaró꞉rohke Israerʼró꞉nons tánon washakawénhase, “SewaʼIsraerʼró꞉nonhs, sewatahónshatat akwé꞉kon ne kaianerénseras nentkwawíhon nón꞉wa wenhniserá꞉te. Sewatéweienst tánon ioriwihióhak tsi sewatewén꞉narak.