Deuteronomy 11:8 - Ohiatonhseratokénti

⁸ “Sewatewénhnarak orihwakwé꞉kon tsi nahoʼténhsons wakwahró꞉ri nón꞉wa wenhniserá꞉te. Ethò꞉ne ensewakwé꞉ni ne tahisewaniaʼtarihiáke tánon niahisewatié꞉nawatste nonhóntsa ne ó꞉nen thóhwa iahitionhontsárahne.

Deuteronomy 11:8 ပူးပေါင်းရင်းမြစ်များ

Psalms 138:3

Né tewenhniserátekwe shiakonhnáton, wateskerihwasehrákwahse, sénha sahshesasthénseron nakatónnhets.

Exodus 20:12

“Skweniénstat ne ianíha ó꞉ni ne sanisténha, né káti nahónton ahionhníse ashón꞉nheke nonhwenhtsàke né tkonhiawíre.

Isaiah 40:31

ók tsi niʼiákon ne ronhwá꞉rahre ne Roiá꞉ner kwáh kí á꞉se ensewáton ne raoʼtisatsténhsera, kwáh kí tenhhatiʼnerahhontʼtsiónhtaʼne tsi ní꞉ioht nakweksʼkówas, kwáh kí tenhhonrátaʼte tánon iáh kí thaʼtaatiwisénheʼie, kwáh kí thenhontekháʼhakwe tánon iáh kí tahontesatsʼtenhserót꞉ten.

Daniel 10:19

Wahén꞉ron, “Ianorónhkhwa ne Rawenni꞉io, tóhsa kátiʼ thé꞉nen tesatateʼnikonrhá꞉ren tóka ni ó꞉ni aesahterónhkwen.” Ne né shahén꞉ron, ó꞉nen sénha sakeʼshátstenʼne ók waʼkí꞉ron, “Sénhshie, takró꞉ri tsi nahò꞉ten íhsehre ahsí꞉ron. Kwáh í꞉ken tsi sahskonnhaserón꞉ni.”

Ephesians 3:16

Rawenniʼióke nón niwakaterénʼnaien neh tsioríhwa tsi nitʼkowánen ne rahohiataterítsera ne karonhiáke nahontatsítion ó꞉ni sewatʼtháwa ne kasatsʼténsera Asèken rahónha ne Rawenni꞉io theʼtsisewáwis ne kasatsʼténsera ne sewahnikonrakéʼsons.

Ephesians 6:10

Iakáhewe, sewatesatsʼtenserónni tsi tesewateriwasóntere ne Roiá꞉ner tánon tsi nikéntons tsi nihosastenserowánen.

Deuteronomy 11:7

Hen, í꞉se ne orihwakwé꞉kon sewatkaʼtóhserons kí꞉ken iorihowá꞉nens né꞉tho Roiá꞉ner tsi nihoieránion.

Deuteronomy 28:47

Ne Roiá꞉ner kwáh iahiatateríston ne tsík nahontahiotsheratónhake, ók iáh ki tetsioténhse nahisaʼtshenhnonhní꞉hake ó꞉ni nahiotonhnárake ne serhiáne.

Deuteronomy 31:23

Ethò꞉ne ne Roiá꞉ner wahotháhraʼse ne Joshua ne roiénha ne Nun tánon wahohró꞉ri, “Shaʼnikonhranirónhak tánon thashaʼnikonhrakontaʼkwénhak. Enhshehéntenhse nonhkweshón꞉a ne Israerʼró꞉nonhke niasehiaʼténhawe ne tsi tsohontsá꞉ien né꞉tho khehiararatstén꞉ni, tánon entenikwekónhake.”

Deuteronomy 4:14

Ne Roiá꞉ner wahakró꞉ri nakwarihón꞉nien akwé꞉kon ne kaianerénseras ne nahisewatewénhnarahkwe ne tionhontsá꞉ien ne ó꞉nenh thó꞉wa iahisewatiaʼtónhti tánon nahisewatié꞉nawatste.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Colossians 1:11

Neh ahisasasténseron tsi thóh nón꞉we akwé꞉kon nitewétha tsi nihionerákwat ne rahosasténsera, ne káti nahiotón꞉on oriwahkwé꞉kon asatakástathe tsi naisanikonrihioʼke. Tánon tetienonwerá꞉ton ne Kaʼní꞉sera, tsi raónha iaweiennentá꞉on nasatiatáren tsi nahó꞉ten ne Rawenni꞉io sakonónstati ne rahonkweʼtashón꞉a tsi tkanakerahserá꞉ien ne tsi tetioswátʼte.