Deuteronomy 11:17 - Ohiatonhseratokénti

¹⁷ Tó꞉ka thóh nenhsewá꞉iere, ne Roiá꞉ner entsisewanáhkwase. Iáh tahakenhnó꞉retste, tánon ne tsohontsà꞉kes shó꞉tsi enwastatʼten ne sewaienʼtótsheras nahontakhánio. Ethò꞉ne ki kwáh iostó꞉re thóh nón꞉we nenhsewénheie, iawerohatiénhak tsi nihiohontsí꞉io tetsisewá꞉wis.

Deuteronomy 11:17 ပူးပေါင်းရင်းမြစ်များ

1 Kings 17:1

Né rotó꞉kense Elijah ronhwáiasts, né꞉ne Tishbe nónhwe nihanákere né꞉ne Gilead ahonhtonhwenhtsáke, wahawénhase ne Ronhnonhtí꞉io Ahab, “Raosénhnakon ne Roiá꞉ner, né ronhnhehónwe sako Ní꞉io Nisraerʼró꞉nonke, tsi nikáien rihióthenhse, Wakonhróri tsi kwáh iáh tahonsahioháweʼiaste khés nahiokénhnore né꞉ne tékeni khés násenh nihioseráke nikaríhwes tsi nióre ienskíronh thóh nahonsahiáwenhne.”

1 Kings 8:35

“Né nó꞉nen entesónhneke nokenhnorésehra né karihónhnis ne shonkwetaʼshónhas tsi rotirihwáneren tsi nòkwah níse, tánon kíʼ nónen enshontatréwathe tánon kénʼen Ononsatokentíke entʼthónhne enkonhwarihwaníratse ne shasénhna tánon enhóntkaʼwe ne rahotirihwanerahákʼtsheras tsoríhwa tsi nisehrewáthon,

2 Chronicles 6:26

“Nó꞉nen entesónhneke nokenhnorésehra tsioríhwa ne shonkwetaʼshón꞉ʼas tsi notirihwanerahákskon tsi nòkwah ní꞉se tánon nó꞉nen ensonhtatréwaʼte tánon ientenhontkáneren kí꞉ken Ononsatokentiʼkówaʼne, ronaniténhton ronaterénhnaien nisèke,

2 Chronicles 7:13

Né nó꞉nen entkónhneke nokenhnorésera khés nenhtekhehiaténieʼte ne tsistáraʼre nahónhneke kaientʼthótsheras khés entʼkaténieʼte kannhratarihnhétsheras ronónhake nakonkweʼtaʼshón꞉as,

Job Tánon ne Raoronhiakensera 12:15

Tó꞉ka iáh tahakenhnóreste, enhionhontsákthen; tó꞉ka enthaténiete nokenhnoré꞉sera, enwenhnotón꞉nion tsi ionwenhtsá꞉te.

Leviticus 26:19

Kwáh kíʼ théntsiaʼke tsi nishanonhtsistaníron tsi nishehʼnáie; kwáh iáh tahiokénhnoʼre, tánon ne sonhontsáke thóh nenhioníronhke tsi ní꞉ioht ne karísthatsi.

Leviticus 26:20

Akwékon tsi níkon sahioténʼen ne iohiotenhseraníron iáh othènen takarihontáko, tsioríhwa ne sonhóntsa tsi iáh othènen tahonthakánio ó꞉ni ne saronhtasónhas iáh tahonhianihiónhten.

Amos 4:7

Tánon káti ó꞉ni takónʼneke nokennoréhsera ne shonhá꞉ke nó꞉nen shé꞉kon áhsen niwenhní꞉take sitiotatèn꞉ron naieienthó꞉ko; skaná꞉ta khók tsi nón꞉we ienkaténniehte nokennoréhsera, tánon iáh ne ó꞉ia tkaná꞉taien; skahèn꞉tak khók tsi nón꞉we neniokèn꞉nore, tánon tsi nón꞉we ne iáh teiokennó꞉ron ionatáten nenhné꞉e;

Deuteronomy 31:20

Kwáh ki ienkhehiaʼténhawe ne tsi tiohontsarénhse ó꞉ni iohontsí꞉io, tsi ki nikhehiararatstén꞉ni ne shakotisoʼthonkonhkén꞉en. Thóh nón꞉we kwáh tsi ní꞉kon tehonathonhontsó꞉ni tsi enhothikwahiéntake, tánon ionhwénhsen tsi ní꞉ioht tsi enhonhnón꞉neke. Ók ki tenhontkaraté꞉ni nó꞉ia nihioʼokón꞉as enkonhwatishén꞉naien. Kwáh enhiontkénron tánon tenhatihiáke nakateriwaʼseronhniá꞉tshera,

Deuteronomy 4:26

Nón꞉wa wenhniserá꞉te kheriwanonhtón꞉nis ne tsi karonhiá꞉te ó꞉ni ne tsi ionhwentsá꞉te nahontenhnikónhraren tsi nisewatié꞉ra, tó꞉ka iáh taskwawenhnarà꞉kwe, kwáh ki iostó꞉re ensewahiaʼtáton ne tsi ionwenhtsà꞉te. Iáh thaiónhnise thahitsónhnheke nonhontsà꞉ke ne tahisewahià꞉iake ne Jordan tsi ó꞉nenh thóhwa iahisewatié꞉nawatste. Kwáh ki thóh kén꞉en tsi ensewahiatà꞉ton.

Deuteronomy 6:15

Tó꞉ka ensehsén꞉naien nakorénhsons nihioʼokónhas, ne Roiá꞉ner raonakwátshera enthishatiaʼtónhti tsi ní꞉iot nó꞉tsire tánon kwáh thokén꞉en tsi enshathónhte, tiorí꞉wa ne Roiá꞉ner saNí꞉io, ne senikwé꞉kon, iáh teshakoteʼnikonhrihióstha ne ronwáhsons.

Deuteronomy 9:19

Waktéronskwe ne Roiá꞉ner ne tehiotenonhianì꞉ton raonahkwá꞉tshera, tiorí꞉wa tsi iaʼtehkaié꞉ri tsi nihotenakwawenhrá꞉ti ne naʼtsisewá꞉tonhte; ók shé꞉kon ki á꞉re ne Roiá꞉ner sahakatahónshatate.