Deuteronomy 10:9 - Ohiatonhseratokénti

⁹ Ne káti aorì꞉wa ne tsi ratiʼtá꞉raien ne Levi iáh othé꞉nen tehotiʼienà꞉on nohóntsa tsi ne ní꞉ioht ne ronatià꞉kes ratiʼtaraiéntons; tsi nahó꞉ten wahatiʼié꞉na ne tsi Roiá꞉ner ronhwaioʼténhse tsi rotikhá꞉res í꞉ken, kwáh ki tsi nihorahrátston ne Roiá꞉ner.)

Deuteronomy 10:9 ပူးပေါင်းရင်းမြစ်များ

Ezekiel 44:28

“Tsi nòkwah ne kaienthá꞉tshera, ne rothikháres iáh né thénenh tahatiʼiéhna ne kaienthá꞉tsheras ne Israerʼró꞉nonhke; Í꞉i khók né iatekaiéri tsi naʼtehonahthonwenhtióni.

Numbers 26:62

Ne rotiskenrakétes ne Levites ne sewenhníta nithohtíhions khès ne sénha thohtíhions 23,000 nihátikwe. Kwáh ákte nihatisénhnarakwe tsi ní꞉ioht ne Israerʼró꞉nons, né aoríhwa tsi iáh né othènen tehonwanonhontsáwi NÍsraerʼró꞉nonhke nónhwe.

Acts 8:21

Iáh thetewakwékon iáh ó꞉ni teshiátare nonkwahiotenserákon, tsioríhwa ne seriáʼne tsi iáh tetʼkariwaiéri ne rahohénton ne Rawení꞉io.

Deuteronomy 12:12

Sewatsenhnonhníhak thóh rahohénton, skátke ne ietsihiohokónhas, sewanátsheras, tánon ne Levites nahatihiaʼtó꞉tens ne thóh sewanatá꞉kon ratinákere; sewehiárak né꞉tho Levites tsi iáh othé꞉nen tahononhontsaiéntaʼne nahonawenhkón꞉weke.

Deuteronomy 14:27

“Tó꞉sa ietsihiaʼtanikónhren ne Levites ne sewanatákons ratinákere; iáh thahó꞉ten tehotihientaʼtserá꞉ien.

Deuteronomy 14:29

Ki kákhwas né꞉ne Levites raotirì꞉wake, ne tsi iáh thahó꞉ten tehotihientaʼtserá꞉ien, ó꞉ni ne thihononhontsá꞉tes, tehontonhnakárias, ó꞉ni ne ionateré꞉hons ne sewanatákons konhtì꞉teron. Enthatikóha kwáh tsi nahó꞉ten tehonatonhontsó꞉ni. Tóh ki naʼsewáier, tánon ne Roiá꞉ner sewaNí꞉io entsisewahiataté꞉riste kwáh tsi nensewatiére.

Joshua 14:3

Ne Mahís ó꞉nenk nénhne teshakowí꞉hon nonhóntsas ne tehotitióhkwakes tsiatesewasénhnon ne tsitʼkarahkwí꞉nekens nokwá꞉ti ne Jordan. (Ne tsi nitotwatsiríhnon ne Só꞉se tehothinenratʼkháshion tekentióhkwake iehonathónhon: né꞉ne Manasseh tánon ne Ephraim.) Ethosà꞉ne, ne Mahís iáh nénhʼne thén꞉en theteshakó꞉wi ne Levites nasakorakwén꞉ni ne kanakeráhsera. Khé꞉kok, ne wahatiié꞉na ne tsi kanatowá꞉nens nón꞉we nahathiʼterón꞉take, tánon ó꞉ni ne kahenthá꞉kes ne nénhne ne rahotiʼtshenenhó꞉kons akonwatiʼteronhthákwake.