Deuteronomy 10:8 - Ohiatonhseratokénti

⁸ Ne tsi tionónhte ne Roiá꞉ner washakohiaʼtarakwenhá꞉ton ne ronhnónkwe né꞉ne tsi ratiʼtá꞉raien ne Levi nahontenhnikónhraren nateriwaʼseronhniá꞉tshera oʼneró꞉kwa, né꞉ne tsi ahonwahiò꞉tenhse tsi rotikhá꞉res í꞉ken, tánon nahatirihowanáhthake ne kaiataterí꞉tsheras rahosénhnakon. Tánon shé꞉kon nón꞉wa thóh nihotihioʼtenhseró꞉ten.

Deuteronomy 10:8 ပူးပေါင်းရင်းမြစ်များ

1 Kings 8:6

Ethòne ónenh ne ratiʼtsihénstatsis Ononhsatokentiʼkówaʼne niahatíhaʼwe naʼterihwaseronhniátshera nonerókwahkon í꞉wa tánon thohnónhwe nahatí꞉ien tsi nónhwe ne kwáh tsiotokénti íken, né꞉ne nàkon ne tsi tenihnerahontiónhtons ne thiʼnirhios.

1 Chronicles 15:2

Ethó꞉ne waʼhénron, “Teiotonhontsóʼon ne Leviró꞉nons khók kí꞉ken ahatiʼnorokwénhaʼwe, tsioríhwa tsi Rawenni꞉io ronónha sakoiataʼráhkwen nahatinorokwénhaʼwe tánon né꞉ne tsi nénhwe enhonwaiótenhse.”

1 Chronicles 15:26

Tsáta niháti tsionónskwahrons ratítsinn wahonwanaʼteskónhten tánon tsáta nihá꞉ti teiotinakaronhtón꞉a, né norihwí꞉io ahónton nètho Rawenni꞉io tsi kwáh seh enshaʼkoiénawaʼse ne Leviró꞉nons tsi nihá꞉ti ne Ratinorokwenháwi Naʼterihwaseronniátshera í꞉wa.

1 Chronicles 23:13

Né takowánen roiénha né꞉ne Amram, né sakohiohokonkénʼen ne Aaron tánon ne Mahís. (Ne Aaron tánon tsi nienhatwatsírihne né ronhwatiríhonte nahontenhnikonráhren ne iotokéntis nahoténsons né꞉ne tsi nènhwe enkénhake, rohnón꞉ha enhontsaháthaʼke ne kanetanóron tsi enhonwasénhnaien ne Roiá꞉ner, tsi enhonwahiótenhse, tánon tsi ensakotiʼiatatérisʼte nonkweʼshón꞉as ne raosénhnakon.

1 Chronicles 23:26

Ká꞉ti iáh othén꞉nen tatetshotonhontsóʼon ne Leviró꞉nons nahonsahatíhaʼwe nathóhsera tsi nón꞉we nihénteron ne Roiá꞉ner ó꞉ni akwé꞉kons tsi niwatstasónhas ne ionsthákwah naʼionhterén꞉naien.”

2 Chronicles 29:11

Kwáh iohokónhas, tó꞉sa sewaʼthenhnískwat. Í꞉se nètho Roiá꞉ner tsi sewaʼhiataráhkwen nahtsisewaʼtsahataníheke ne kanetanóronhs tánon naietʼtsihéntenhse nonhkweʼshón꞉as tsi atsisewaʼsénhnaien.”

2 Chronicles 30:27

Né ratiʼtsihénstatsis ó꞉ni ne Leviró꞉nons wahonwarihwanónhtonhse ne Roiá꞉ner nashakohiatatériste nonhkweʼshón꞉as. Né tsi thénhteron ne karonhiáke né Rawenni꞉io wahothónhteʼne ne raonaterénhnaient tánon washakoiéna.

Psalms 134:1

Káts, tetsisewanonweráton ne Roiá꞉ner, sewakwékon ne tsi sewahióthenhse ne Roiá꞉ner, sewakwékon ne nasontʼthénhne sewahióthens Nononsatokentikówaʼne.

Psalms 134:2

Sewanentʼtsakétsko tsi nón꞉we ne iotokénti í꞉ken, tánon tetsisewanonhweráton ne Roiá꞉ner.

Psalms 135:2

í꞉se ne thóh í꞉sewate raonónskon ne Roiá꞉ner; raonónskon nonkwahNí꞉io.

Jeremiah 15:19

Ne kíh kí꞉ken ne Roiá꞉ner wathariwahsehráko, “Tó꞉ka tentèseh, enskonhiéna, tánon shé꞉kon ensestiótenseh. Tó꞉ka tsi ní꞉ioht ne iáh othenènenh tekariwástha tsi ahishátharahke wahsatró꞉ri ne ioríhonthe ateriwahnhotátshera, íseh shé꞉kon ne akonhkwétah enkénhake ne rotó꞉kense. Nonhkweshón꞉a isèhke nienshón꞉ne, tánon iáh thaʼtehiothonhontsióhon níse rononháke niahonshá꞉se.

Ezekiel 44:11

Ahónton nahiontsiótense nakenonhsatokentiʼkówahne né꞉ne ahontenhnikonhráhren tsi iotenhenrahkáronhthe tánon né꞉ne ahothihióten ne kahioténhsehra nononhsatokentiʼkówahne. Né nakonhwanawénhtho ne katʼtshénens tsi tiontkáwas nonhkweshón꞉ʼa nakonhwanatsatátʼtsahate tánon ne akoriwihiosehokónhas nonhkweshón꞉ʼa, tánon thóh ahonnhésehke ne tashakotiriwásnieʼse nonhkweshón꞉ʼa

Ezekiel 44:15

Ne Ronhnontí꞉io Roiá꞉ner wahénron, “Thí꞉ken rothikháres né nónhwe nihatihiáthare tsi kentárahien ne Levi ne tsi nithonatwatsirínon ne Zadok, ók kíʼ, iahathikónthakwe ioriwahtó꞉ken tsi wahontsiótenhse ne Ononhsatokentiʼkówahne nónen ne ronáhtsiakes Nisraeró꞉nonhs wahonkatʼkarahthéni. Káti nónhwa roʼnónha kíʼ ónenh enhiontsiótenhse tánon entʼthónhne nakʼkénton nahionktátʼtse ne ióreseh tánon né raothinhekwénhsa ne konwanatsatatʼtseháthon katʼtshénenh.

Leviticus 8:9

Wahósten ó꞉ni naʼtenonwaranák꞉tha ne ranontsíne, tánon nohénton íken thóh waharanénhtatʼthe nowistanó꞉ron atʼniótha, né꞉ne iotokénti wenéstha tsi nihiakoterihwaiénhni; kwáh kíʼ ne Roiá꞉ner tsi nihoríhonʼte.

Leviticus 9:22

Ne nónen ne Aaron akwékon waharihwaiériʼte ne watéskontes wahanentʼtsakétsko rahotihénton nonhkweshón꞉as tánon washakohiathaʼtéristhe, tánon ethòne thontaháts꞉nenhte ne ietsienharákwahke.

Numbers 3:31

Né nènhne ronaterihwaʼiénhniʼne Nahonterihwatsʼtériste Naterihwaʼseronhniátshera Onerókwah, natekwáhra, ne waʼthasehroʼharáhkwa, ne ieʼtsienharákwas, tsi nihonsthaʼsónhas ne ratiʼtsihénstaʼtsis ne tsi Iotokénti Nónhwe, tánon ne ioniatarénhton ne tsi iehionhtawehiatáhkwa ne tsi nónhwe ne Kwáh Tiotoʼkénti íken. Ronhnónha akwékon ronaterihwaiénhniʼne nahonterihwatsʼtériste tsi niwatsʼthánions kí꞉kens.

Numbers 3:6

“Thaʼsehiaténhaf ne rahotiʼtiókwas ne Levites tánon sèhnhan né ronhwaʼhiótens ne Aaron ratsiʼhénsthatsi.

Numbers 4:15

Nó꞉nen ienkáhewe ne tahonshonhnatáhkwenhke, né rahotiʼtiókwa ne Kohath ne entʼthónhne niaʼhiatíhawe ne iotokéntis íkens thóh ne khók kíʼ tsít enhontíhsonhke ne Aaron tánon ne shaʼkohiohʼokónhas tsi ratiʼróroksʼkwe tsi niwatsʼthasónhas. Ne Kohath rahononhkweʼtashón꞉ʼas iáh tehiówenk né thènen iahatiʼiéna ne iotokéntis íkens, thóh kaʼthonenhatí꞉iere enhonhníheie kíʼ. Thóh kíʼ nihotiʼhiotenhseró꞉tens ne Kohath rahotiʼtiókwas nó꞉nen natóhsehra tahonshaʼkonhwanathákwahte.

John 15:16

Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsiseȣariȣanontonse ne Rakeniha ii aksennakon, entetsitsion.

Acts 13:2

Tsi nikaríwes ronaterenʼnaiéntakwe rahonháke ne Roiá꞉ner ó꞉ni ronentontiéton, ne Ronikonratokénti wasakawénhaʼse, “Tesewatetʼkháshion ne Barnabas tánon ne Saul nì꞉i akeriwáke, neh nahotihióten tsi nikhehiatarákwen.”

Romans 1:1

Kór kih non nitsiawénon, rannhátsera, tsi ronwahiatarákwen neh꞉ne ahosenʼnénhawe ne Kerístos Ié꞉sos tánon Rawenni꞉io rohiotenseráwi nahoteriwahnhóthase ne karihwí꞉ios.

Romans 12:7

Tóhka ne Rawenni꞉io tesonkwáwi naionkwakwénion naʼietʼthiriwáhwaʼse ne thonethákwen, áhnionkiʼ ietʼthiriwáhwas; tòhka tesonkwáwi naionkwakwénion naietʼthirihónnien, ahkiʼietʼthirihónʼnien;

2 Corinthians 6:17

Roiá꞉ner ó꞉ni rá꞉ton: “Ietshiiátkawh tánon é꞉ren í꞉sewet, tóhsa ken niasewá꞉ier ne nahò꞉ten iáh teiotkwéniens. Thó꞉ne enskwaié꞉na,

Galatians 1:15

Nók ne rahotenretserákon ne Rawenni꞉io ratiatarákwen nohénton sakennákerate tánon wahakénhane nahihiótense. Tánon neh siatoriwaiéntase

Deuteronomy 17:12

Nón꞉ka naiénre ne tó꞉sa ahiontewénhnaraʼkwe ó꞉ni tsi nokwáh ne ratiriwénhthas tó꞉ka ó꞉ni ne rotikhá꞉res ne thóh rotihiò꞉te kwáh enhonwatinonhwarià꞉kon; thóh ki ní꞉ioht tsi é꞉ren ensewaháwithe ne kariwahétken ne Israerʼró꞉nonhke.

Deuteronomy 18:5

Ne Roiá꞉ner shakohiaʼtarakwenhá꞉ton ratikwé꞉kon tsi sewenhtará꞉ien ne tsi ratiʼtá꞉raien ne Levi ne nahonwaiò꞉tenhse tsi rotikhá꞉res akénhake tsi nénhwe.

Deuteronomy 21:3

Ethò꞉ne ki ne ratinatakweʼní꞉ios tsi niká꞉ien ne kwáh ákta í꞉ken tsi nón꞉we nahatiʼtshénri noierón꞉ta tenkonwaiaʼtaiestá꞉shion ne ken nitionaskwahiónha tionhnónskwaron né꞉ne iáh nonwén꞉ton tetiohioʼténhen.

Deuteronomy 21:5

Ne levitical rotikhá꞉res thóh nónhne ienhón꞉ne, asè꞉ken ne Roiá꞉ner saNí꞉io ne shakohiaʼtarákwen nahonwateriwatsterísthase tánon nahatihiaʼtaté꞉riste raoshén꞉nakon ne Roiá꞉ner, tánon thóh ne raotiwenhnà꞉kon akwé꞉kon ne tekariwakenáston ó꞉ni ne tewatatkarewátons tsi enkariwaserónhnike.

Deuteronomy 31:9

Káti ne Mahís wahahiatón꞉nion ne Rawenni꞉io raoianerénhseras tánon né꞉ne Levitical rotikhá꞉res thashaká꞉wen, ne tsi ronónha ratiʼnikónhrare ne nonerówa Roiá꞉ner raoteriwaʼseronhniá꞉tshera í꞉wa, ó꞉ni ne shakotihéntenhses ne Isaerʼró꞉nonke.