Deuteronomy 10:20 - Ohiatonhseratokénti

²⁰ Skweniénstak ne Roiá꞉ner saNí꞉io tanon rahonhatsí꞉wak kók entsenhnaiénseke. Sariwatokénhak ne raonhà꞉ke tánon nensaráhratste rahoshén꞉nakon kók kénhak.

Deuteronomy 10:20 ပူးပေါင်းရင်းမြစ်များ

2 Kings 18:6

Kwáh rorihwató꞉kenʼne rahonháke ne Roiá꞉ner tánon iáh nonwénton ne iáh tahowenhnarákwen, ók kwáh kíʼ ranikonrárahkwe roteweiéntonkwe akwékons ne karihwathátseras nètho Roiá꞉ner thó꞉wi ne Mahís.

Psalms 63:11

Ók kíʼ ne ronhnontí꞉io rahonháke ne Rawenni꞉io nón꞉we nenhatonnáren; tsi nihiákon nenhionrahrátste raosénhnakon ne Rawenni꞉io tsi tehonwaʼnonweráton, asèken Rawenni꞉io nenhné꞉e ensakóskweke ne rotinówenhs.

Exodus 20:7

“Tó꞉sa énsatsthe naksénhna ne kariwahétken ahoriwàke, asèken Í꞉i, ne Watiá꞉ner Sewaní꞉io, kwáh enkheréwaʼthe nónhka enhiesenhnaiésaʼthe naksénna.

Ecclesiastes 12:13

Ethohʼsáne, énskak khók tsi nahó꞉ten aiaiéron: Etsenhnaiénsek ne Rawenni꞉io, tánon satewénhnarak ne raoriwahtátʼtsheras, tsioríhwa tsi né ahoríwah hionkhihiatishaháton.

Isaiah 45:23

Iahteʼtsiáti khók wakerihwanirá꞉ton, tsiksakáronte tioiakénʼen tsi nieʼiawénon ne karihwaʼkwahrihshióntshera né nowénhna né iáh thatahontónkete: “Ní꞉i kwáh tsi niaʼteiekwitsàke tsi thenhiontentʼtsóten, kwáh tsi niaʼtewenhnasàke tsi enkarihwaníraʼte.”

Jeremiah 4:2

tánon tó꞉ka ensehwarihwaníraʼte natsénnakon; ó꞉ni thisehwethákwen, tionkwetaiéris, ó꞉ni sehwahiánere, eʼthóhne káti akahonwenhtsiakwékon enhionkerihwahnónhtonseh nakhehiathatérisʼthe.”

Matthew 4:10

Nok tanon tontahenron ne Iesos: ehrenset, satkonseraksen! Aseken kaiaton, tsi entsennaien ne Roianer, ia Niio, raonha ok oni hentseȣenniiostake.

Luke 4:8

Tontahenron ne Iesos: Ehren iset Satkonseraksen! Aseken kaiaton ne ȣaton: saiatat ok ne Niio Raȣenniio hentseȣenniiostake, nok raonhaa hentseniahesenhake.

Acts 11:23

Siahárawe ó꞉ni wahatʼkátho tsi ní꞉ioht ne Rawenni꞉io sakohiatateríston nonkwesónha, wahatʼtsenónni tánon wasakoretsiáron rathikwékon tsi ahotiriwathokénhake ó꞉ni kwáh roneriasakwékon tsi ahontahonwetakwénhake ne Roia꞉ner.

Romans 12:9

Kanoronkwátsera ónenk tsi ienhiokontákwen enhioriwatokénhake. Sewáson ne kariwáksen, neh sewatienawasthónhak ne iohiánere.

Deuteronomy 11:22

“Sewatewénhnarak tsi taseweʼtahkwénhak orihwakwé꞉kon tsi nakwahró꞉ri: Tsi sewanorónhkwak ne Roiá꞉ner sewaNí꞉io, thóh naʼsewá꞉iere tsi nihá꞉ton, tánon sewariwató꞉kenk tsi nokwáh ne raónha.

Deuteronomy 13:4

Tsi sewáser ne Roiá꞉ner tánon tsisewakwénienst; tsi sewawénhnarak ó꞉ni sewateweiénton ne rahoriwatà꞉tsheras; tsi sewasenhnaiénsek tánon sewariwatokénhak ne rahonhà꞉ke.

Deuteronomy 30:20

Tsi sewanorónhkwak ne Roiá꞉ner sewaNí꞉io, tsi sewawénhnarak tánon sewariwatokénhak ne rahonhà꞉ke, tánon ethò꞉ne ní꞉se tánon tsi niensatwatsí꞉rine kwáh entionhnhésonhke ne tsi tiohontsá꞉ien né꞉tho tsi sewarahratstén꞉ni nahontashaká꞉wen ne ietsisoʼthonkonhkén꞉en, Abraham, Isaac, tánon ne Jacob.”

Deuteronomy 4:4

ók tsi nítsion ne sewariwató꞉ken rahonhà꞉ke ne Roiá꞉ner sewaNí꞉io shé꞉kon nitsónhnhe nónhwa wenhniserá꞉te.

Deuteronomy 5:11

“‘Tó꞉sa ensátste naksén꞉na ne kariwahétken akarihón꞉ni, asè꞉ken, ne Roiá꞉ner Sewaní꞉io, kwáh ensakoré꞉waʼte nónhka enhiesenhnaiésaʼthe naksén꞉na.

Deuteronomy 5:29

Tó꞉ka shí꞉ken tió꞉konte ki é꞉tho nahonhnonhoténhseke! Tó꞉ka shí꞉ken tió꞉konte aiontkweniénstake tánon akwé꞉kon ahontewenhnaráhkwake nakeriwatà꞉tsheras, káti norihwakwé꞉kon tsiahioiánerenhne ne raotirì꞉wake ó꞉ni tsi nienhontwatsí꞉rine tsi nénhwe.

Deuteronomy 6:13

Skweniénstak ne Roiá꞉ner saNí꞉io, raonhà꞉a kók hentsewenniióstake, tánon sharahratstánion ne raonhà꞉a kók raoshén꞉nakon.

Joshua 23:7

tánon ethò꞉ne iáh othé꞉nen tathaisewateriwahsónhteren kí꞉ken onhkweshón꞉ʼas ne iatehonathaténron tsi nón꞉we nisewénhterons tó꞉sa ó꞉ni ietsinaʼthónsek ne rahotiní꞉ios tó꞉ka ó꞉ni nahí꞉sewatste thí꞉ken kasénhnas nahisewarihwaní꞉ratsthe tó꞉ka ó꞉ni nahisewasénhnaien thí꞉ken niiohokónhas tó꞉ka ó꞉ni ne tahisewatsatʼkhéthe nahothihéntons.

Joshua 23:8

Khé꞉kok, sewarihwatokénhak rahonhà꞉ke ne Roiá꞉ner, tsi niiohʼthonhátie tsi nió꞉re nón꞉wa.

1 Samuel 7:3

Eʼthóhʼne ne Samuel waʼsakawénhase kwáh tsi niaʼtekanonsákes NʼIsraerʼronónke, “Tó꞉ka thóh nionshesewenonhátie raʼhonháke ne Roiá꞉ner kwáh tisewerhiasáhaton, kwáh káti í꞉se iasewá꞉ti ne thiʼkaniʼioseráte í꞉ken ó꞉ni ne Astartes ne tsionhá꞉ke. Tesewatókenk ne sawé꞉ri raonháke ne Roiá꞉ner, tánon tsi sewaiótens rahón꞉ha khók kénhak, tánon rahón꞉ha kwáh entsetsisewaʼiatotarísi ne rontsaʼnákes ne Philistine.”