Deuteronomy 10:17 - Ohiatonhseratokénti

¹⁷ Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

Deuteronomy 10:17 ပူးပေါင်းရင်းမြစ်များ

2 Chronicles 19:7

Tsi sheʼwakwé꞉niensts ne Roiá꞉ner tánon sewathatenhnikonhrá꞉ren, tsioríhwa ne Roiá꞉ner onhkwahʼNí꞉io iáh tehatenikonhriʼióstha ne kanikonhráton shé꞉kon ne kenknakónhake khés né tahiontatwistároʼse.”

Nehemiah 1:5

Waʼkí꞉ron, “O Saiá꞉ner, rahónha ne Rawenni꞉io ne tsi karonhiá꞉te, teotenonhiatí꞉ton tánon roshatstenhserowanenʼkó꞉wa Rawenni꞉io, Rahónha rateweién꞉tons naterihwaseronhniá꞉tshera ne kenténron tsi nihiá꞉kon ne ronwanorónhkwa tánon iontewenhnaráhkwa ne raorihwatátʼtshera.

Nehemiah 4:14

Eʼthó꞉ne iakatkáto tánon watettane tánon wahiién꞉hase ne rasennowá꞉nen tánon ne ratikoráhsons tánon ne ronátiaʼkes nonkweshón꞉as, “Tó꞉sa ietsittsánitsek. Tsi sewehiá꞉rak ne teotenonhianì꞉ton tánon rohiatanerákwat Roiá꞉ner, Tánon ietsiiaterí꞉ios ne sewathatekenokónhas tánon ne sewanekenteronhtsherashón꞉as tánon ne ietsiioʼokónhas tsonattonwí꞉sens tánon ne sewaniátkons tánon ne tsi sewanonshó꞉tons.”

Nehemiah 9:32

“Tánon nón꞉wa, ne Ní꞉io, né꞉ne teotenonhianì꞉ton tánon rashátste tánon teotenonhianitonhkó꞉wa Ní꞉io, raónha rohnóns꞉te naterihwasheronhniá꞉tshera tánon torihwaié꞉ri, tó꞉sa ne shón꞉ni ne kenk nakonhà꞉ke ne karonhiakénhsera akwé꞉kon ne karonhiakénhsera ionkwahrá꞉hon, ó꞉ni ne rotirá꞉hon nonkwahnontí꞉ios. Ó꞉ni rotitokénhses, ó꞉ni ne ionkinihó꞉kons tánon rotirá꞉hons ratikwé꞉kon ne shonkweʼtashón꞉as tsi ná꞉he tiotáhsawe shiohnhatenhniseraténionskwe ne rontinontí꞉ioskwe ne Assyria nón꞉we tsi niió꞉re nón꞉wa wenhniserá꞉te.

Job Tánon ne Raoronhiakensera 34:19

raónha ne iáh tetharihwaráhkwa tsi nokwáh ne ratishenhnowá꞉nens, khés ne sénha ashakokwénienste ne rotikwahtsénions tsi ní꞉ioht ne iakó꞉ten, asè꞉ken orihwakwé꞉kon nen kahioténhsera ne ratsáneke?

Psalms 99:3

Sehríhon ne tahontenonweʼráton ne tehiotenonhianíton tánon iosenhnanerákwat sahsénhna. Rohiataʼtokénti séh!

Exodus 23:8

Tó꞉sa othènen sewahiéna ne taieʼtsiʼtsikhethároʼse, asèken né tahionthaʼthitsikhetharó꞉se iakahonnhniénhnis nonhkweshón꞉ʼa ne tahierónhweʼke tsi nòkwah ne tkariwaiéri tánon iakohetkenténhnis noriwaʼshónha tsi nihiákon ne iáh tehiakonhníkon.

Isaiah 37:16

“Ó Saiá꞉ner ne ratiʼronhiakeró꞉nons, Sení꞉io NʼIsraerʼró꞉nons, thóh rentskwáhere éhʼneken tsi niteron ne niʼnikonhrare iotokentis, í꞉se ne Ní꞉io í꞉ken, ieteshiáʼtiʼkhok, akwékon ne tsi kanakeraserakérons ne tsi ionwenhtsáte; í꞉se shá꞉son ne tsi karonhiáte ó꞉ni tsi ionwenhtsáte.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Jeremiah 20:11

Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.

Jeremiah 32:18

Sehnésthon ne iorihwahthó꞉ken sahnoronkwáhtshera raoʼtihénton ne tewenhniawehetseráhsen nihionkwéhtahke, ók kíʼ ó꞉ni sehrewáhtha nonhkweshón꞉a né karihónnis ne raoʼthirihwahnerahákʼtshera ne ronwahtiʼienokónha. I꞉se ne teshaʼtenonhianíton ó꞉ni sashaststenseró꞉wahnenh Ní꞉io; i꞉se ne Saiá꞉ner Sashastsʼtenserowáhnenh.

Daniel 11:36

“Ne Syria ronnontí꞉io kwáh tsi nenthanón꞉weʼne eʼtho nenhá꞉iere. Tenhataterénhsaron tsi sénha raónha tehotenonhianíhton tsi ní꞉ioht ne akó꞉ren ní꞉io tánon sénha í꞉rehre raónha è꞉neken thótte tsi ní꞉ioht ne kwáh thaʼsátste Rawenni꞉io. Enhoterihwahténtiaʼse eʼtho neniohtonhátie tsi niió꞉re ienkáhewe ne Rawenni꞉io enhohréwahte. Ne Rawenni꞉io kwáh orihwiioʼón꞉we eʼtho nenhá꞉iere tsi nihoteʼnikonhrón꞉ni.

Daniel 2:45

Ne ki tsi nikéntonhs, tsi wahsatkáhtho né onén꞉ia tonnitstén꞉riaʼke tsi tionónte. Né ne kwáh iáh ónhka kenʼ thieiakoié꞉ren, tánon waʼtiaón꞉ko ne kaiaʼtón꞉ni né karístatsi ionnià꞉ton, tánon né otsí꞉nekwahr nikaristò꞉ten, ionawaʼtstaʼkarí꞉io, tánon ne kahwistarà꞉ken, ó꞉ni ne ohwistanó꞉ron. Rawenni꞉io ne roʼshatstenhserowá꞉nen iahró꞉ris Sanontí꞉io, tsi neniawénhseron tánon tsi nahò꞉ten tá꞉we, waʼkonhró꞉ri kwáh tsi ní꞉ioht tsi satetshénʼen, ó꞉ni takónnion tsi nahò꞉ten kentonhs.”

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

St. Mark 12:14

Ȣahonniron, tsi ȣahonȣaiatorenne: Saianer! ionkȣaterientare tsi sariȣakȣarision, nok oni tsi iah tatesonkȣetaiestasions tsi ȣheriȣakȣariȣiennis ne Niio raoriȣasonha: takȣarori kati: ioteriȣison kenh nahonȣakariakse ne Cesar, katenh iah? enhiakȣakariake kenh? katenh iah taiakȣakariake?

Acts 10:34

Tiér tahathásawen wahatʼretáron: “Ónen kíʼ wakenikonraiéntas tókensʼke ne Rawenni꞉io kwáh akwékon satetʼtiót꞉te tsi nisakotiéraʼse.

Romans 2:11

Ne Rawenni꞉io akwékon kwáh satetiót꞉te tsi tesakoiatorétha.

Galatians 2:6

Nók tsi niháti nakénhake sakotihéntense ne tiakawetákwen neh thóh rónneskwe iáh thènen tsiehothiʼiéston tsi nahóten wakateriwanóthe. (Tánon ó꞉ni tsi nahathisenʼnowanénhake tsi sakotihéntense iáh thènen tekéntons nakeriwáke, asèken ne Rawenni꞉io iáh neh kanèka tethariwarákwa.)

Ephesians 6:9

Sewahiatakweʼníʼios, kwáh tasewatheweienthónha tsi nòkwati ne shenaskónʼni tánon sátʼkaf tsi tesehionʼnaríkʼkons. Sewehiáhrak í꞉se tánon ne tsi nikáien ne ietʼtsinaskónʼnis neh sahahiáta tetsisewaniarótaron ne karonhiáke tahiatakweʼní꞉io, kwáh akwékon ne sáka tsi nitiótʼte tsi tesakohiatorétha.

Deuteronomy 1:17

Tó꞉sa sewè꞉nest nahontesewarihwarè꞉kwen tsi tensewahiató꞉rehte; tsi teieʼtsihiatorè꞉tase kwáh akwé꞉kon ne shakaʼnónhkwa akénhake, iáh tewatsterístha ónhka akénhake. Tó꞉sa ónhka ietsitsaʼnísek, asè꞉ken ne sewahiatoreʼtá꞉tshera Rawenní꞉ioke nitewétha. Ne thé꞉nen shótsi ahioriwaní꞉ronhke ne sewariwà꞉ke, akónhake nonhtasewáhaf, tánon í꞉i tetiaʼtó꞉rehte.’

Deuteronomy 16:19

Tó꞉sa rothiʼiéntak ne iáh tehioteriwakwaríshon tó꞉ka ó꞉ni nahonhnè꞉neste tsi thotiriwarèhkwen tsi nokwáh ne rahotihiaʼtoretátshera; tánon iáh tehiówenk nahatiʼié꞉na ne thé꞉nen tahonwatitsikhethá꞉roʼse, nathatawí꞉tsheras tehiakorónhweks ne ronhteʼnikonhraʼtókhas ó꞉ni ne thonhonkweʼthaié꞉ris, tánon iakahonhnién꞉nis wahétken tsi ní꞉ioht tsi tahatihiaʼtó꞉rehte.

Deuteronomy 24:17

“Tó꞉sa shenikonhráhten ne tihononhontsá꞉tes ó꞉ni ne tehontonhnakárias tsi nahotihianerenseraiéntake; tánon tó꞉sa ienshá꞉we ne ioteréhons ahotsherón꞉niat nahontkaraiéntaʼkwe tsi enswístani.

Deuteronomy 27:25

“‘Rawenni꞉io shakorewátha nónhka ahieiéna noʼwísta nahiontathásehte ne iahothé꞉nen tehiakoní꞉kon.’ “Tánon onkweʼtakwé꞉kon teieriwaʼserá꞉ko, ‘É꞉tho niʼiá:wen!’

Deuteronomy 7:21

Káti tó꞉sa ietshiʼtshà꞉nik kí꞉ken onhkweshón꞉a. Ne Roiá꞉ner sewaNí꞉io sewakwé꞉kon ki; rashatstenserowá꞉nen Ní꞉io tánon iatehahiá꞉ti ahó꞉wenk nahonwatiaʼní꞉sheke.

Colossians 3:25

Tánon ratikwé꞉kon ne ratihiotenserátsens ensonatʼkharátse tsi natehonaterentawenré꞉on tsi nihonatié꞉ren, tiorì꞉wah ne Rawenni꞉io kwáh nénhne satetiotʼthe tsi tesakohiatorétha.

1 Timothy 6:15

Tsi nensokétote ne entkáhawe tsi nenhiowistáheke ne Rawenni꞉io iatenhorihwaiéntaʼse, ne rohiatanerákwak ó꞉ni rahónhak khók ne Rosastenserowánen Rawenni꞉io, ne Sakonontí꞉io ne Rontinontí꞉ios ó꞉ni né Sakoiáner ne Rotiʼiáners.

Joshua 22:22

“Ne Roshatstenhserowá꞉nen né꞉ne Ní꞉io! Raónha ne Roiá꞉ner! Ne Roshatstenhserowá꞉nen né꞉ne Ní꞉io! Raónha ne Roiá꞉ner! Raónha roterièn꞉thare nonhtié꞉ren ki tsi thóh nahá꞉iere, tánon ó꞉ni tehionkwahtonhontsó꞉ni ní꞉se naisewaterienʼtharáne! Tó꞉ka iáh tahitewatewénhnaraʼkwe tánon iáh tahionkwahrihwatokénhake rahonhà꞉ke ne Roiá꞉ner, tó꞉sa ki saʼthóntat ne shé꞉kon ahiatsiónhnheke!

1 Tiér 1:17

Kanísera tsi sewanathónkwa, nónen rahonháke ne Rawenni꞉io ensaterénnaien, rahónha kwáh sahtetiótʼte nonkwetakwékon tsi tesakoiatorétha, entioianénhawe tsi naiakotiéren ne tieiatát꞉tion; kwáh káti, tsi nikaríwes shékon enshónnheke ne kén꞉en onwentsiáke tsi tseriwakweniénstak.

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”