Deuteronomy 10:12 - Ohiatonhseratokénti

¹² “Ó꞉nen, ne tsónhkwes ne Israerʼró꞉nonhke, sewatahónshatat tsi nahó꞉ten ne Roiá꞉ner sewaNí꞉io tsi sewariwanonhtón꞉nis: Tsi sewasénhnaien ne Roiá꞉ner tánon thóh naʼsewá꞉ier tsi nihatró꞉ris. Tsi sewanó꞉ronk, tsi sewahiótenhs kwáh seweriaʼsakwé꞉kon,

Deuteronomy 10:12 ပူးပေါင်းရင်းမြစ်များ

1 Kings 3:3

Ne Solomon kwáh íken tsi roʼnorónhkwah ne Roiá꞉ner tánon rarihwásehre ne rohníha Táwit tsi nihorihwíson, ók kíʼ ó꞉ni ionatsokowánen sakowènthon ne konhtitshéns tsi sakotéskonhte ne tsikʼnonhwésons nikaiéntons ne ietienharákwahkes.

2 Kings 10:31

Ók kíʼ ne Jehu iáh raweriasakwékon tehotewenhnarákwen ne Roiá꞉ner raʼoianerénseras, né꞉ne Sakoní꞉io Nisraeʼró꞉nonke; khèkok, né wahá꞉sere tsi thontahotenákeraste ne Jeroboam, tsi rahónha iesakosaríhnon Nisraeʼro꞉nons ne karihwanerahakʼtsherákon.

2 Kings 18:3

Né tahotenientensthonhátie ne rosotkʼenʼen Táwit, né roiótenskwe nahawerienhtí꞉io ne Roiá꞉ner.

2 Kings 18:6

Kwáh rorihwató꞉kenʼne rahonháke ne Roiá꞉ner tánon iáh nonwénton ne iáh tahowenhnarákwen, ók kwáh kíʼ ranikonrárahkwe roteweiéntonkwe akwékons ne karihwathátseras nètho Roiá꞉ner thó꞉wi ne Mahís.

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

2 Chronicles 15:12

Wahontsanerenhserónhni tsi iathotirihwaiéntaʼse tsi enhonwasenhnaiénseke ne Roiá꞉ner, ne sá꞉ko Ní꞉iokwe ne sakotisokthonkonhkénʼens, né꞉ne kwáh roneriasakwékon ó꞉ni ronhnonhnhetserakwékon.

Job Tánon ne Raoronhiakensera 36:11

Tó꞉ka enhonwawenhnaráhkwe, tánon ahonwaiò꞉thenhse, kwáh kí ienhatikóntaʼkwe tsi nihonathenhniseraténions ne kakwasehtsherá꞉kon, tánon tsi nenhonhnónhneke enhonatsenhnonhní꞉hake.

Psalms 119:2

Iakotaskáts tsi niʼiákon ne iontewénhnaraʼkwe tsi nihorihwawahtáton, tánon tsiakaweriahsakontákwen tsi ronwahiatísaks,

Psalms 128:1

Iakotáskats nonkwetaʼkwékon ne ronwakweniénstha ne Roiá꞉ner, né thóh nón꞉we nihiakothahí꞉take tsi rohatátse.

Psalms 145:20

Ne Roiá꞉ner sakonikonhraráhtses ratikwékon ne ronhwanorónhkwa, ók ratikwékon ne ronhnonkwetahétkens tsi ensakótonhte.

Psalms 18:1

Konhnorónhkwa, Ó Saiá꞉ner í꞉se nakeshatsténhsera í꞉ken.

Psalms 34:9

Tsi sewaʼsénhnaien ne Roiá꞉ner, ratikwékon ne rahonkwetaʼshón꞉has, asèken tsi niʼiákon ne ronhwaʼsénhnaiens akwékon niehiakó꞉ien tsi nateiakotonhontsóni.

Psalms 81:13

Ó tsi nikaská꞉neks nakonkwetaʼshón꞉has nahionkatahónsathaʼte, nètho nʼIsraerʼró꞉nons nahionkewénhnaraʼkwe!

Psalms 81:14

Kwáh iostó꞉re tsi enkhesénhni ne tehontát꞉tsions, tánon enkheiatiatakweʼní꞉ioste ratikwékon ne tehontát꞉tions.

Exodus 23:25

Tó꞉ka enseksénhnaien, ne Watiá꞉ner Saní꞉io, Kwáh kíʼ ne enkonhiathaterísthaʼkwe ne kákhwa ó꞉ni nonékanos tánon akwékon èhren entkáwithe ne sannratarinétsheras.

Ecclesiastes 12:13

Ethohʼsáne, énskak khók tsi nahó꞉ten aiaiéron: Etsenhnaiénsek ne Rawenni꞉io, tánon satewénhnarak ne raoriwahtátʼtsheras, tsioríhwa tsi né ahoríwah hionkhihiatishaháton.

Ezekiel 11:20

Ethòne enhonteweiénton natianerénhseras tánon enhothiriwahtokénhake tsi enhontewénhnarahkwe nakeriwahtátʼtsheras. Ronónha nahkonhkwetashón꞉ʼa enkénhake, tánon Í꞉i ne raotiní꞉io enkénhake.

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.

Zephaniah 3:9

“Asè꞉ken ethò꞉ne kwáh tensetʼteni nonkweshón꞉as tsi ní꞉ioht tsi ronhtátis né꞉ne orihwí꞉io tsi ahonsahontrorísehke, ne káti ratikwé꞉kon ahónton nahatináton ne raoshén꞉na Roiá꞉ner, ne nahonwahiò꞉tenhse skaʼnikónhrat khók akénhake.

Matthew 22:37

Tontahenron ne Iesos: Sanikonrakȣekon satonnhetserakȣekon seriasakȣekon oni tsi entsenonȣehake ne Niio Raȣeniio tsi Sonnhe.

Luke 10:27

Tontahoȣennaȣeron, ȣahenron: Hentsenoronkȣake ne Niio Raȣenniio tsi sonnhe, akȣa seriasakȣekon, satonnhetserakȣekon, sahsaststenserakȣekon, sanontonniontserakȣekon oni; nok oni ne satesonkȣe tsi nise nisatatenoronkȣa.

Luke 11:42

Seȣententasere ise Pharisian! Akȣa nehne ieseȣakariaks tsi seȣaienthokȣas, oni tsi tekanatokenhaton nok oni nohontessonha; nok seȣentorha ne taeseȣasniene ne Niio raoriȣasonha nese tanon aonteseȣatierenton nok ethone ne kenh kaien.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Romans 1:9

Rawenni꞉io seh rakeriwanirátis tsi nahóten káthons tsi oriwíhiose—rahónha ne Rawenni꞉io tsi nikáien rihiótense neh kwáh akeriasakwékon tsi ní꞉ioht tsi kateriwanhótha ne karihwí꞉ios tsi nòkwati neh Roiénha. Rawenni꞉io rotheriéntare tsi kweʼiáre.

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

Deuteronomy 10:11

Ethò꞉ne wahatró꞉ri ne hiáke tánon ne kwáh enkwahéntenhse, ne káti nahónton niahisewatié꞉nawatste ne tsi tiohontsá꞉ien ne tsi ni shakorahratstén꞉ni ne ietsisoʼthonkonhkén꞉en enhteshaká꞉wen.

Deuteronomy 10:13

tánon akwé꞉kon sewatewénhnarak ne raohianerénhseras. Ne tkwawíhons nón꞉wa wenhniserá꞉te ne ní꞉se sewahiatakeʼná꞉tshera.

Deuteronomy 11:1

“Tsenó꞉ronk ne Roiá꞉ner saNí꞉io tánon tió꞉konte akwé꞉kon satewénhnarakwak ne raoianerénhseras.

Deuteronomy 11:13

“É꞉tho káti, sewatewénhnarak kí꞉ken kariwatà꞉tsheras ne thakwawí꞉hon nón꞉wa wenhniserá꞉te; tsi sewanorónhkwak ne Roiá꞉ner sewaNí꞉io tánon seweriasakwé꞉kon tsi tsisewahiò꞉tens.

Deuteronomy 26:16

“Nón꞉wa wenhniserá꞉te ne Roiá꞉ner sewaNí꞉io tsi sewahró꞉ris nahisewatewénhnaraʼkwe akwé꞉kons ne raohianerénhseras; káti sewatewénhnarak tewethakwenhtsérakon kwáh seweriasakwé꞉kon kénhak.

Deuteronomy 27:10

káti tsi sewawénhnarak ó꞉ni sewateweiénton akwé꞉kon ne raoianerénhseras ne tkwá꞉wis nón꞉wa wenhniserá꞉te.”

Deuteronomy 30:16

Tó꞉ka ensewatewénhnaraʼkwe ne rahoriwatà꞉tshera ne Roiá꞉ner sewaNí꞉io, tsi niká꞉ien ne tkwá꞉wis nón꞉wa wenhniserá꞉te, Tó꞉ka tsi sewanorónhkwa, tsi sewawénhnarak ki, tánon orihwakwé꞉kon sewateweiénton ne raoianerénhseras, ethò꞉ne káti ensewahianerásten tánon ne ensewá꞉ton nonhkweshón꞉as ne ronatiohkowá꞉nen. Ne Roiá꞉ner SewaNí꞉io kwáh entsisewahiaʼtaté꞉riste ne tsi ionhwenhtsá꞉ien né꞉tho ó꞉nen thó꞉wa iahisewatié꞉nawatste.

Deuteronomy 30:20

Tsi sewanorónhkwak ne Roiá꞉ner sewaNí꞉io, tsi sewawénhnarak tánon sewariwatokénhak ne rahonhà꞉ke, tánon ethò꞉ne ní꞉se tánon tsi niensatwatsí꞉rine kwáh entionhnhésonhke ne tsi tiohontsá꞉ien né꞉tho tsi sewarahratstén꞉ni nahontashaká꞉wen ne ietsisoʼthonkonhkén꞉en, Abraham, Isaac, tánon ne Jacob.”

Deuteronomy 4:29

Thóh nón꞉we entsisewahiaʼtí꞉sake ne sewaNí꞉io, tánon tó꞉ka seweriaʼsakwé꞉kon sewatonhneʼtserakwé꞉kon tsi entsisewahiaʼtí꞉sake, entsisewahiataʼtshénri.

Deuteronomy 5:29

Tó꞉ka shí꞉ken tió꞉konte ki é꞉tho nahonhnonhoténhseke! Tó꞉ka shí꞉ken tió꞉konte aiontkweniénstake tánon akwé꞉kon ahontewenhnaráhkwake nakeriwatà꞉tsheras, káti norihwakwé꞉kon tsiahioiánerenhne ne raotirì꞉wake ó꞉ni tsi nienhontwatsí꞉rine tsi nénhwe.

Deuteronomy 5:33

Akwé꞉kon sewatewénhnarak, ne káti norihwakwé꞉kon tsiahioiánerenke ne sewarihwà꞉ke tánon káti kwáh niahisewakónhtà꞉kwe thóh ahisewenhterónhtake ne tsi iohontsá꞉ien nenhsewatié꞉nawatste.

Deuteronomy 6:13

Skweniénstak ne Roiá꞉ner saNí꞉io, raonhà꞉a kók hentsewenniióstake, tánon sharahratstánion ne raonhà꞉a kók raoshén꞉nakon.

Deuteronomy 6:2

Tsiniʼkarì꞉wes enshón꞉nheke, ní꞉se tánon tsi nienhsatwatsí꞉rine natsisewakweniénstake ne Roiá꞉ner sewaNí꞉io tánon akwé꞉kon sewatewénhnarak ne raoianerénhseras né꞉tho tkwáwis, ne naónton ne karí꞉wes ne thóh nón꞉we niʼionwénhtsaien nahitiónheke.

Deuteronomy 6:24

Ethò꞉ne ne Roiá꞉ner Onhkwaní꞉io washonkwahró꞉ri nahiakwatewén꞉naraʼkwe kí꞉ken kaianerénhseras tánon nashakwakwénienste. Tó꞉ka thóh neniakwá꞉iere, akwáh ki tió꞉konte tsi enshonkwaʼnikónhrahrake nonkwentióhkwa tánon ienkakónhtaʼkwe tsi enhionkwaianerásten.

Deuteronomy 6:5

Hentsenorónhkwake ne Roiá꞉ner Rawení꞉io tsi sónnhe, akwáh seriasakwé꞉kon, satonhnetsherakwé꞉kon, ó꞉ni sasatstenhserakwé꞉kon.

1 Timothy 1:5

Nahoriwáhke kíʼ tsi nikonríhonthe né꞉ne asehiáron ne kanoronkwátsera tsi nón nitewétha ne weriasí꞉io, onikonróskon, ó꞉ni ne iorihwatóken tewetákwen.

Hebrews 12:28

Ánion kíʼ tethewahtenonwerátonsek, káti, tsoríhwa tsi entewahiéna ne kanakerásera né꞉ne iáh tahónton tahiotihéntonwe. Ánion ionkwatsennonníhak ó꞉ni tetsitewahnonweráton ne Rawenni꞉io né꞉ne ahkakwéni ahawerientí꞉io, aterennaientaʼtsherákon ó꞉ni kakwenienstátshera;

Joshua 22:5

Iorihwiióhak sewatewénhnarak ne kaianerénhsera né꞉tho Mahís tsi sewarihwatháti: tsi sewanorónhkwak ne Roiá꞉ner Sewaní꞉io, tatsisewaʼnikonhraié꞉rit, sewatewénhnarak ne rahorihwataʼtsheras, sewarihwatokénhak ne rahonhà꞉ke, tánon tsi sewahiò꞉tens kwáh seweriasakwé꞉kon ó꞉ni sewatonnheʼtsherakwé꞉kon.”

Joshua 24:14

“Káti ó꞉nen,” Joshua ionsahathasonteren, “tskwenienstat ne Roiá꞉ner tánon orihwiiohonwe ó꞉ni iorihwahtó꞉kenhak tsi tsiotens. Isehʼhiashá꞉ti ne kahiatonnishón꞉ʼas nètho sahsotʼtserahokonkenʼens rathisennaienskwe ne Mesopotamia ó꞉ni ne Egypt nónhwe, tánon rahonhatsiwa ne Roiá꞉ner tsiohtens.

1 Sawátis 2:15

Tóhsa sewanorónkwak ne ionwentsiáte tánon ó꞉ni tsi nahoténsons ne tsi ionwentsiáte ahoriwasónha. Tóhka sewanorónkwa ne ionwentsiáte, iáh kíʼ tetsisewanorónkwa ne Kanísera.

1 Sawátis 5:5

Ónka akonwasénni ne tsi ionwentsiáte? Kwáh nék khók tsi nikáien ne tiakawetákwen ne Ié꞉sos tsi Rawenni꞉io Roiénha.

1 Samuel 12:20

Tánon ne Samuel wasakawénhase nonkweʼókon, “Tó꞉sa sewaterónsek; ní꞉se thóh akwé꞉kon nisewaiéren kiʼ ioriwatsáni, tó꞉sa sewatiaʼtonhtáko tsi tsisewanonterátie ne Roiá꞉ner, ók tetsisewarihwásnies ne Roiá꞉ner kwáh sewehrhiaʼsakwékon kénhak;