Deuteronomy 1:8 - Ohiatonhseratokénti

⁸ Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 1:8 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 15:16

Kwáh kí kaié꞉ri niaʼtenwatereʼserá꞉seren nohén꞉ton tsi niesathwatsirí꞉non ne kén꞉ʼen naʼtaontahón꞉ne, aseʼkénh iáh thakheiaʼtínekenhwe ne Amorʼró꞉nons tsi niió꞉re ne kwáh tokén꞉ʼen enhonnonkweʼtáksenʼne ne entkarihón꞉ni ónenʼk tsi enhonwatihréwahte.”

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Nehemiah 9:15

Tánon ní꞉se washé꞉nataranonte aseʼken rontón꞉karhiakskwe tánon tasnekinekénhkwe nostenhráke ne raotirihwà꞉ke asè꞉ken rotiniatatʼténskwe. Tánon ní꞉se washeién꞉hase thóh niehónhne tánon rontsenáwast ne ohón꞉tsa né꞉tho sarihwaní꞉raton nenhshé꞉ion.

Exodus 23:31

Kwáh enkónhni ne tsi karisthatátie ne tionhontsákes ne iahónwe tsi tkanéksker ne Aqaba tsi nióre ne Mediterranean Kaniatarakheʼkówa ó꞉ni ne kahentakeʼkówane tsi nióre ne Euphrates Kaniatarahtátie. Entkónhion ne kashatsténsera nashehiatsiathakweníʼiosthe ne rahthinákere né nón nihionʼhóntsaien, tánon kwáh enshehiatínekenhwe tsi nienhénse.

Exodus 33:1

Ne Roiá꞉ner wahawénhase ne Mahís, “Èren íset né ken nónhwe niwatená꞉taien, i꞉se tánon nonhkweshón꞉ʼa ne tethesehiaʼtinekénhon ne Egypt, tánon thóh nónhwe iahásewe tsi tiohóntsaien ne kheʼierahratsʼténhni entekhéhion ne Abraham, Isaac, tánon ne Jacob ó꞉ni tsi nienhontwaʼtsiríne.

Jeremiah 32:22

Tesehiáwi kí꞉ken ionhontsiaréhsen ó꞉ni ionhontsí꞉io, tsi kíʼ nisehiarahratsʼténni ne sahkotisotʼthonkonkénʼen.

Ezekiel 47:14

Kwáh ioriwahníron tsi khehiarahratsʼténhni ne sehsokthonkonhkénʼen tsi entekhéhion kí꞉ken ohóntsa; káti ónen satehiothónhak tsi ní꞉ioht tsi tesehwathatsiakónhas.

Numbers 14:23

Kwáh iáh nonhwénhton tshiahontáweiaʼte nètho nónhwe tsionhontsáien tsi nikhehiararatsténhni ne sakotiʼsotʼthonkonhkénʼen. Iáh ónhka nonhwénhton tsi niháti tshiahontáwehiate né ionhtkenhronhníhon.

Numbers 32:11

‘Waʼkaráratste né aoríhwa tsi iáh tiehothikonhtákwen tehotirihwatóken nakonháke, kwáh iáh ónhka ne tewá꞉sen natahahoserihiákon khès ne sénha ahonthahóhionke né Egypt natethawénon tsi iáh tsiá꞉re ne tsi tsohontsáien né khehiararatsʼténhni ne Abraham, Isaac, tánon ne Jacob.’

Deuteronomy 1:11

Aiáwenhs ne Roiá꞉ner, ne Raoní꞉io ne sewahsoʼtsheraokonhkén꞉en, tewenhniaweheʼtsherásen nihiorì꞉wake sénha atsisewenhtioʼkowanáhte tánon atsisewakwahtiésten, tsi kíʼ nihorahrátston!

Deuteronomy 1:35

‘Iáh ne sahià꞉ta ne kén꞉en kawatsiraksénhskwa tiahontawehià꞉te ne tsi tiohontsí꞉io ne khehiarahratstén꞉ni ne sewasoʼtsheraokonhkén꞉en.

Deuteronomy 10:11

Ethò꞉ne wahatró꞉ri ne hiáke tánon ne kwáh enkwahéntenhse, ne káti nahónton niahisewatié꞉nawatste ne tsi tiohontsá꞉ien ne tsi ni shakorahratstén꞉ni ne ietsisoʼthonkonhkén꞉en enhteshaká꞉wen.

Deuteronomy 11:24

Akwé꞉kon nonhontsà꞉ke tsi nón꞉we niensewenhnèn꞉rine í꞉se sewáwenhk enwá꞉ton. Ne sewanakeráhsera entiè꞉ne nokwáti ne iahonwentsathèn꞉ke entewatáhsawen né꞉ne tsi ionontahrón꞉nions ne Lebanon nothorè꞉ke nokwá꞉tis ienhénwe, tánon né꞉ne nà꞉kon nokwá꞉ti ne Euphrates kaniataratátie entewatáhsawen iénwahwe ne tsi iaʼtewatshénthos nokwá꞉ti ne Mediterranean kaniatarakheʼkó꞉wa.

Deuteronomy 11:9

Tánon karí꞉wes entsónhnheke ne thóh nón꞉we ne ionhontsí꞉io né꞉tho Roiá꞉ner sakorahratstén꞉ni ne ietsisothonkonhkén꞉en ó꞉ni tsi wahatiwatsiratátie.

Deuteronomy 2:29

tsi nió꞉re iateniaʼkwahiá꞉iake ne Jordan Kaniataratá꞉tie tsi nienhiá꞉kwe ne tsi tiohontsá꞉ien né꞉tho Roiá꞉ner ónhkwa Ní꞉io sonhkwawì꞉re. Tsi nitotwatsirì꞉non ne Esau, ne Edom nónhwe nihanakerè꞉kwe, ó꞉ni ne Moabites, né꞉ne Ar nónhwe nihatináhkere, wahonkhirí꞉hon nahiakwató꞉hetste ne raotinakeraʼsehrá꞉kon.’

Deuteronomy 26:15

Tasatkátho tsi nón꞉we teshì꞉teron ne iotenathatokénhti ne karonhiá꞉ke tánon sehiathatérist ne shonkweʼtashón꞉as Israerʼró꞉nons; tiathatérists nónhne ne iohontsarésen ó꞉ni iohonhtsí꞉io né꞉tho teskwá꞉wi, tsi nisehiararatstén꞉ni ne iakisoʼthonkonhkén꞉en.’

Deuteronomy 26:3

Thóh niahasewe né꞉ne ratsihénstatsi ne roterihónte ne nenhkahá꞉wi tánon tsi sewahró꞉ri, ‘Ó꞉nen wahiriwaniratʼtse ne Roiá꞉ner Akení꞉io tsi ó꞉nen wahakwahtáwehiaʼte ne tsi ionhontsá꞉ien ne iakisoʼthonkonhkén꞉en shakorahratstén꞉ni henteshón꞉tion.’

Deuteronomy 28:11

Ne Roiá꞉ner wé꞉so énthion nahisawiraiéntaʼne, ionatiohkowá꞉nen tionónhskwarons, tánon ienkaié꞉rike ne kaienʼthótsheras ne tsi ionhontsá꞉ien ne shakorahratstén꞉ni ne ietsisoʼthokonhkén꞉en tsi enthetsí꞉tion.

Deuteronomy 29:12

Kén꞉en í꞉sewes nón꞉wa wenhniserá꞉te nahisewatiaʼtáren nateriwaʼseronhniatserá꞉kon né꞉tho Roiá꞉ner sewaNí꞉io rahonhnihátie skátke ní꞉se tánon nahisewaié꞉na tsi nihioterihwaiénhni,

Deuteronomy 30:20

Tsi sewanorónhkwak ne Roiá꞉ner sewaNí꞉io, tsi sewawénhnarak tánon sewariwatokénhak ne rahonhà꞉ke, tánon ethò꞉ne ní꞉se tánon tsi niensatwatsí꞉rine kwáh entionhnhésonhke ne tsi tiohontsá꞉ien né꞉tho tsi sewarahratstén꞉ni nahontashaká꞉wen ne ietsisoʼthonkonhkén꞉en, Abraham, Isaac, tánon ne Jacob.”

Deuteronomy 31:7

Ethò꞉ne ne Mahís iahonónhke ne Joshua tánon wahoró꞉ri rahotihénton nonhkweshón꞉a ne Isaerʼró꞉nonke, “Iasenikonhrakónhtat tánon saʼnikonhranirónhak; í꞉se kók enhshehéntenhse kí꞉ken onhkweshón꞉a niahontié꞉nawatste ne tiohontsá꞉ien né꞉tho Roiá꞉ner shakorahratstén꞉ni ne shakotisoʼthonkonhkén꞉en.

Deuteronomy 34:4

Ethò꞉ne ne Roiá꞉ner wahawénhase ne Mahís, “Ne kí꞉ken ne iohontsá꞉ien ne khehiararatstén꞉ni ne Abraham ó꞉ni ne Isaac, tánon ne Jacob tsi enthekhéion tsi nienhontwatsí꞉rine. Wakonhríhon nasatkátho, ók iáh ki thakonhrí꞉hon ne thóh nón꞉we iáse.”

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 6:10

“Akwáh ki ne Roiá꞉ner sewaNí꞉io tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob, entsitsonhóntson skátke ne iókwats kanatowá꞉nens ne tsi niká꞉ien ne iáh í꞉se tesewatenatón꞉ni.

Deuteronomy 7:12

“Tó꞉ka enshatahónshatate kí꞉ken kariwatà꞉tsheras tánon ensatewén꞉narahkwe naioriwatokénhake, ethò꞉ne ki ne Roiá꞉ner saNí꞉io ienhakón꞉taʼkwe enhateweién꞉ton ne ateriwaʼseronhniá꞉tshera tsi naʼtetiátere tánon enhianatónhase ne ioriwató꞉ken rahononronhkwá꞉tshera, tsi ki nishakorahratstén꞉ni ne ietsisoʼthonkonhkén꞉en.

Deuteronomy 7:13

Akwáh enhianó꞉ronhkwe ó꞉ni enhiaiaʼtaté꞉riste, káti né꞉ne akwáh ahisewentiohkowá꞉nen ó꞉ni wé꞉so ahisewawiraién꞉taʼne; enhaiaʼtatériste tsi sahenthaké꞉rons, ne káti nahónton nahishanatsaiéntaʼne, onenharataʼsehontsherá꞉keri, tánon ne iakeniewáhtha kénhies; tánon tsi enhiaiaʼtaté꞉riste ne tsi nénhthion ne tionhnónskwarons ó꞉ni ne teiotinakaronhtón꞉a. Akwé꞉kon énthion kí꞉ken kaiataterí꞉tsheras ne tsi nishakorahratstén꞉ni ne ietsisoʼthonkonhkén꞉en tsi énthion.

Deuteronomy 7:8

Ók ki ne Roiá꞉ner tsi sewanorónhkwakwe tánon tehotonhontsóni nahakwénienste tsi nishakorahratstén꞉ni ne sewasotʼtsherahokonhkén꞉en. Ne ki tiorí꞉wa waʼtsisewanónhstate ne wà꞉ratste ne raoshatstenhserowaná꞉tshera tánon shatsisewatatewenhní꞉ioste tsi nitsisewanaskón꞉niskwe ne ronhnonhtí꞉io ne Egypt nón꞉we.

Deuteronomy 8:1

“Iaʼtesewatatsáhat tsi sewatewénhnarak norihwakwé꞉kon ne kaianerénhseras né꞉tho takwahion nón꞉wa wenhniserá꞉te, ne káti nahitsónhnheke, nahisewentiohkowáhna, ó꞉ni nahisewatié꞉nawatste nohóntsa ne Roiá꞉ner shakorahratstén꞉ni ne ietsisoʼthonkonhkén꞉en.

Deuteronomy 9:5

Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.

Hebrews 6:13

Ne Rawenni꞉io shahohrahrátsten ne Abraham, wahariwahnírahte tsi thóh nenháiere tsi nihorahrátsʼton. Tsi iáh nakóren éhʼtho teieshátsthe tsi ní꞉ioht ne raónha, raoshén꞉na wahrátsʼthe tsi waharihwahnírahte.

Hebrews 6:14

Wahénron, “Wakonhiaráhratsʼthe tsi enkonhiatatéristhe ó꞉ni wéso enkonwahtsirónnien.”

Joshua 1:6

Thashaʼnikonhrakontaʼkwénhak tánon shaʼnikonhranirónhak, asè꞉ken í꞉se enshehéntenhse kí꞉ken onhkweshón꞉as tsi ienhontiaʼtakwehní꞉ioste kí꞉ken ohóntsa ne kehiararatstén꞉ni ne shakotisoʼthonkonhkén꞉en.

Judges 2:1

Ne rahoronhiakerónon ne Roiá꞉ner Gilgal nónhwe tahaténhti tánon Bochim niaháre tánon washakawénhase Israerʼró꞉nons, “Thohʼthakwahiatínekenhwe ne Egypt tánon thohʼnónhwe takwahiaténhawe ne tsi ionhontsáien ne kheʼhiarahratsʼténhni ne ietsisotʼthonkonhkénʼen. Wakíron, ‘Iáh nonhwénhton thaʼtátiake nakaterihwasehronhniátshera tsi nòkwah ní꞉se.