Deuteronomy 1:7 - Ohiatonhseratokénti

⁷ Thonshasewanáhtak tánon sesewahténhti. Wás tsi tsionhniarónhnion ne Amorʼró꞉nons rahononhontsà꞉ke niahá꞉sewe tánon akwé꞉kon ne tehiokwahtasèhton ne kanahkerásehras—tsi nió꞉re ne Jordan ahonráhkwakon, ne tsi tionhniarónhnions ó꞉ni ne ahonráhkwakonhs, tsi nió꞉re ne entiè꞉ne kanakerahseraké꞉rons, tánon tsi nió꞉re ne Mediterranean kaniatarakʼtóntie—tsi tiohontsá꞉ien ne Canaan niahásewe tánon iasehwató꞉hets ne tsi ionnonhtaʼrónhnions ne Lebanon kwáh tsi nió꞉re ne tkaniatarowá꞉nen Euphrates.

Deuteronomy 1:7 ပူးပေါင်းရင်းမြစ်များ

Genesis 12:9

Eʼthó꞉ne ó꞉nen né Abram wahonatenʼawíhson, shé꞉kon kíʼ Negeb nón꞉we iaʼthaʼoienhátie.

2 Samuel 8:3

Ne Táwit kwáh ó꞉ni nonʼné꞉eh waononwariákhon ne Ronnontí꞉io Hadadezer ne ne roní꞉ha ne Rehob ne Zobah nón꞉we nihanákerehkwe, ne raónha tsi niahá꞉reh nahonsahakwahtáko ne raoshaststénhsera ne tsitkaniatarathátsie ne Euphrates.

1 Chronicles 18:3

Nó꞉ia, né Táwit né ionhsahó꞉tiatonhnti ne Ronnontí꞉io Hadadezer né꞉ne Syriaró꞉nonke wathonhón꞉tsaien né꞉ne Zobah nón꞉we, ákta tsi kanakerahseráien ne Hamath, ne aoríhwa ne Hadadezer tsi né rorihwaiénthaʼkwe nahontahaniaróhtaroʼke tsi kanakeraseráhien ne é꞉neken nón꞉we ne Euphrates Kaniatarahtátie.

1 Chronicles 5:9

Ionatsiokowánens rotiʼnaskwahiéntaʼkwe ne tsi watonhontsáien ne Gilead, tánon ká꞉ti wahontsatakwení꞉iosʼte nonhóntsa kwáh tsi niió꞉re ne tsitʼkarakwínekens nòkwahti ne iahonwenhtsiatʼthénhke nètho wathá꞉tie kwáh tsi niió꞉re ne Euphrates Kaniataratátse.

Exodus 23:31

Kwáh enkónhni ne tsi karisthatátie ne tionhontsákes ne iahónwe tsi tkanéksker ne Aqaba tsi nióre ne Mediterranean Kaniatarakheʼkówa ó꞉ni ne kahentakeʼkówane tsi nióre ne Euphrates Kaniatarahtátie. Entkónhion ne kashatsténsera nashehiatsiathakweníʼiosthe ne rahthinákere né nón nihionʼhóntsaien, tánon kwáh enshehiatínekenhwe tsi nienhénse.

Amos 2:9

Tshiehská꞉te kheiahtón꞉ton ne Amorʼró꞉nons ne raotihén꞉ton, tho nihatinenhié꞉sonskwe tsi ní꞉ioht ne onenʼtakwenhténhtshera iorón꞉tote, tánon thóh nihatiʼshátsteʼskwe tsi ní꞉ioht ne karíhton karón꞉ta; wakerihwahtón꞉ton ne raohikshón꞉ʼahs, kwáh waktehrohtshiónkwen ne tsi keríhtonskwe.

Numbers 10:12

tánon Nisraerʼró꞉nons tahontáshawen waʼthontʼtháhakwe èhren shaʼhónhnete ne iahonwenhtsaʼthènke ne Sinai. Notsíkere thóh iatʼkátane né kaʼrakonhkówa ítken ne Paran nónhwe.

Deuteronomy 1:19

“Kwáh tonahakwá꞉hiere tsi ki nahó꞉ten shonkwahró꞉ri ne Roiá꞉ner Onhkwaní꞉io. Tahiakwaʼténhti ne tsi tionónhte ne Sinai tánon thóh niahákwe ne tehiotenonhianì꞉ton ó꞉ni ioʼteronhkó꞉wa iahonwenhtià꞉tenhke ne tsi nieiothahí꞉non ne tsi tionontahrón꞉nions ne Amorʼró꞉nons raotinakerahserá꞉kon. Shahá꞉kwawe ne Kadeshke Barnea,

Deuteronomy 11:11

ók nonhóntsa ne ó꞉nen thó꞉wa iahitsonhontsárahne ne thóh ionhontsá꞉ien né꞉ne ionontahrón꞉nions ó꞉ni ahonrahkwakónhsons í꞉ken ne tsi ionhontsá꞉ien ne nokenhnoré꞉sera ionekanónhtens.

Deuteronomy 11:24

Akwé꞉kon nonhontsà꞉ke tsi nón꞉we niensewenhnèn꞉rine í꞉se sewáwenhk enwá꞉ton. Ne sewanakeráhsera entiè꞉ne nokwáti ne iahonwentsathèn꞉ke entewatáhsawen né꞉ne tsi ionontahrón꞉nions ne Lebanon nothorè꞉ke nokwá꞉tis ienhénwe, tánon né꞉ne nà꞉kon nokwá꞉ti ne Euphrates kaniataratátie entewatáhsawen iénwahwe ne tsi iaʼtewatshénthos nokwá꞉ti ne Mediterranean kaniatarakheʼkó꞉wa.

Joshua 1:4

Ne tsi sewateristatátie iénwahwe ne tsi tsotáshawe ne iahonwentsathènhken né꞉ne entiè꞉ne nokwá꞉ti ne tsi ionhnontaʼrón꞉nions ne Lebanon né꞉ne othorè꞉ke nón꞉we; thóh entewatáshawen ne Kaniatarohwanénhke ne Euphrates né꞉ne tsitkaraʼkwí꞉nekens nón꞉we, iatenhiótkaʼwe tsi kanakerahserá꞉ien ne Hitró꞉non, thóh niénhsewe né꞉ne Mediterranean Kaniatarakeʼkó꞉wa né꞉ne tsi iaʼtewatshénthos nón꞉we.

Joshua 10:40

Ne Joshua washakosenhniónko nonhontsakwé꞉kon. Wahosénhni ne ronhnonhtí꞉io ne tsi iononhténion kanakerahserá꞉ien, ne tsitkarahkwí꞉nekens nokwá꞉ti iononhtakarenhrénions, tánon ne tsi iaʼtewatsénhtos iononhthaientáserons, kwáh ó꞉ni tsi niká꞉iens ne ionakeraserà꞉iens ne entieʼné꞉sons nokwahtí꞉son. Iáh ónhka tesakohiaʼthanonstá꞉ton; kwáh onkweʼtakwé꞉kon wahontatenonhwariaʼkónhnion. Thóh ki ní꞉ioht ne Roiá꞉ner Raní꞉io ne Israerʼró꞉nonke tsi rotenhnàhon.

Joshua 24:15

Tó꞉ka iáh thóh teshá꞉nikonróh꞉ten nahtsiotense, iateshá꞉rihwaientas nón꞉wa wenhniserá꞉te ónhka enshé꞉hiotenhse, ne kahiá꞉tonhnisonhas ne shá꞉sotʼtserahokonkenʼen rathisennahienskwe ne Mesopotamia tó꞉ka ó꞉ni ne rahothihiatonnis ne Amorʼró꞉nons, tsi róh꞉nonha rahononhontsake nón꞉wa non nishé꞉nahkere. Ók ki ní꞉i tánon nakwahtsire, Roiá꞉ner ki enshá꞉kwahiotenhse.”

Joshua 9:1

Ratikwé꞉kon ne ronhtinonhtí꞉ios ne tsi iaʼtewatsénthos nokwáti ronathohetsthákwen ne Jordan wahatiriwà꞉ronhke tsi ní꞉ioht nonkweshón꞉as ne Israerʼró꞉nonke shakotisénhnion ne tehontaʼtsons. Ne ronhtinonhtí꞉ios ne tsi ionontahrón꞉nions ó꞉ni nononhtaʼthónties ne satekanakeraserí꞉hen ne Palestine nón꞉we wahatirihwà꞉ronhke nónhne. Tánon ó꞉ni ne ronhtinonhtí꞉ios ne iowenokwáseron ne tsi watonhwenhtsá꞉ien ne Mediterranean Kaniatarakeʼkó꞉wa wahatiriwà꞉ronhke nónhne. Iekaníhare ne Thontinonhtí꞉ios tsi nió꞉re ne othorè꞉ke nòkwah ronatohetsthákwen ne Lebanon wahatiriwà꞉ronhke tsi nihonatkweniónhkwen ne Israerʼró꞉nons. Kí꞉ken ronhtinonhtí꞉ios ne wahatiriwà꞉ronhke tsi nihonatkweniónkwens ne Israerʼró꞉nons né꞉ne sakotinonhtí꞉ios ne Hitró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, ó꞉ni ne Jebusites.

Revelation 9:14

wahonwénhase ne iaiákhaton raronhiakeró꞉non ne rahá꞉we iehonrawátsta, “Sheiátkaf ne kaié꞉ri nihá꞉ti ratironhiakeró꞉nons ne ronónha thatiné꞉ren thóh ne kaniatarowanénhne Euphrates.”