Deuteronomy 1:6 - Ohiatonhseratokénti

⁶ “Né꞉ne tsi tionónhte ne Sinai shititewéskwe, ne Roiá꞉ner onkwahʼNí꞉io washonhkwénhase, ‘Thóh tsi nikarí꞉wes ó꞉nenh kén꞉en tsi ionónhthe shisehwénhteron.

Deuteronomy 1:6 ပူးပေါင်းရင်းမြစ်များ

Exodus 17:6

Sahénton ténkʼthane nostenhràhke ne tsi ionónhthe ne Sinai. Ostenhràhke sehnonhwárek, tánon ostenràhke enhʼkanekóten nonhkweshón꞉ʼa ahatineʼkírahte.” Ne Mahís thóh kíʼ naháiere rahotiʼhéntons ne sakotiʼhentènse nʼIsraerʼró꞉nons.

Exodus 3:1

Ènska wenhniseráhteʼkwe tsi nikaríwes ne Mahís sakoʼnikonhrahrá꞉tiesʼkwe ne raweʼnónhsa Jethro raotsenenhó꞉kons teiotinakaronhtón꞉ʼa ó꞉ni ne kahiaʼtàkeras, né꞉ne rohkháreskwe ne Midian nónhwe, iasaʼkosáhriʼne ne konhtiʼtshé꞉nens waʼthaʼtihentíhiaʼke ne kahentaʼkekó꞉wa tánon iahonnéwe tsi tionònhte ne Sinai, né iononhtatoʼkénti.

Numbers 9:22

Né꞉ne tewenhniseráke khók, khès ne sewenhníta, tsósehra, tó꞉ka ó꞉ni sénha karíhwes, tsi nióre notsíkera thóh èhneken íwes tsi nónhwe niwatóhsehrote, iáh kíʼ thatahonhnáthaʼkwe; ók kíʼ nónenh èhren ènsewete thóh ne kíʼ tenshonʼnáthaʼkwe.

Deuteronomy 1:5

Né꞉ne tsi náhe nonhkweʼshón꞉a tsitkarahkwí꞉nekens nokwá꞉ti ne Jordan iehónhneskwe né꞉ne Moab ahontonhontsà꞉ke né Mahís tahatáshawen nahaʼnikonhraiéntate ne Rawenni꞉io raoianerénsehras ó꞉ni ne raorihonhnienhní꞉tsheras. Wahénron,

Deuteronomy 18:16

“Ne tewenhniserá꞉tehkwe ne shisewatiaʼtaró꞉ronhne ne tsi tionónhte ne Sinai, wesewaʼnéken ne tó꞉sa shé꞉kon ahonsahtsisewawenhnà꞉ronke ne Roiá꞉ner tó꞉ka ó꞉ni ne tó꞉sa shé꞉kon nonhwénton ahonsehsewatkátho ne raonakwahtserowanáhtshera, tiorì꞉wa tsi sewateronskwe nontiérenk ensewénheie.

Deuteronomy 5:2

Ne tsi tionón꞉te ne Roiá꞉ner Onhkwaní꞉io wahaianerenhserón꞉ni,

Deuteronomy 9:8

Shé꞉kon ó꞉ni ne tsi tionónhte ne Sinai watsisewanaʼkón꞉ni ki—iaʼtekaié꞉ri tsi nahonáhkwen naʼtsisewatónhtonke.