Deuteronomy 1:16 - Ohiatonhseratokénti

¹⁶ “Ethò꞉ne wakè꞉nahne, ‘Sewatahónsatat ne tekariwakénen tsi nenhiokétote tsi naʼtehónhtere ne tionhkweʼtashón꞉a. Kwáh tkariwaié꞉rik tsi tesewahiató꞉ret ne tekariwakenákston, né꞉ne tó꞉ka ken í꞉se kók tionhkweʼtashón꞉as akénhake tó꞉ka ó꞉ni né꞉ne tihononhontsátes ne skátke sewanákere.

Deuteronomy 1:16 ပူးပေါင်းရင်းမြစ်များ

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

2 Samuel 23:3

Ne raNí꞉io NIsraerʼronónke rotatíhon, Naosténra ne Israerʼronónke onkenhá꞉se: Ne ne tsi niká꞉ien sakokkoráston nonkweʼókons nahontakariwaiérike, tsi rokkoráston ne tsi rokweniénstha ne Ní꞉io,

Psalms 58:1

Ní꞉se sewakoráshons nonwènhton kén ne tkarihwaiéri tsi ní꞉ioht tsi tahisewahiatoréton? Tsi ietsirihwénhtha nonkweshón꞉ha tkarihwaiéri kén?

Exodus 22:21

“Tó꞉sa sehiateweienʼnaksáten ne tiʼhononhontsátes; sewehiárak tsi íse ó꞉ni thitionhontsátesʼkwe ne Egypt nónwe.

Proverbs 31:9

Sheiatátiaʼs tánon tkariwaié꞉rik tsi tenhshiaʼtó꞉rehte. Tsaʼtanónhstat raotiianerénhsera ne rotí꞉ten tánon ne tehonatkárien.”

Leviticus 19:15

“Sewarihwatokénhak tánon sewarihwakwahrihshonhat nónen tenhsewahiató꞉rethe ne tsi teiehiatorethákwa; tó꞉sa teietʼtsihiaróton ne iakóten tó꞉ka ó꞉ni aietʼtshitshániʼke ne iakokwáhtshe.

Leviticus 24:22

Kí꞉ken kaianerénsera sewakwékon satesewaríhwaʼke, Nisraerʼró꞉nons tánon ne tihononhontsátes ne skát꞉ke sewanákere, tsioríhwa tsi Í꞉i ne Watiá꞉ner Sewaní꞉io í꞉ken.”

Numbers 27:19

Tsró꞉ri rahohénton ne Eleazar ne ratsihénstatsi tehá꞉tann tánon ne onhkwetaʼkwékon, tánon thóh akohénton satró꞉ri tsi rahónʼa thonsahianakthákwen.

John 7:24

Tosa neok teseȣaiatoret tsiniiot tsi kaieronni, neh tanon tehseȣaiatoret tsinitkariȣaieri.

Deuteronomy 1:15

Káti iaʼkhénonhke ne ronteʼnikonhratókhas ó꞉ni ne ronaterièn꞉tare ne shakotihenténhse ní꞉se ieʼtsihiataráhkwen né꞉ne skentaraʼtsions nonh nithoné꞉non, tánon wakherihónten naietsihiateriwaʼshónhteraʼse. Otià꞉kes tsi wakerihonʼtónhnion ne nashakonateriwaʼshónteraʼse ne tewenhniaweheʼtsherásen nihionkweʼtáke, otià꞉kes ne énska tewenhniáwe nihionkweʼtáke, otià꞉kes ne wísk-niwáhsen nihionkweʼtákes, otià꞉kes ne oié꞉ri nihionkweʼtákes. Káti ó꞉ni shé꞉kon otià꞉kes ne ratisenhnowá꞉nens wakherihontónhnion ne tsi ratiʼtarahiéntons.

Deuteronomy 24:14

“Tó꞉sa senikonhráhten ne iakotenhthén꞉nion ó꞉ni ne tehiontonhnakháras ienhátsheras, né꞉ne tó꞉ka ken Israerʼró꞉nons akénhake tó꞉ka ó꞉ni tihononhontsá꞉tes né꞉ne sewanatá꞉kons ratinakerénion.

Deuteronomy 25:1

“Tó꞉ka shí꞉ken teʼnihiáse Israerʼró꞉nons tsi teiehiatoreʼtákhwa niaháne nahonateriwasehrón꞉nien tsi natehotiriwatí꞉ronhte, tánon saiá꞉ta wahé꞉nene iáh tehoníhkon ók ne saiáta roníkon nénhne.

Deuteronomy 27:11

Ethò꞉ne ne Mahís washakawénhase nonhkweshón꞉as ne Israerʼró꞉nonke,

Deuteronomy 31:14

Ethò꞉ne ne Roiá꞉ner wahawénhase ne Mahís, “Iáh ó꞉nen sóhtsi tekarí꞉wes tetsishathaténron nasónnheke. Iatsínonhk ne Joshua tánon atosehrá꞉kon nonhtaʼtiaténhaf, ne káti nahónton nahontahihiawí꞉hon ne rahohioténhseras.” Mahís tánon ne Joshua atohserá꞉kon niaháne.

1 Thessalonians 2:11

Sewahteriéntare kwáh thóh ní꞉ioht tsi watkwahriwásniese tsi ní꞉ioht ne rohtiwirahiénton tsi tesakotirihwásniese ne sakotiʼioʼokónhas.

1 Timothy 5:21

Rahohénton ne Rawenni꞉io ó꞉ni ne Kerístos Ié꞉sos tánon ne rotithokentísons ratironhiakerónons kwáh tewakenikonrakontákwen iakonʼnáton nasatewénnaraʼkwe kí꞉ken karihonniennítseras neh kwáh tóhsa thènen aisatʼkenronniákskon tóhkaʼ ó꞉ni tsi nashátiere nahontaseriwáhrakwe.

1 Timothy 6:17

Sherórih kí꞉ken nahorihoténsons tsi niháti ne rotikwátses ne kén꞉en ionwentsiáte tó꞉sa rotatonníhak, tó꞉sa ne rathiniahesénhak nahóten ne iáh tehioriwatóken tsi ní꞉ioht ne aktiokowátseras, ók Rawenní꞉ioke nónwe nihatiniahesénhak, kwáh rahotsennonniatserákon tesonkwáwis tsi nahoténsons tahionkwatonwentió꞉nike naitewatʼtsennonniátaʼkwe.