Deuteronomy 1:11 - Ohiatonhseratokénti

¹¹ Aiáwenhs ne Roiá꞉ner, ne Raoní꞉io ne sewahsoʼtsheraokonhkén꞉en, tewenhniaweheʼtsherásen nihiorì꞉wake sénha atsisewenhtioʼkowanáhte tánon atsisewakwahtiésten, tsi kíʼ nihorahrátston!

Deuteronomy 1:11 ပူးပေါင်းရင်းမြစ်များ

Genesis 15:5

Átsteʼ niahoiaʼténhawe tánon wahén꞉ron, “Karonhiá꞉ke iaʼsatkáhtho tánon sáhset ne tsi iotsistohkwarónnion, toka enhskwé꞉ni nahsheiáhshete.” Eʼthó꞉ne wahawénhahse, “Thóh kiʼ nenhonatióhkwaske tsi nienhsathwatsí꞉rine.”

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 26:4

Kwáh tenkheiaʼserónnion tsi nienhsathwatsí꞉rine tsi ní꞉ioht tsi iotsistohkwarónnion ne tsi karonhiá꞉te, tánon kwáh enkhé꞉ion tsi nienhsathwatsí꞉rine akwé꞉kon ki꞉ken ionhwentsá꞉iens. Kwáh onkweʼtakwé꞉kon tsi enionkeriʼwanón꞉tonhse nakheiaʼtaté꞉rihste tsi nenhkheiaʼtatérihste tsi nienhsathwatsí꞉rine.

Genesis 49:25

Ne Raoní꞉io ne iaʼníha, ráonha enhiaié꞉nawaʼse, Ne ne Rawenni꞉io Roʼshatstenhserowanenʼkó꞉wa ráonha enhiaiaʼtaté꞉rihste ne ne kaiaʼtateríhtshera nokennoréhsera ne karonhià꞉ke nèntewe, Tánon ne iohnoté꞉sonʼs kahnekonnion ne nà꞉kon nonhwentsà꞉ke, Ne ne kaiaʼtateríhtshera naionatiohkowáhnha ne tiohnhónskwaronʼs ó꞉ni neksaʼokón꞉ʼa.

2 Samuel 24:3

Ók Joab wahawénhase ne ronnontí꞉io, “Aiáwenhs ne Roiá꞉ner Saní꞉io í꞉ken ashakotiokówanate nonkweʼókons enskatewenhniá꞉we nihiorihwáke, tsík sénha ne rakará꞉ke Natiá꞉ner ne ronnontí꞉io shé꞉kon roʼkwénion nahatkátho! Ók onhnontiéren Natiá꞉ner ne ronnontí꞉io tsi í꞉rehre kíʼ thóh nahá꞉iere?”

1 Chronicles 21:3

Né Joab watarihwaseráko, “Aiáwens ne Roiá꞉ner nashakahónhnien nonkweʼshón꞉as Nisraeʼró꞉nonke énska tewenniáwe sénha ahonatsokowánenhke tsi nón꞉wa ní꞉ioht! Shanontí꞉io, ratikwé꞉kon í꞉se sanhatseraʼókons í꞉ken. Nontiéren tsi í꞉sere thóh náshere tánon onhkwetaʼkwé꞉kon tashehionhnaríkʼkhon?”

Psalms 115:14

Aiáwens ne Roiá꞉ner aientsiokowáʼnaste, tesehnitsáron í꞉se tánon ne seiohokónha.

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Ezekiel 16:7

Wahkonhríhon nashatehiáron tsi ní꞉ioht ne kwáh iotakaríte kaientʼthó꞉tsera. Wasehshástsʼtenhne tánon wasnenhiésʼshaʼne tánon iónkwe wahsáhton. Tánon ne senonhtákes iakaieríhne, tánon weshanonhkwisehréʼtshatne, ók sanhéok thí꞉ken.

Numbers 22:12

Ne Rawenni꞉io wahawénhase ne Balaam, “Tó꞉sa sewateró꞉sen, tánon tó꞉sa seréwat nonhkweshón꞉ás NÍsraerʼró꞉nonhke, tsioríhwa tsi roʼnónha natiathateríhtshera íken.”

Numbers 6:27

Tánon ne Roiá꞉ner wahénron, “Tó꞉ka né enhaʼtinátonkwe naksénhna tsi kahiataʼteríhtshera íken tsi nó꞉kwah ne onhkweshón꞉ʼas NÍsraerʼró꞉nonhke, kwáh kíʼ enkhehiataʼtéristhe.”

Deuteronomy 1:10

Ne Roiá꞉ner sewaNí꞉io watsisehwenhtioʼkó꞉wanahte tsi ní꞉ioht ne tsi iotsistohkwarónhnions ne tsi karonhiá꞉te.

Deuteronomy 1:12

Ók káti ní꞉ioht tsi haʼkwéni ne iathahontiaʼtíste tsi nihióste noriwaʼsónhas nakakwatàkwenke tsi naʼtesewariʼwáhras?

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 10:22

Nó꞉nen ne ietsisoʼthonkonhkén꞉en Egypt shiahón꞉ne, tsáta kók nihatihiathásen nihátikwe. Ók ki nón꞉wa ne Roiá꞉ner sewaNí꞉io thóh nió꞉re tsi sewenhtioʼkowanáston tsi ní꞉ioht ne tsi iotsistohkwarón꞉nions ne tsi karonhiá꞉te.

Deuteronomy 28:62

Ethosà꞉ne et nensewenhtiohkowá꞉nenke tsi ní꞉ioht ne tsi iotsistohkwarón꞉nions ne tsi karonhiá꞉te, kenk ki ní꞉tson iatenhtsiwathare, ne tsi iáh thetsisewawenhnaráhkwen ne Roiá꞉ner sewaNí꞉io.