Deuteronomy 1:1 - Ohiatonhseratokénti

¹ Né kén꞉en kahiatónhsera né rowenhnasónhas ne Mahís shakotharáhni nonkweʼshón꞉a ne Israerʼró꞉nonhke nó꞉nen ionwenhtsiathèn꞉ke shehónhnes né꞉ne tsitkarahkwí꞉nekens nokwá꞉ti ne Jordan kaniatarahtátie. Ahonráhkwakon ne Jordan ákta ne Suph rónhneskwe, tsi naʼtetiátere ne tsi kanátaien ne Paran né꞉ne skáti nó꞉kwah ne tsi kanátaien ne Tophel, Laban, Hazeroth, tánon ne Dizahab né nakʼtenókwah. (

Deuteronomy 1:1 ပူးပေါင်းရင်းမြစ်များ

Genesis 21:21

Iahonwenhtsathenhá꞉ke ne Paran nón꞉we nihanákerehkwe; ne roʼnisténha wahonwanahkwatshénriaʼse tsi tionhontsá꞉ien ne Egypt nón꞉we nontakonwaiaʼténhawe.

1 Kings 11:18

Midian nónhwe tahonthénhti Paran niahónhne, thóh nónhwe thó꞉ka niháti ronónhkwe wahonhwanatsátarahse. Ethòne Egypt niahónhne tánon ronhnonhtí꞉ioʼke niahónhne, rahónha wahahóntsion ne Hadad tánon ó꞉ni kanónhsa tánon wahoiéritʼtse ne ká꞉khwah.

Habakkuk 3:3

Ne Rawenni꞉io tsi tiohontsá꞉ien ne Edom nón꞉we nitawè꞉non, né Roiatatokénti Rawenni꞉io tsi ionontahrónhnion ne Paran nón꞉we nonhtahawenonhátie. Raohiatanerakwáhtshera iororókston ne tsi karonhiá꞉tes, né iakahonhnién꞉nis niakahontsakwé꞉kon nonkweshón꞉a tahonwanonwerá꞉ton. Selah

Numbers 10:12

tánon Nisraerʼró꞉nons tahontáshawen waʼthontʼtháhakwe èhren shaʼhónhnete ne iahonwenhtsaʼthènke ne Sinai. Notsíkere thóh iatʼkátane né kaʼrakonhkówa ítken ne Paran nónhwe.

Numbers 11:35

Thóh nónh꞉we thontahonténhti nonhkweshón꞉ʼas tánon Hazeroth niahónhne, thóh nónh꞉we ionsahontenátaien.

Numbers 12:16

Ethóne kíʼ ónenh èhren sahónhnete ne Hazerothke tánon karahkonhkówa ionhsahonthahosehróhten ne Paran nónhwe.

Numbers 13:26

tsít꞉nes ne Mahís tánon ne Aaron, ó꞉ni kanakerasehrakwékon ne Israerʼronónke né꞉ne Kadesh nónhwe né karakonhkówa íken ne Paran nónhwe. Shaʼhontʼróri tsi nahó꞉ten wahontkátho tánon washaʼkotinatónhase ne káhiks ne thotíha.

Numbers 13:3

Ne Mahís wahatewénhnarakwe tánon thóh nónhwe ne karakonhkówa ne Paran thaʼshakoténieʼte ne sakotihenténhse, kén ní꞉ioht: Raotitsióhkwas Ne Sakohenténhse Reuben Shammua ne roʼiénha né꞉ne Zaccur Simeon Shaphat ne roʼiénha né꞉ne Hori Judah Caleb né roʼiénha né꞉ne Jephunneh Issachar Igal né roʼiénha né꞉ne Só꞉se Ephraim Hoshea ne roʼiénha né꞉ne Nun Benjamin Palti né roʼiénha né꞉ne Raphu Zebulun Gaddiel né roʼiénha né꞉ne Sodi Manasseh Gaddi né roʼiénha né꞉ne Susi Dan Ammiel né roʼiénha né꞉ne Gemalli Asher Sethur ne roʼiénha né꞉ne Michael Naphtali Nahbi né roʼiénha né꞉ne Vophsi Gad Geuel né roʼiénha né꞉ne Machi

Numbers 32:19

Iáh kíʼ tahiakwatiathakweʼní꞉ioste ne thènen kaienhtátshera tsi natehónteres ne í꞉se nokwáhti ne Jordan, tsioríhwa tsi waʼhakwaiéna ní꞉i onhkwáhkwenk kénʼen ne tsitʼkharakwínekens nokwáhti ne Jordan.”

Numbers 32:32

Tsi rahónha thoniarótharon kwáh tsi ienhiakwahthonhontsórenhne ne Canaan tánon ateriioseráke nienhiákwe, né káti nahónton nahionhkwatienawasthónhake nonhkwahientátsheras ne kénʼen nónhwe ne tsitʼkarakwínekens nokwáhti ne Jordan.”

Numbers 32:5

Asatʼthontáʼtsheke káti ahontástsion kíʼ kénʼen ionhontsáien ne í꞉i ahionhkwahwenhkónhweke, tánon tó꞉sa thaʼkwahríhon ne iatahiakwahniatarí꞉hiaʼke ne Jordan né nónhwe iahiakwaná꞉kereke.”

Numbers 34:15

né tsitʼkarakwínekens nokwáhti ne Jordan, tehiotiná꞉ta ne Jericho.”

Numbers 35:14

áhsenh nikanátakes né tsitʼkarakwínekens nokwáhti tánon áhsenh nikanátakes ne tsi ionhontsáien ne Canaan.

Deuteronomy 2:8

“Sók ki sénhak wetewataʼhí꞉ta tánon wetewahtahontá꞉ko tsi nieiawé꞉non ne tsit kaná꞉taien ne Elath ó꞉ni ne Eziongeber tsi nió꞉re ne Dead Sea, tánon wetewakarenhrá꞉ko né꞉ne othorè꞉ke ne tsitkaraʼkwínekens nokwáhti nieiawé꞉non ne Moab nónhwe.

Deuteronomy 27:1

Ethò꞉ne ne Mahís, skátke ne sakotihéntenhse ne Israerʼró꞉nonke, washakawénhase nonhkweshón꞉a, “Sewatewénhnarak akwé꞉kon ne karihonhnienhní꞉tsheras ne tho takwahwí꞉hon nón꞉wa wenhniserá꞉te.

Deuteronomy 29:1

Ne kí꞉ken tsi nikawenhnó꞉ten nateriwaʼseronhniá꞉tshera né꞉tho Roiá꞉ner rohró꞉ri ne Mahís nahonhnón꞉ni ne Israerʼró꞉nons ne tsi wathonhontsá꞉ien ne Moab; ne kí꞉ken ne iehiowénhte nateriwaʼseronhniá꞉tshera tsi niká꞉ien ne Roiá꞉ner rotíson ne tsi tionónhte ne Sinai.

Deuteronomy 31:1

Ne Mahís iahakónhtaʼkwe washakotháhraʼse NʼIsraerʼró꞉nons,

Deuteronomy 33:2

Ne Roiá꞉ner tsi ionónhte ne Sinai nón꞉we nonhtá꞉re; thóh ní꞉ioht tsi tahoké꞉tote tsi ní꞉ioht ne tahiorakwinekenhenhátie é꞉neken ne tsi ionónhte ne Edom tánon tsi tionónhte ne Paran nón꞉we thontashakoswaʼthé꞉ten ne rahonkweʼtashón꞉as. Oié꞉ri tewenhniaweheʼtseráhsen niháti ratironhiakeró꞉non ratikwekonhátie, iotsiró꞉te ne saweienthethákwen.

Deuteronomy 5:1

Mahís ratikwé꞉kon washakohiaʼtaró꞉rohke Israerʼró꞉nons tánon washakawénhase, “SewaʼIsraerʼró꞉nonhs, sewatahónshatat akwé꞉kon ne kaianerénseras nentkwawíhon nón꞉wa wenhniserá꞉te. Sewatéweienst tánon ioriwihióhak tsi sewatewén꞉narak.

Joshua 22:4

Ó꞉nen ki, tsi ki nihorahrátstons, ne Roiá꞉ner Sewaní꞉io thashaká꞉wen ne ronátiaʼkes Nisraerʼró꞉nons ne skén꞉non. Káti wás thóh nionhsásewe ne tsi tionhontsá꞉ien tsi niká꞉ien ne sewá꞉ton í꞉se sewáwenk, ne tsi ionhontsá꞉ien ne nà꞉kon nòkwah ne Jordan, né꞉tho Mahís, ne Roiá꞉ner rahonhátshera, thetsisewá꞉wi.

Joshua 3:16

nonékanos ontkà꞉we tsi watnekí꞉ne tánon waʼkaweʼnhó꞉ton, kwáh tsi nió꞉re ne Á꞉tonion꞉ke, né꞉ne kanatowanèn꞉ke ákta ne Zarethan. Ne tsi niehiotnekí꞉non ne Dead Sea kwáh nénhne hiotnekénston, tánon nonhkweshón꞉a ónhton watahathihiáiake ákta ne Jericho.

Joshua 9:1

Ratikwé꞉kon ne ronhtinonhtí꞉ios ne tsi iaʼtewatsénthos nokwáti ronathohetsthákwen ne Jordan wahatiriwà꞉ronhke tsi ní꞉ioht nonkweshón꞉as ne Israerʼró꞉nonke shakotisénhnion ne tehontaʼtsons. Ne ronhtinonhtí꞉ios ne tsi ionontahrón꞉nions ó꞉ni nononhtaʼthónties ne satekanakeraserí꞉hen ne Palestine nón꞉we wahatirihwà꞉ronhke nónhne. Tánon ó꞉ni ne ronhtinonhtí꞉ios ne iowenokwáseron ne tsi watonhwenhtsá꞉ien ne Mediterranean Kaniatarakeʼkó꞉wa wahatiriwà꞉ronhke nónhne. Iekaníhare ne Thontinonhtí꞉ios tsi nió꞉re ne othorè꞉ke nòkwah ronatohetsthákwen ne Lebanon wahatiriwà꞉ronhke tsi nihonatkweniónhkwen ne Israerʼró꞉nons. Kí꞉ken ronhtinonhtí꞉ios ne wahatiriwà꞉ronhke tsi nihonatkweniónkwens ne Israerʼró꞉nons né꞉ne sakotinonhtí꞉ios ne Hitró꞉nons, ne Amorʼró꞉nons, ne Canaanites, ne Perizró꞉nons, ne Hivró꞉nons, ó꞉ni ne Jebusites.

Joshua 9:10

Tánon tsi nishakoieráse ne teninonhtihioʼtserá꞉ke ne Amorʼró꞉nons né꞉ne ná꞉kon nokwá꞉ti ne Jordan: ne ronhnonhtí꞉io Sihon ne Heshbon ó꞉ni ne ronhnontí꞉io Og ne Bashan, ne raónha Ashtaroth nón꞉we nihanákereʼkwe.

1 Samuel 25:1

Ó꞉nen ne Samuel warénheʼie; tánon kanahkeraserakwéʼkon Israerʼronónke wahonnitsowahróhroʼke tánon wahonwatiónhnionhse ne raón꞉ha. Wahontsáhate ne raoierón꞉ta thóh raononsatʼta ne Ramah nón꞉we.