Daniel 9:25 - Ohiatonhseratokénti

²⁵ Satenʼnikón꞉raren kí꞉ken tánon saʼnikonhraiéntaʼn tsi nikahá꞉wi naontontáhsawake naonsakahserónnike ne Jerusalem tsi niió꞉re iénrawe tsi niká꞉ien ne Rawenni꞉io roiataráhkwen, tsá꞉ta niiorì꞉wake ne tsá꞉ta niiohserá꞉ke enwatóhetste. Eʼthó꞉ne enskakwatákwen ne Jerusalem tsi tekanatokenhá꞉tons ó꞉ni enhatiʼshátsteke naontahontaténhe, ó꞉ni eʼtho nenióhton né ne tsá꞉ta niiorí꞉wake ne iá꞉iaʼk niwáhsen tékeni niiohserá꞉ke, ók né ne entkáhawe ne taionʼnikonrhá꞉ren.

Daniel 9:25 ပူးပေါင်းရင်းမြစ်များ

2 Samuel 15:25

Ehʼthóhʼne ne ronnontí꞉io wahawénhase ne Zadok, “Í꞉saf ne raonoró꞉kwah ne Ní꞉io kanatowanénhke nionsásʼsaf. Tó꞉ka enhatiatatériste ne Roiá꞉ner, thetatsiaʼténhawe tánon enhakerí꞉on nakatkátho tetsá꞉ron tánon tsi nón꞉we nenhkaiéntake.

Ezra 4:24

Tsi rothihiò꞉thekwe Nononhsatokentikó꞉wane tehothitahón꞉ne tánon kwáh iáh othé꞉nen thesohtihiò꞉tenskwe tsi nió꞉re ne tekení꞉haton shihiosehrathátie ne shihononhtí꞉io ne Rakó꞉raʼkwe Darius ne Persia nón꞉we.

Ezra 7:1

Wé꞉so iosehráke onákenhke, nó꞉nen ne Artaxerxes shiakoraʼkó꞉wa ne Persia nón꞉we, thóh ranakerè꞉kwe rónhkwe Ezra ronhwá꞉iatskwe. Shasakowatsirí꞉shake ne sakosotkén꞉en tsi nió꞉re ne Aaron, né꞉ne ratsihenstowá꞉nenʼne, ken ní꞉ioht: Ezra ne roʼnikén꞉en né꞉ne Seraiah, ne roʼnikén꞉en né꞉ne Azariah, né꞉ne roʼnikén꞉en ne Hilkiah,

Ezra 7:8

Sonhthontenhniseratsérenhte ne tsotenhnithatserénhton Babylonia tahonthénhti, tánon tsi Rawenni꞉io washakoienawasehátie Jerusalem iahón꞉newe ne tsotenhniseratierénhton ne wískhaton siwenhniʼthakéhaton.

Nehemiah 3:1

Tánon ne Eliashib né꞉ne ratsihentowá꞉nen thontahá꞉tane skátne ne ronatiá꞉kes ratitsihénstatsis, tánon sahonhnón꞉ni ne watenhenranihionthákwa ne teiotinakarontónha konwanatónkwa. Wakonwatonhnaheráse tánon sahontenhenranihiónten; wakonwatonnáherase kwáh tsi niió꞉re ne tsitkanikátote nénska tewenhniáwe iotʼiaton tánon tsi niió꞉re ne tsitkanikátote ne Hananel.

Nehemiah 4:2

Tánon wahénron rahotihénton ne thonatenró꞉hon tánon ne ronterí꞉ios ne Samaria, “Onhnahó꞉ten ki꞉kenʼs iáh othé꞉nen tehatístas ratishiʼtaehró꞉nons tsi nihontié꞉rah? Kwáh ken ronónha ensatikwathakwenháton ne raonawenhshón꞉as? Kwáh ken tsiknahó꞉ten akénhake nahontahatí꞉ieste? Kwáh ken enhatísa ne sewenhniserákhok? Kwáh ken ahonsahonhnónnhete nononwenhsera ne tsi nihiotonhióte ne iáh othé꞉nen teskarihwástha ne tsi nahó꞉ten ne ioté꞉ken?”

Nehemiah 4:8

Káti kwáh ratikwé꞉kon tsi wahonhtenhnikonhrónhni skátne tsi ahontahónne niakonwatsatónhti Jerusalem tánon tahonhnithonhniáte.

Nehemiah 6:15

Káti wísk-niwásen tekeni niwenhniserake nasón꞉ta iahón꞉tesa, nene tewásen-wísk siwenhniserakehaton ne Elul siwenhnitarakwe.

Psalms 71:10

Né iónkshons akwékon karihwaʼhetkénsera í꞉ken tsi nihontʼtharáhkwen, tánon tsi nihonskáneks nahionkenonhwaʼrhiákon.

Ecclesiastes 3:3

tsi nienkáhewe nahionthatenonhwarhiákon tánon tsi nienkáhewe nahonsahionthatetiénthe, tsi nienkáhewe nakariwénhthonke ne kanahtowánens tánon tsi nienkáhewe nahonsakakwahtakwénhke.

Isaiah 55:4

Satʼkátho, rahónha rihiónhni nahariwaníraʼte nonkwé꞉ne, asakohénthense tánon ahontasakoniarotárohke nonkweʼshónhas.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Daniel 8:11

Kwáh ó꞉ni wahonenhró꞉thaʼse ne thentiohkwakweʼní꞉io ne karonhiá꞉ke né ne Rawenni꞉io, waʼthátaste naterennaientátsera ó꞉ni tsi konwatiaʼtatsaʼáhtha ne katshé꞉nen né ronwatienʼkwaronniaténnihskwe né Rawenni꞉io, ne niaʼtewenhniserá꞉ke, ó꞉ni kwáh eʼtho tsi naʼhentáksahte ne tsi ionterennaientáhkhwa.

Daniel 8:25

Ne tsi nihatsítsho, raweienáksen kwáh ki enhoterihwahténtiaʼse. Enhatatonníheke ó꞉ni iakotiohkowá꞉nen enshakoʼwéntho ne kwáh iáh oʼthé꞉nen thaontontró꞉ri. Kwáh ó꞉ni enhonenhróthase ne kwáh thaʼshátste ronnontí꞉io, né ne Rawenni꞉io. Rawenni꞉io kiʼ ne enhóhtonte né ne kwáh iaʼtenhoiáʼtihste.

Daniel 9:23

Shontahsatáhsawen, watshaniténhten ne Rawenni꞉io, waʼthiarihwaʼserákwaʼse. Ianorónhkhwa ne Rawenni꞉io, né kátiʼ aorì꞉wa kénʼen nontá꞉ke naʼontakonhroriá꞉na nahò꞉ten kénton. Kwáh satahónhsatat tsi nenkeʼnikonhraiéntahte natetshénhsera.

Micah 5:1

Ó꞉nen shewanitsiokwahró꞉rok í꞉se ne sewaterí꞉ios; tekanenríhson nahontaionkhiiatsatón꞉ti; kániah wahonwaʼiente ne rarihwéntha Nisraeró꞉nonke ranó꞉kwahke nón꞉we.

Micah 5:2

O ní꞉se, O Bethlehem ne Ephrathah, í꞉se ne kwáh kenk nitesewentará꞉sas ne Judah, tionhà꞉ke nón꞉we nenthaiá꞉kenhne éntre akonhá꞉ke rahónha enhatkóraste Israeronónke, ne tsi tahawatsirathátie né꞉ne owatsiratsthénha, né꞉ne wahón꞉nise tkénne.

Matthew 13:23

Kenh tanon kaien ne tsi tionȣentsiio ieiokerontaon? neneh roton, ne rotaonsate nʼOȣenna, ronikonraientas, ȣatonnisahas, ȣateiarons oni, otiake enskat teȣenniaȣe, otiake iaiak niȣaȣsen, oni nasen niȣasen.

Matthew 24:15

Ne kati nonen enseȣatkatho ne kariȣaiesatatsera neneh iakohnikonraksatakȣa, tsiniiot tsi rotrori ne Rotokensehakȣe Daniel, enkariȣataton nʼonaktato-kentike, (ratennikonraren onka roȣennanotha netho Rotokense.)

St. Mark 13:14

Neh kati nonen enseȣatkatto Kariȣaiesasera iakokaronniatta eh naioton tsiniiot tsi rotrori ne Rotokensehakȣe Daniel eh nonȣe nakakȣatakȣen tsinonȣe iah teionakte (ratennikonraren onka roȣennanotta ne kenh Rotokense); ethone ne Judé nonȣe niienakere Onontoharake enhiontekȣassen.

John 1:41

Raonha oni tahatierente iahoken ne iatatekenha Simon, ȣahaȣenhase: ȣasakeniken nii ne Keristos.

John 4:25

Tontakenron ne tsiothonȣisen: ȣakaterientare kineneh tsi entre nonkȣe Sesakoskontakohe (Ronȣanatonkȣa Keristos) nekati nonen enhraȣe neh ensonkȣarori oriȣakȣekon.

Acts 3:15

Í꞉se sewarihonníʼon tsi warénheie ne tsi nikáien thesakówis natónnhets, nók Rawení꞉io sohkétskwen ne kenheʼiátʼne—tánon í꞉i iakwariwanírats kí꞉ken.

Acts 5:31

Rawení꞉io tsi raweientethákwen nieshoiaténha sonsahokhétsko ne tsi rahónha Ranenrakweʼniʼio ó꞉ni Sakohiatákwas, neh nahontasakáwen nonkwesónhas ne Israeronónke natesénʼna nahonsahiontatréwaʼte tánon nahonsakanikonrén꞉en nakoriwanerahákʼtseras.

Acts 8:30

Philip ákta niaháre tánon wahothóntheʼne tsi nihowenʼnanothátie ne rothókense Isaiah tsi nihohiathón꞉nions. Wahoriwanónthonʼse, “Sanikonraiéntas kén tsi nahóten sawennanothátie?”

Ephesians 5:16

Kwáh ioʼianeréhak tsi ísewats natesénʼna tsi nensewaiéntaʼne, Asèken kíʼ nónwa wenʼniserathénions kwáh kariwáhneren.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”