Daniel 9:24 - Ohiatonhseratokénti

²⁴ “Tsá꞉ta niiorì꞉wake ne tsá꞉ta niwáhsen niiohserá꞉ke nikarí꞉wes ne Rawenni꞉io roteʼnienténhston ensehshakohnerénhsi ne sonkweʼtaʼshón꞉ʼa tánon ne sanatatokénhti tsi nihotirihwané꞉ren tánon tsi nihonnonkweʼtahétken. Enskaʼnikonrhén꞉en ne karihwané꞉ren tánon enskakwatákwen ne karihwakwarihshóntshera tsi nén꞉we, eʼtho naontá꞉we ne atetshénhsera tánon ne iekarí꞉waken né naiá꞉wenʼne, ó꞉ni ne ononhsatokenhtiʼkó꞉wa enskarihwatokénhston.

Daniel 9:24 ပူးပေါင်းရင်းမြစ်များ

2 Chronicles 29:24

Ethóhʼne kíʼ ne ratitsihénstatsis wahonwatinonhwariakónhnion ne kaiatákeras tánon tahatinekwenhsáweron ne ietsienharáhkwahke nahontsahatónhake né naé꞉ren ahonsakahawí꞉tonhke akwé꞉kon nonhkweshón꞉as akorihwanerahákʼtsheras, asèken ronnontí꞉io kíʼ et nihorihwí꞉son nètho watéskonhte ó꞉ni ne karihwanerahátk꞉tsheras iahieʼtate né kíʼ ne Israerʼró꞉nons raotirihwáke.

Psalms 2:6

“Ríh꞉teron nakenontí꞉io ne Zion nón꞉we, né nakenonthatokentíke nón꞉we.”

Psalms 45:7

sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.

Isaiah 42:4

Kwáh iáh thaʼhontahoserónhnenhte iáh ó꞉ni tahanikonrók꞉ten tsi nió꞉re enhá꞉ien ne kaiáneren tsi ionwenhtsáte; tánon ne tsi kawenó꞉tons iotirá꞉re ne raorihonhnienhnítshera.

Isaiah 51:6

Satarakétsko tsi karonhiáte niashatiérat, tánon iasatʼkátho nákon ne tsi ionwenhtsáte; asèken ne tsi karonhiáte enwatóhetste tsi ní꞉ioht noienkwáhra, ne tsi ionwenhtsáte enwakáhionhne tsi ní꞉ioht natserón꞉nia, tánon tsi niʼiá꞉kon né nón꞉we niʼienákere kwáh kí enhiaʼiéheie tsi ní꞉ioht ne kén nikatsinonwásas; ók naʼkatanithenrá꞉tshera kwáh kí nenhnéʼe tsi nénhwe enkénhake, tánon naʼkatesenhniéntshera kwáh iáh nonwénton tsiahontókten.

Isaiah 51:8

Asèken ne kokhó꞉wa kwáh thóh ní꞉ioht tsi eniakowáraʼke tsi ní꞉ioht tsi wakwe:niaks, tánon notsinonhwanhé꞉ta kwáh eniakowárake tsi ní꞉ioht tsíwaks nononhwé꞉rhon; ók nakatesenhniéntshera tsi né nénhwe enkénhake, tánon nakatanithenrá꞉tshera tsi wahenenhkwensatátie akowenhkhón꞉we enkénhake.

Isaiah 56:1

Né kí aoríhwa rá꞉ton ne Roiá꞉ner: Sewatsenawastón꞉hak ne kaiá꞉neren, tánon thóh nasewá꞉iere tsi nahó꞉ten né tkarihwaiéri í꞉ken, asèken iostó꞉re énwaʼwe nakáwenk kaiatakeʼnhá꞉tshera, tánon naʼkatesenhniétshera enwenéstonʼke.

Isaiah 61:1

Ne Raoshatsʼténhsera ne Roiá꞉ner Rawenni꞉io onhtiaʼtórenhne, tsioríhwa ne Roiá꞉ner tsi ratiaʼtarákwen; thaʼkateniéton nahontátʼkhawe ne karihwí꞉ios rononhá꞉ke ne ronwatiʼwí꞉shaton, nahonshakhétienhte ne teiakawerhiaʼsaríhon, naʼkerihowanátenh natatewenhniʼiósera rononhá꞉ke ne ratinhó꞉tons, tánon nahonsahonwahtiʼnhotónhko ne ratiʼnhó꞉tons;

Lamentations 4:22

Ne Zion tetioriwaserákwen tsi nihioriwáneren; Ne Roiá꞉ner iáh shékon tahonsahsonkwanakerákwaʼte. Nók ne Edom, ne Roiá꞉ner enhiaréwaʼte; enréneste tsi nisaníkon tsi nisatieránion.

Ezekiel 28:12

“Rónhkwe iaiénha,” wahénron, “satʼtiónhnion tsi nihohiathawénhsehre tsi nikáhrahre ne Ronhnontí꞉io ne Tyre. Tsró꞉ri tsi Í꞉i, ne Wakenonhtí꞉io Watiá꞉ner, kathón꞉hnions: Í꞉se ne iehioterátston tethewahtenienténsthonhne ne iekahiathaiéri. Tsi nióre tsi satenikonhratʼthókhakwe ó꞉ni sonhkwetí꞉ioʼne.

Ezekiel 4:6

Tánon nónenh iatenshóhk꞉ten nètho, shasatiatakarátʼtho ne nónhwa ne sehsenekwáhti nohkwáhti tánon ne nónhwa sasharonhiákent ne Judahró꞉nons raothinítshera ne꞉ne kaiéri-niwáhsen niwenhnisehráhke—ne꞉ne sewenhnísehra ne tiosehrátʼtions ne raothirewahthátshera nikaríwes.

Leviticus 25:8

Sáset tsáta nihiorihwáke tsáta, norihwakwékon né꞉ne kaiéri-niwáhsen-tióton niʼiosehráke.

Leviticus 8:15

Ne Mahís wahononwarhiákon tánon ostónha iaháhaʼwe nonekwénhsa, tánon rasnonsáke wárasʼthe tsi wahanekwenhsarósehron ne tsi ioshón꞉tons ne tsi tekahiosakérons ne ientsienharákwahke, né nahónton naʼkonwatonhnahéraʼse. Ethòne tsitkáraʼte ne ietsienharákwa iahá꞉weron ne iotenekwenhshathaténron, Thóh kíʼ ní꞉ioht tsi wahatonhnahéraʼse tánon tsi wahanohárethe.

Zechariah 4:14

Ethò꞉ne wahèn꞉ron, “Ne kí꞉ken ne tehnihiá꞉se tsi niká꞉ien ne Rawenni꞉io shakohiatahrákwen tánon ne tahonwahriwasniéhse, raónha ne Roiá꞉ner rashá꞉rine nowenhtsiakwé꞉kon.”

Numbers 14:34

Kwáh kíʼ ensewaronhiáken tsi nienhiawénhne ne sewarihwaneraháktsheras enkarihónhni né꞉ne kaiéri-nihioserásen nikaríhwes, né꞉ne tsiósera ne sewenhnísera nikarihwesónhne tsi iahisewatonhontsiátʼkenhse. Kwáh kíʼ ensewateriénhtarane tsi nikéntons ní꞉i nenhkwatkónten!

Matthew 1:21

Nok roskenraketa enkenhake nenhioȣiraientane; Iesos enhtsenatonkȣe: Asekenraonha sariȣatontane ne kariȣaneren.

Matthew 11:13

Aseken ne Thotitokenseakȣe oni ne kaiatonseratokenti ok iarennakerate tehonȣarensaronnions.

Matthew 4:5

Ethone notkon onatatokentike niiahoiatenhaȣe, nok ononsatokenti kanonsakenhiate iahostskȣaren.

St. Mark 1:24

Sahenron: Ah! Iesos Nasaretronon toh natetiattihen? neh kenh taseniente naskȣatonte? ȣakaterientase onka nise: Ise ne Niio Iaienha.

Luke 1:35

Nok ne Raronhiakeronon tontahaȣennaȣeron ȣahenron: Rotkon Roiatatokenti enhiaiatorenne, nok nʼEnekentsi nahosastensera onsarakȣaȣerhoste; ne se ȣaonni oȣiratokenti ki nensaȣiraientane, enhonȣanatonkȣake Niio Roienha.

Luke 21:22

Aseken onen nehne kareȣatatsera enȣenniserontakȣen; noriȣakȣekon akanane tsini kaiaton.

John 1:41

Raonha oni tahatierente iahoken ne iatatekenha Simon, ȣahaȣenhase: ȣasakeniken nii ne Keristos.

John 3:34

Aseken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.

Acts 3:14

Rohiatathokentíʼne ó꞉ni thoʼriwaiérikwe, nók í꞉se watsisewakénron, ók tánon okhèkenk watsisewariwanóntonse ne Pilate nahontatsisewanikonraʼienríte ne sótʼkaf ne shooteriwatewáton.

Acts 3:22

Asèken Mahís ráwen, ‘Ne Roiá꞉ner Ianí꞉io enthoténiehte ne rotokénhse tsi ní꞉i ní꞉ioht ne kwáh ne sehsewahià꞉ta, tánon kíʼ kwáh entsisewawénhnaraʼkwe.

Acts 4:26

Ne Rontinontí꞉ios ne tsi ionwentsiáte wahontateweienéntaʼne, tánon ne ratikoráhsons skátʼke wahthontátʼken nahontateweienéntaʼne nahonwatkónten ne Roiá꞉ner Rawení꞉io tánon ne Kerístos.’

Romans 5:10

Tsi tewásonskwe ne Rawenni꞉io, nók washontiónʼnien ne raónha nonkwatéro ahitewáton thoʼnahontáwe ne tsi raweheión꞉ne ne Roiénha. Nónwa neh tsi ónen Rawenni꞉io onkwaténro ionkwatónʼon, tohsékon níkon entionkinónstate ne Kerístos rahothónʼnhets akarihón꞉ni!

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

Philippians 3:9

ó꞉ni nahonkateriéntarake tsiʼiakenikwékon. Kwá iáh tahónton nakathatónʼnien ne Rawenni꞉io nahatiéna ne neh áksere ne Mahís rahohianerénsera. Kwá nek khók aʼoríwa ne Rawenni꞉io wahatiéna ne tsi thiʼiethákwen ne Kerístos.

Colossians 1:20

Rahonhá꞉ke ne Roiénha, káti non, ne Rawenni꞉io iathoriwahiéntase orihwakwé꞉kon ahonsahariwaseronhni ne rahónha raorihwà꞉ke. Kaiá꞉sake raonekwénsake ne Roiénha non skén꞉non wahrón꞉ni ne Rawenni꞉io, tánon káti orihwakwé꞉kon rahonhà꞉ke nón꞉we nathontáwe, kenikwé꞉kon nonwentsiá꞉ke oni ne tsi karonhiá꞉te.

Colossians 2:14

saharáh꞉kewe tsi nihionkwasennatʼsáthakwe ne hionkwatʼkarotákwe tsi nihkanerenstónhne ne kaianerénhseras tánon kwáh aʼhé꞉ren wahahá꞉wite tsi niahanonwahró꞉ten ne kaiásake.

Hebrews 10:14

Né énskak karonhiakénshera, nekáti, rahonniáton ne tósa thé꞉nen ahiakohnhitsheraiéntake tsi nihiákon tiakotonʼnakanón꞉ni tsi nòkwa ne karihwáhneren.

Hebrews 2:17

Ne kí꞉ken kéntons kwáh thóh nen ronnoténhne tsi ní꞉ioht ne rahonkwatasónha, ne nahónton nahoriwahtokénhake ó꞉ni nahotanitenrátskon tsi ratsihentowáhnen íken tsi nihoʼiótense ne Rawenni꞉io, nekáti nonkwesónhas nahonsahiontatenikónrense nakorihwahnerahákʼtshera.

Hebrews 7:26

Ié꞉sos, káti, ne ratsihenstowáhnen né teshonkwáhwis tsi naʼteionkwahtonwenhtió꞉ni. Rohiatatokénti; iáh tahóten tatehaterientawénhries iáh ó꞉ni tekénteron ne kariwáhneren ne rahonháke; tehonwahkháshion tsi nòkwah ne rotiriwáhnerens tánon ronwahiatakaratáton è꞉neken tsi karonhiátes.

Hebrews 9:26

asè꞉ken ónenk tsi wéso iorihwáhke ahonsahoronhiakénʼen tsi náhe tiotonhontsí꞉shon. Khèʼkhok, nónwah ónen norihwakwékon ákta íweh ne tsi iehiótokʼte, énskak khók iehototáshion, nahonsaharáhkeʼwe ne kariwáhneren ehnahóntawe tsi rahonhatsí꞉wah roronhiakén꞉en.

2 Tiér 1:1

Simon Tiér nón kíʼ nitiothawiton, rohiótense ó꞉ni roteriwanotáni ne Ié꞉sos Kerístos— Tsi niháti ne thonʼwanáwi né teskaieróntare ne iorihowánen tewetákwen sateionkwahrihwáhke ne tsi nitóhrihwaiéri ne Rawenni꞉io tánon ne Sonkwaiatákwas Ié꞉sos Kerístos.

1 Sawátis 3:8

Ónka ieniontasónteren naieriwánerake ranesonrónon rahonkwéta, asèken ne ranesonrónon kwá tsitiotásawe thoriwáneren. Ne neh kwá ne aoriwáke tsi tawénon ne Rawenni꞉io Roiénha, ne nahariwáthonte tsi nihoiéren ne ranesonrónon.

Revelation 14:6

Eʼthò꞉ne ó꞉ia wahí꞉ken raronhiakeró꞉non rátie shatekaronhí꞉ien, ne rahá꞉we ne tsi nén꞉we kariwí꞉io ne nahonwatiró꞉ri tsi nihiá꞉kon ne iakónnhe ne tsi ionhontsá꞉te—kwáh tsi niateienekwenhsá꞉ke ó꞉ni ne kentióhkwas ó꞉ni nakoronkhátsera ó꞉ni nonkwehó꞉kon.

Revelation 3:7

“Tánon raonhà꞉ke ne raronhiakeró꞉non ne tsi ionterenhnaientáhkwa ne Philadelphia shiá꞉ton: Ne kí꞉ken ne raowenhnaó꞉kons ne Roiatatokénhti í꞉ken, ne ne orihwiioʼón꞉kwe í꞉ken, raónha rahá꞉we ne raonontónhkwa ne Táwit, raónha ranontónhkwas tánon iáh ónhka taiekwé꞉ni nahonsaienhó꞉ton, raónha ranhó꞉tons tánon iáh ónhka taiekwé꞉ni nahonsaienhotón꞉ko: