Daniel 9:22 - Ohiatonhseratokénti

²² Wahaʼnikonhraiéntaste, “Daniel, kénʼen nontá꞉ke nakonsniénon naesaʼnikonhraién꞉taʼne tsi neniawénhseron.

Daniel 9:22 ပူးပေါင်းရင်းမြစ်များ

Daniel 10:11

Ne raronhiaʼkehró꞉non wahakénhase, “Daniel, ianorónkhwa ne Rawenni꞉io, téstaʼn tánon kwáh ákta tsi satahónhsatat tsi nahò꞉ten enkí꞉ron. Sonhà꞉ke taionkató꞉ri.” Ne né shahèn꞉ron, tonsáktaʼne shé꞉kon niwatiaʼtishónhkwa.

Daniel 10:12

Eʼthó꞉ne sahén꞉ron, “Daniel, tóhsaʼ sáhteron. Ne Rawenni꞉io wahothón꞉teʼne ne saterénnaienʼt kwáh shontontenhniseratiérenhte ne shiaʼtesarihwaién꞉taʼse ne ehtà꞉ke wahsatatón꞉ni eʼtho naontáwe aesaʼnikonhraién꞉taʼne. Né tákhawe ne tekarihwaʼserákwen ne saterénnaienʼt.

Daniel 10:14

Tá꞉ke nakonʼnikonhraientáhten tsi nenhotiiá꞉tawen ne sonkweʼtaʼshón꞉ʼa ne tsi nienhénwe. Ki atetshénhsera né ne watró꞉ris tsi nahoténshon tá꞉we.”

Daniel 7:16

Raiaʼtákta niahá꞉ke tsi niká꞉ien ne eʼtho rátahkwe tánon wahiriʼwanóntonhse kwáh akwé꞉kon ahakeʼnikonhraientáhten. Kí wahakró꞉ri tsi nikéntonhs.

Daniel 8:16

Onkahonhsón꞉kohte thónatónnionhs í꞉se nakaniatará꞉ti ne Ulai nón nontá꞉we, “Kabriér tieʼnikonhraientáhten ne Daniel tsi nahò꞉ten kéntonhs tsi nahò꞉ten rotkáhthon.”

Amos 3:7

Oriwiioʼón꞉we ne Roiá꞉ner tsi iáh oh thé꞉nen thahá꞉iere, ne iáh ohén꞉ton thahshakorihotahshienní꞉re ne karihwahséhton ne raonkweʼtaʼshón꞉ʼahs rotitokénhse.

Zechariah 1:14

tánon ne raronhiakeró꞉nonh wahakró꞉ri nakerihowahnáhte tsi nahó꞉ten ne Roiá꞉ner Roshatstenhserowá꞉nen ráhwenh: “shaiéntak ne tehionhó꞉tens kanoronkwátshera tánon teshehiateriéntaren ne Jerusalem, nakenathatokénti,

Zechariah 1:9

Wahirihwanón꞉tonhse, “Sienshón, ki koshá꞉tens nahò꞉ten konthítons?” Wahtharihwaʼsehrá꞉ko, “Enkonnhatónhase nahò꞉ten konthí꞉tons.

Revelation 4:1

Onakénhke kíʼ wakatkáto, tánon tho karonhiá꞉ke watewatenonhón꞉ti! Tánon ne tontié꞉renhte nowén꞉na, tsi ne né꞉tho onkathón꞉teʼne wakʼthará꞉ni kwáh né꞉ne ieonrawátstha, wá꞉ton, “Kén꞉en taserákthen, tánon í꞉i enkonhnatónhase tsi nahó꞉ten ó꞉nenk tsi thóh nenhiá꞉wenhne nonakénhke kí꞉ken.”