Daniel 9:21 - Ohiatonhseratokénti

²¹ Tsi nikarí꞉wes wakaterénnaien, ne Kabriér, tsi niká꞉ien rí꞉ken ne tiotierénhton tewakatetshén꞉en, tontahatá꞉senhte tsi nón꞉we níkeskwe. Eʼtho shikahá꞉wi tsi nihotirenhaʼón꞉ne ne oʼkarahsnéha katshé꞉nen enkonwatsiaʼtátshaʼahte.

Daniel 9:21 ပူးပေါင်းရင်းမြစ်များ

1 Kings 18:29

Iahonthashón꞉theren kanakwahtserákon tánon tsiatehotihenré꞉tha tsi nióre né satewenhniseríhen ne shiʼhiothohetsthonʼnénhtse; ók iáh kíʼ othènen thaʼtekarihwaserakwenhátse, iáh thaʼhóthen tehonatʼthonthéhon.

1 Kings 18:36

Tánon tsi niakahé꞉we tsi nihioterihwíson, ne Elijah né rothó꞉kenhse íken ákta niaháre ne ietseharákwahke tánon wahaterénhnaien, “O Saiá꞉ner, tsheNí꞉io ne Abraham, Isaac, tánon ne Jacob, ónen kíʼ serihwanírat tsi í꞉se Shé꞉wenhnní꞉io Nisraerʼró꞉nonke tánon í꞉i ne sanhátsera íken tánon akwékon kí꞉ken thóh nátiere tsi nisarihwatháton.

Psalms 103:20

Tetsisewaʼnonweráton ne Roiá꞉ner, Ó í꞉se ne sewaʼronhiakeró꞉nons, í꞉se ne sewáʼsháststes ne sewaʼtewenhnarákwah tsi nihorihwaʼtáton, nisewaʼtahónsate tsi nahoténhsons ratónhnions.

Psalms 104:4

Né tsi iahó꞉te né iesarihwaʼkareniénhni, tánon tsi tekenthonkwaríkʼkons ó꞉ni tsi tewahninekarawáhnions nene sahnhatseraókons.

Psalms 141:2

Satóntat tséna nakaterénhnaient né shón꞉niat tsi ní꞉ioht ne wenhnekerákon wakahtsienkwahronniatákwen ne sahénton, tánon ó꞉ni ashé꞉na tsi niwakanenhtsaʼkaratáton tsi niwakaterénhnaien tsi ní꞉ioht tsi tsénas nokarasné꞉ha iontsienkwahronhniáta ne sahénton.

Exodus 29:39

Tsi enietʼtsiiateskónhten ne teiotinakaronhtónʼa tenítsinn saiáta noronhkène tánon saiáata nokarasnéha.

Isaiah 6:2

Seraphs é꞉neken tsi renskwáhere thóh ratíties, né satiʼhiatátʼtshons iáʼiak natehatinerahontʼtshóntons: tèkeni ne raotinerahóntsas né iororótʼtons ne ratikonsáke, tánon nó꞉ia tekanerahontsákes ronhsí꞉takes né iororókston, tánon nóia tekanerahontsákes né꞉ne rónstha tsi tenhatíten.

Ezekiel 1:11

Ne rathikonhshá꞉kes, ne rahothinerahóntʼtias, ne shatihiatátʼtions ne ronhnonhnhéʼnion tekenitehatinerahontʼtióntons, ne skátʼtions iekaniháras ne ó꞉ia tanerahóntʼtionte, ók nó꞉ia tekanerahontʼtsákes ne꞉ne karohrókstha ne ratihiatákes.

Ezekiel 1:14

Tánon ne ronhnonhnhénion wahatiʼtiéson, kwáh ètho niʼiohsháststes tsi ní꞉ioht ne tahonhninékaraʼwe.

Ezekiel 14:14

Iehióhe thí꞉ken áhsen niháti ronhnónhkwe Noah, Danel, ó꞉ni ne Job ne thóh ahonnhésehke, ne raothiriwahkwahrihshióntshera iáh ónhka tahiakoniáhkenhte, ráton ne Roiá꞉ner Ní꞉io.

Daniel 10:10

Ónhkaʼk kahtsaʼnà꞉ke iaontié꞉na tánon tonsaionkentshó꞉ten; shé꞉kon niwatiaʼtishónhkwa.

Daniel 10:16

Eʼthó꞉ne ne raronhiaʼkehró꞉non, ne teskaieróntare nón꞉kwe, tontaháhtsatate iahaié꞉na ne tsikshaká꞉ronte. Wahiiénhase, “Sénhshie, ki atetshénhsera kwáh í꞉ken tsi waktsiʼiohátha tánon iáh tewahtkàwahs tsi watiaʼtiʼshónhkwa.

Daniel 10:18

Shé꞉kon énska ionsaká꞉ienhte ionsahatié꞉na, ó꞉ni waʼkáttoke sakeʼshátstenʼne.

Daniel 8:16

Onkahonhsón꞉kohte thónatónnionhs í꞉se nakaniatará꞉ti ne Ulai nón nontá꞉we, “Kabriér tieʼnikonhraientáhten ne Daniel tsi nahò꞉ten kéntonhs tsi nahò꞉ten rotkáhthon.”

Daniel 8:18

Tsi nikarí꞉wes ró꞉thare, waʼtiaʼtié꞉nenʼne kwáh iewakenikonratónton. Nok iahatié꞉na, tánon tonsaháktahste,

Matthew 27:46

Ne nahoten tioten siioȣistahe ȣathohenrete ne Iesos, raton: Eli! Eli! lamma sabachtani? Saton: Niio! Niio! ohniiotieren tsi takateȣenteton.

Luke 1:19

Nok ne Raronhiakeronon Tontahenron: II ne Kabriel rahohenton ne Niio ihkete, nok neh tionkatoriatakȣen ne tahetenitharen, oni nakonrori neh nikariȣiios.

Luke 1:26

Iaiak-aton niȣennitake, onen are ne Raronhiakeronon Kabriel tontahotori ne Niio Galilene Kanatakon ne Nazareth Konȣanatonkȣa.

Acts 10:3

Kákʼnon ne ásen sihiowistahehátse ne iothohétston néntie nónen sahotenesten, kwáh wèh꞉ne tsi wahóken ne Rawení꞉io rahoronhiakerónon tahatáwehiaʼte tánon wahawénhase, “Cornelius!”

Acts 10:9

Nóhia sahiórenne, tsi wahonathaiʼtákene ónen ákta sihónne ne Joppa, Tiér karonkwénake hiaharátʼten káknon ne éntie síkare nahaterénʼnaien.

Acts 12:7

Thontaiawénstsi ne Roiá꞉ner rahoronhiakerónon thóh watáthane, tánon watsioswátʼthene tsi nonnihanóton. Ne raronhiakerónon ranensáke ne Tiér tsi wahothonthóriaʼte, wahoiète, tánon wahénron, “Tesasterí꞉hen! Téstann!” Kwáh óksak noronkwása thonʼsénne ne Tiér ranentsiawítakes.

Acts 3:1

Énskat wenniseráteʼkwe Tiér tánon ne Sán Ononsatokenʼtí꞉ke niahá꞉ne ásen sihiowistáhe ne iothohetsthonʼnéntie, tsi nikaháwi ronterénʼnaiens.

Hebrews 1:14

Nahóten nen꞉ne ne ratironhiakerónons? Né꞉ne rotihiatatokéntis ronwahʼiótense ne Rawenni꞉io tánon rahónwah teshakotóries nashakotisniénon tsi nihiákon neniehiéna ne kaiatakenhátshera.

Hebrews 1:7

Nók tsi nòkwah ne ratironhiakerónons Rawenni꞉io wahénron, “Rawenni꞉io shakowehronniénʼnis ne raoronhiakerónnons, tánon ne raonhatsheraókons iotónkote nohtsí꞉re.”

Revelation 9:17

Tánon thóh kíʼ niní꞉iot tsi wakhé꞉ken ne koshá꞉tens nakeserenhtá꞉kon ne rothisaténtie ne ronátston ne rontentskwenorókta thóh niwahshokó꞉ten tsi ní꞉iot notsí꞉re tánon ne teioterón꞉ronte kanenhianhó꞉ron tánon ne iontenatentástha; ne ratinontsí꞉nes ne koshá꞉tens kwáh né꞉ne kénreks onón꞉tsi, tánon otsí꞉re tánon iontenatentástha takontiʼiá꞉kenhne tsi ratisakarón꞉tes.