Daniel 9:17 - Ohiatonhseratokénti

¹⁷ O Saiá꞉ner Onkwaʼní꞉io, sathóntek nakwaterénnaient tánon tsi konianiténhtase. Sasenonhsahserón꞉ni ne sanonhsatokenhtiʼkó꞉wa, tsi naʼtekahríhton; saskwatá꞉ko ehʼnaontáwe onkwétakwe aiakoterién꞉taráʼne tsi í꞉se ne Ní꞉io.

Daniel 9:17 ပူးပေါင်းရင်းမြစ်များ

1 Kings 8:28

Saiá꞉ner Akení꞉io, Í꞉i ne sanhátsera íken. Satahónsatat nakaterénhnaient, tánon satʼthóntat tsi nikonhrihwanonhtónhnis nónhwa wennhniseráte.

Nehemiah 1:6

Sherí꞉hon ne sahonthá꞉ke nahontenhnikónraren tánon tesatkakwahríhsi, né꞉tho nahón꞉ton ní꞉se ahisatónhtene ne raoterén꞉naient ne sanhá꞉tshera. Né꞉tho nahónton akaterén꞉naien sahénton né꞉ne tsi niwenhní꞉seres tánon tsi niwashón꞉tes, ne raotirihwà꞉ke na ratitsaokón꞉has ne Israerró꞉nonhke né꞉ne sanhá꞉tshera í꞉ken, tánon nakakró꞉ri ne raotirihwaneraháktsheras ne ratitsaokón꞉has Nisraeró꞉nonke ne tsi nihionkwahrihwanéren ne tionhá꞉ke; tetsá꞉ron ní꞉i tánon natwá꞉tsire tsi ionkwahrihwanéren.

Psalms 119:135

Tasahrihwaiérik nakonháke tsioríhwah tsi í꞉se konhióthenhse, tánon takerihónhnien ne saianerénhseras.

Psalms 4:6

Iakotsiokowánen ne iónhton, “Ónhka ahionkhinatónhase ne ioiánere? Sathón꞉tat ne konshá꞉ke ahioieshónhake nontionháke, Ó Saiá꞉ner!”

Psalms 67:1

Aiáwenhs ne Rawenni꞉io aotanitenhratskónhake nontionháke tánon ashonkwahiatatériste tánon ahontahorihwaiérike tsi ashonkwatkátho. Selah

Psalms 67:2

ne ká꞉ti ohontsakwékon ahiakoterienhtárane tsi nisanikonhró꞉ten; ne ká꞉ti nahiakoterienhtáraʼne tsi sashaststenhseráien nasehnónsthate.

Psalms 74:3

Tasatʼtsinakaratátʼton tsi nienhénse ne tsi nateʼkanonwenhskerotáro; ne ionhkhíshons akwékon rotirihwéntʼton ne kanónskon nononsatokentíke.

Psalms 80:1

Satahónsatat, Ó sehnón꞉ne nʼIsraerʼró꞉nons, í꞉se ne waʼtsiasárihne ne Só꞉se tsi ní꞉ioht ne teiotinakaronhtónha! Sítskote ne sanitskwáhrane éhʼneken ne tsi tehanerahontiónhtons ne raronhiakerononʼkówa,

Psalms 80:19

Saskwarihwasehrón꞉nien, O Saiá꞉ner Sashaststenhserowanenhkówa; takwahnatónhas ne sanitenhrétsera, tánon kwáh kíʼ enhionkihiatanónsthaʼte.

Psalms 80:3

Saskwarihwaʼkwahtákwats, Ó Sewenní꞉io; kwáh takwénhtenr tánon takwahiatanónstat.

Psalms 80:4

Thóh shé꞉kon nikaríhwes; Saiá꞉ner Sewenní꞉io Sashaststenhserowánen, kwáh ensenakwáhsehke ne shonkwetaʼshónhas tánon iáh tesatthóntats ne tasehriwasehráko nonkwaterenhnaʼientátsheras?

Psalms 80:7

Saskwahriwasehrón꞉nien, Sasatsʼtenhserowánen Sewenní꞉io; takwahnatónhas ne sanitenhrétsera, tánon kwáh kíʼ enionhkiʼnónsthaʼte!

Isaiah 48:11

Asèken I꞉i akerihwá꞉ke, asèken I꞉i akerihwá꞉ke, ehnéntiere, asèken nontiéren naksénhna tsi akonwasenhnáksaʼte? Naʼtiatanerakwáhtshera kwáh iáh ónka nakó꞉ren tethekheiaʼwí꞉re.

Lamentations 3:56

Tánon neh sakonhianiténten tsi tekasénthos, wesatʼthóntene.

Lamentations 5:18

ne tsi tionónte ne Zion kwáh sakthí꞉ken ó꞉ni thiʼiahonhá꞉a, tánon ne karahkonrónon nʼérhar thonatʼtokwáton ne watkénstons.

Daniel 9:19

Saiá꞉ner, takwathóntek; Saiá꞉ner, saskwaʼnikónrhens. Saiá꞉ner, takwathóntek, ó꞉ni tsi thé꞉nen knátiere! Onhnaiá꞉wenʼne onkweʼtakwé꞉kon aiakotókense tsi í꞉se ne Sawenní꞉io, tóhsaʼ satenʼnískwat! Kí kaná꞉taien tánon ne ienákere í꞉se sáwenk.”

John 16:24

Tsiniiore nonȣa, areko othenon teseȣariȣanonton naksennakon; seȣariȣanonton nok enseȣarane, naeseȣatsennonniatseriiohake.

2 Corinthians 1:20

Kerístos akwé꞉kon “Hen” niehé꞉ken tsi ní꞉kon rohrharátston ne Rawenni꞉io. Ne aorì꞉wa raónha ne Kerístos sonkwahró꞉ris “Eh tho neniá꞉wen.” Nok ní꞉ʼi entewèn꞉ron tho raoiaʼtanehrakwáhtshera ne Rawenni꞉io.

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.