Daniel 9:14 - Ohiatonhseratokénti

¹⁴ Í꞉se, O Saiá꞉ner, onkwá꞉wen Ní꞉io, saweiennentaʼón꞉ne naskwahréwahte, ó꞉ni eʼtho náhsiere, ne tsi tió꞉konte né ne tkarihwaié꞉ri ne thé꞉nen nénhsiere, ók iáh tekwawennaráhkwen.

Daniel 9:14 ပူးပေါင်းရင်းမြစ်များ

2 Chronicles 12:6

Ne ronnontí꞉io ó꞉ni ne sakotihéntenhse wahatirihwanírahte tsi rotirihwanerahákskon, tánon wahonhníron, “Tsi nihatiéra ne Roiá꞉ner tsi tkariwaiérih í꞉ken.”

Ezra 9:15

Ne Roiá꞉ner Rawenni꞉io ne Israerró꞉nonhke, thisarihwaié꞉ri, ók waskwahrí꞉hon nahiatsónhnheke. Iáh kwahrihwaní꞉rats nonhkwáh nítsera ne shonhà꞉ke; iáh othé꞉nen tehionhkwaianerenhserá꞉ien ne sahénton niahiákwe.”

Nehemiah 9:33

Ní꞉se tisaieríhton nakwé꞉kon tsi nahonkwahrá꞉ne, asè꞉ken ní꞉se tsi nashá꞉tiere né꞉ne iorihwató꞉ken tsi ná꞉he thóh nihionkwahtié꞉ren ne karihwahetkénhsera.

Psalms 111:7

Akwékon tsi nihaiéra iorihwaʼtóken tánon tkarihwaʼiéri í꞉ken; akwékon tsi nihotsawénhron enhiekwéni nahontaiakétaʼkwe.

Psalms 116:5

Thorihwaʼiéri séh ne Roiá꞉ner tánon rorihwaʼkwahríshion; nonkwahʼNí꞉io kwáh seh rotanithenráts꞉kon.

Psalms 119:137

Í꞉se ne sarihwakwahríhshion, Ó Saiá꞉ner, tánon tkarihwaiéri í꞉ken ne sahiatorethátsheras.

Psalms 51:14

Seniákent ne tsi kónnhe, Ó Sewenní꞉io tánon takenónstat, tánon kwáh enkheró꞉ri nonkweshón꞉ha tsi nisaiá꞉neren.

Exodus 9:27

Ne ronhnonhtí꞉io iasakoteriwahniéʼten ne Mahís ó꞉ni ne Aaron tánon wahénron, “Kénʼen tsi nihiowisʼtháʼeh wahkeriwàhnerahke; ne Roiá꞉ner thaʼiérits, tánon nakonhkwetashón꞉ʼa ó꞉ni í꞉i tehiakwaterienthawénʼries.

Jeremiah 12:1

“Saiá꞉ner, tó꞉ka tahithiniriwakéna nakeriwahsón꞉a, ensehriwanírathe tsi khaiéri. Shé꞉kon kíʼ ónenhk tsi enkeriwahnónhton tsi nòkwah ne ateriwakwarishióntshera ahoriwahshón꞉a. Nonhtiéren ne rononhkwetaʼhétkens tsi nihotiʼhianerasténnis? Nohtiéren ne rathinikonhrátha tsi ronateriwahthentsiénnis?

Jeremiah 31:28

Tánon kwáh tsi ní꞉ioht tsi wahtsioténʼen tsi tekhehiatákwen, tánon tekhehiaténton, naʼkheshastsʼtenseráhkwen, nakhehiáthonte, tánon nakhetsiokwahrísi, káti enwahtsióten nahonshakhéteron ó꞉ni ne thahonsakʼkhétasʼthe.

Jeremiah 4:17

Tánon tenhathinahthánahke ne Jerusalem tsi ní꞉ioht ne ronnónhkwe rahthinikónhrahre ne kahentháke, tioríhwa ne ahonkwetaʼsónha iáh tehonwahwenhnaʼráhkwen ne Roiá꞉ner. Ne Roiá꞉ner rothatíhon.

Jeremiah 44:27

Asèken kwáh enkonhiatennikonhráhren tsi nenhtkonhawíten ne kakahronhniátshera tánon iáh othènen ne aiohiánerehke. Kwáh ensehwahronhiáken tsi nòkwah ne ateriʼiósehra ó꞉ni nathonkarhiákon tsi nióre ne kwáh sehwahkwékon ensewénheie.

Lamentations 1:5

Ne tehontátsʼwens wahonateriwahténtsiase; rahothishastenserákon non nikonwaiéhnen. Ne Roiá꞉ner wahrónnien nakaroniáken kwáh tsi níkon ioriwáneren; Nakohioʼokónha ronwathiʼhiénen tánon iehonwathiʼiaténha.

Ezekiel 16:43

Tsi shanikonhrénhen tsi nikonhiatiérahse ne tsi thishahiónha, tánon né waskenahkónhniathe tsi nahorihoténsons tsi nahshatieráhnion. Né aoríhwa wahkonhiónnien akwékon ahonsaskárhiake. Onhniʼiohtʼtiéren tsi iaháseste ne kentétshera kanahkwahieshátshera nohiásons nikarihoténsons ne ioteriwahtehashón꞉as tsi nishatieráhnion?” Ne Ronhnontí꞉io Roiá꞉ner wahatáti.

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 9:7

Í꞉se Saiá꞉ner ne kaiá꞉neren, ók nonkwatiaʼkéshon tió꞉konte ne ionkwaró꞉ron ne iáh teiotkwéniens. Ne ki ne kwáh eʼtho ní꞉ioht tsi niiátion ne Judah tánon ne Jerusalem nón꞉we niiakwanákere tánon ratikwé꞉kon ne Israerʼró꞉nons tsi niká꞉ien ne aktéshon nón꞉we tionhontsaké꞉rons iaʼtehsheiareniá꞉ton, aktatiéʼshón꞉ʼa ó꞉ni ahinónhshons niió꞉re, ne tsi iáh tehotirihwatokén꞉ne ne sonhá꞉ke.