Daniel 8:5 - Ohiatonhseratokénti

⁵ Tsi náhe kanonhtonniónkwahskwe, ohnahó꞉ten ki kéntonhs, kaiaʼtákerahs rátsinn tsi iaʼtewatshénthos nokwá nontahatáʼkhe, eʼtho niió꞉re tsi ioʼsháste tsi í꞉re akwé꞉kon iáh thiesharátaʼs nonhontsà꞉ke. Énska ionaʼkaraké꞉tote tsi naʼtehatkahrátere.

Daniel 8:5 ပူးပေါင်းရင်းမြစ်များ

Daniel 11:3

“Eʼthó꞉ne ne kwáh thoʼshatstenhserowá꞉nen ronnontí꞉io enhatotáhsi. Ionhontsowá꞉nen tsi nón꞉we nenhaiatakweʼniió꞉hake tánon tsi nenthaská꞉neke eʼtho nenhá꞉iere.

Daniel 2:32

Tsi ionontsistóhare né ionnià꞉ton ne kwáh kahwistanoronʼtsherí꞉io; né wentskweʼnà꞉ke tánon né kanentshaʼkéhshon kahwistarà꞉ken nenʼ né꞉e ionnià꞉ton; né kaiaʼkarà꞉ke tánon né kahíʼiá꞉ke ne nen né꞉e ne otsí꞉nekwahr karístatsi ionnià꞉ton,

Daniel 2:39

Né ne ó꞉nen iáh thaonsesaterihóntake, thiháte né rakó꞉ra tenshá꞉taʼne ók iáh nenʼné꞉e eʼtho tehoʼshatsténhsera tsi ní꞉se ní꞉ioht, tánon né nón꞉ne shá꞉ka ne ahsénhaton rakó꞉ra, né ne otsí꞉nekwahr karístatsi enkénhake ne rakó꞉ra, tánon raónha onhwentsakwé꞉kon enhaiatakwení꞉ioke.

Daniel 7:6

Tsi nikarí꞉wes wakateró꞉ron, ktikarió꞉tate saiokétohte. Ne nenʼné꞉ʼe teshiatié꞉ren ne takoʼskó꞉wa ne iorahkwarónnion, nok ki ne rahshón꞉ne kaié꞉ri naʼtehanerahóntshonte, tsi ní꞉ioht notsiʼtén꞉ʼa tekanerahónstate, tánon ó꞉ni kaié꞉ri nihonontsístonte kwáh eʼtho nihaiaʼtó꞉ten ne ahoʼshatstenhseraiéntake.

Daniel 8:21

Ne kaiaʼtákerahs né ne iakotatiá꞉se né Greece raotikó꞉ra, tánon ne teiotokénhton nénska kowá꞉nen tehonà꞉karonte tsi naʼtehatkahrátere né ne tiotierénhton ronnontí꞉io.

Daniel 8:6

Tsi í꞉treʼs ne teiotinaʼkarontón꞉ʼa rátsinn iaʼthatókenhte tsi niká꞉ien ne rí꞉ken atsaktákta í꞉reskwe, nok kwáh tsi nihoʼshatsténhsera iaʼthoráhtate.

Daniel 8:8

Ne kaiaʼtákerahs ó꞉nen sénha waʼhatatkówanahte, ók nó꞉nen né kwáh shihaʼsháste waʼthotenaʼkáriaʼkse. Né tonsaioʼnaktáhkwen kí kaié꞉ri ní꞉kon á꞉se tonsahonaʼkarón꞉taʼne, kenʼk nenʼ né ne thieiotieraʼtá꞉nion.