Daniel 8:4 - Ohiatonhseratokénti

⁴ Wahiiateró꞉roke thi teiotinaʼkarontón꞉ʼa rátsinn ratenaʼkaraienhtaniónʼne tsik nonwéshon niahá꞉re tsi iaʼtewatshéntos, tánon othorè꞉ke, ó꞉ni entiéʼne niahá꞉re. Kwáh iáh thaʼkatsiʼnonió꞉ten thakakwé꞉ni né tahonwátahste, tóka ó꞉ni né aonsaieʼniá꞉kenʼne tsi nokwá ne raoʼshatsténshera. Eh nenhá꞉iere tsi nenthaskáneke né raweriá꞉ne tánon kwáh í꞉ken tsi rotatkowanáhton.

Daniel 8:4 ပူးပေါင်းရင်းမြစ်များ

1 Kings 22:11

Saiáta, né꞉ne Zedekiah né꞉ne roʼníha ne Chenaanah, rotenakaríson karístatsi nahó꞉ten rótston tánon wahawénhase ne Ahab, “Kén nahó꞉ten ne Roiá꞉ner ráton: ‘Né kí꞉ken énsatsʼte nahisewaterí꞉io ne Syriaró꞉nons tánon kwáh í꞉ken tsi ensheʼsénhni.’”

Job Tánon ne Raoronhiakensera 10:7

ethosà꞉ne saterièn꞉tare né꞉tho tsi iaothén꞉non tewakení꞉kon, tánon iáh ónhka nahonsahiontsiathotaríhsi ne shatsaʼnà꞉ke

Psalms 44:5

tánon né꞉ne sashaststénhsera waʼhotiʼsénhnieʼte ne ionkhíshons.

Psalms 50:22

“Sateniéntenst kí꞉ken, eʼthóhne, ní꞉se ne tsisewaʼhiatanikonhrénhʼen ne Rawenni꞉io, tánon kwáh enkwahiataratiónko, tánon iáh ónhka nahonsaiesaniákente.

Psalms 7:2

tó꞉ka iáh kwáh kí tsi ní꞉ioht ne kénreks kwáh enhiontiatarahtiónko; tánon iáh ónhka taiekwéni nahonsahiontiatáko.

Ezekiel 34:21

Ákta iahitshìreʼke ne iotinonhwáktanis tánon wahetsinonhwáhrehke nahéren akonhné꞉the tsi nónhwe nikónhnes nonahtsáke katshénenhs.

Daniel 11:16

Ne Syrian ronnontí꞉io ne ranenhréntha eʼtho nenshakoié꞉raʼse kwáh tsi nenthanón꞉weʼne, kwáh iáh ónhka thahonwaióʼtatshe. Eʼtho nón꞉we nenhatená꞉taien tsi nón꞉we ne kwáh tiohontsáhskats tsi ne ronwanarharatstén꞉ni, tánon kwáh iaʼtehaiá꞉ti ó꞉ni tsi enhaiaʼtakwení꞉ioke raoʼshatstenhserà꞉kon nón꞉we neniotaténronke.

Daniel 11:36

“Ne Syria ronnontí꞉io kwáh tsi nenthanón꞉weʼne eʼtho nenhá꞉iere. Tenhataterénhsaron tsi sénha raónha tehotenonhianíhton tsi ní꞉ioht ne akó꞉ren ní꞉io tánon sénha í꞉rehre raónha è꞉neken thótte tsi ní꞉ioht ne kwáh thaʼsátste Rawenni꞉io. Enhoterihwahténtiaʼse eʼtho neniohtonhátie tsi niió꞉re ienkáhewe ne Rawenni꞉io enhohréwahte. Ne Rawenni꞉io kwáh orihwiioʼón꞉we eʼtho nenhá꞉iere tsi nihoteʼnikonhrón꞉ni.

Daniel 5:19

Eʼtho niió꞉re tsi ronkweʼtowanén꞉nen kwáh tsi niaʼteiakaonhwentsià꞉ke nón꞉kwe, tánon tsi niaʼtehatinekwénhsake ó꞉ni tsi naiewennoʼténhake kwáh ronwatshániskwe ó꞉ni rotiiaʼtontawè꞉ton. Enhshakononwariákon tsik ónhka nénrehre nashakóhtonʼte. Enshakonónhstate tsi nenthanón꞉weʼne. Enshakokwénienste tókaʼ ó꞉ni enshakotéhaʼte tsi nénrehre.

Daniel 5:30

Kwáh né shaoʼkaráhtshera ne Belshazzar, ronnontí꞉io ne Babylonia, wahonwáhsehte;

Daniel 7:5

Ne tekeníhaton karioʼtowá꞉nen ohkwá꞉ri neʼ teshiatié꞉ren ne nó꞉nen í꞉rate. Tsi naʼtehanawirátere áhsen nikanaʼáhtake ioienawá꞉kon, tánon iaʼkonwatewennóntienʼse, “Wà꞉s, seʼwà꞉rak kwáh tsi ní꞉kon enhskwé꞉ni.”

Daniel 8:7

Wahiiaterò꞉roke iahotiaʼtón꞉ti thi teiotinaʼkarontón꞉ʼa rátsinn. Eʼtho niió꞉re tsi ronakhwén꞉en né iaʼthoiaʼtóiaʼke tánon tetsá꞉ron waʼthonaʼkarà꞉riʼse. Né teiotinaʼtkarontón꞉ʼa rátsinn iáh thiaʼtekaié꞉ri tsi nihaʼsátsteʼkwe ne aontahotatennhè꞉on. Waʼthaonhontsó꞉ienʼte ó꞉ni wahoratatiéhshon, tánon iáh ónhka teiotetshénrion naontahonwannhè꞉on.

Micah 5:8

Tánon ne ronhnonhontsakeró꞉nons niatehonataténron ne Jacob, kwáh kí raotinenrí꞉hen enhenterón꞉take, thóh nenhiotónhake tsi ní꞉ioht ne kénreks raotinenrí꞉hen í꞉res ne kontitshé꞉nens ne karakónhas, thóh nenhiotón꞉hake tsi ní꞉ioht ne ken nithoiónha kénreks thóh í꞉res tsi kontì꞉teron ne teiotinaʼkarontón꞉ʼa. Nó꞉nen ienhatáweiaʼte, iathensakonitionkwáhkwe tánon wasakohiataratiónko, né꞉ne iahónka tetkonhwaʼtiné꞉hon.

Deuteronomy 33:17

Ne tewenhniaweheʼtseráhsens niháti ronhterí꞉ios ne tsi ratiʼtá꞉raiens ne Ephraim ó꞉ni ne Manasseh ratikowá꞉nens tánon ratiʼshátstes tsi ní꞉ioht ne tionhnónskwaron rátsinn. Kwáh tsi ní꞉ioht ne karahkónha tehonakáres rahonakáre rátstha tsi tenshakotenakarotsiénthe ne tehontà꞉tsons, káti kwáh tenshakotinakarotsiénthe ne tehontà꞉tsons tánon ienshakotí꞉reke ne tsi iehiontohontsiokʼthaní꞉hon.”