Daniel 8:25 - Ohiatonhseratokénti

²⁵ Ne tsi nihatsítsho, raweienáksen kwáh ki enhoterihwahténtiaʼse. Enhatatonníheke ó꞉ni iakotiohkowá꞉nen enshakoʼwéntho ne kwáh iáh oʼthé꞉nen thaontontró꞉ri. Kwáh ó꞉ni enhonenhróthase ne kwáh thaʼshátste ronnontí꞉io, né ne Rawenni꞉io. Rawenni꞉io kiʼ ne enhóhtonte né ne kwáh iaʼtenhoiáʼtihste.

Daniel 8:25 ပူးပေါင်းရင်းမြစ်များ

Job Tánon ne Raoronhiakensera 34:20

Kenk nikarì꞉wes sók enhonhní꞉heie; nasónhthen nonkweshón꞉as enhotiiati꞉sonkwe tánon enhontó꞉hetste, tánon ne ratiʼshátstes iehonwatiiathénha iáh nónkwe akotiána thóh teioiéren.

Jeremiah 48:26

“Snekáʼtast, tsioríwa tsi wahatatʼkowánasʼthe tsi nòkwah ne Roiá꞉ner; ne káti ne Moab kwáh thóh enhatesehréhson tsi nónhwe nihotstíkonh, tánon rahónʼa ó꞉ni nonhkweshón꞉a tenhonwahiéron.

Lamentations 4:6

Nakonkwetaʼsónha sénha ne ronwathirewáton tsi ní꞉ioht ne Sodom non nihathinákere, neh kéntons kwáh tentsawénstsi ne Rawenni:io tsi tensakotásente.

Daniel 11:12

Kwáh í꞉ken tsi enhatatón꞉niʼne tsi rotkwénion tánon tsi nihonatiohkowá꞉nen ne ronterí꞉iohs shakoʼwénthon, nok iáh kiʼ tiahatahshónteren ne tió꞉konte ahotkwénionke.

Daniel 11:45

Ne ronnontí꞉io enhaʼtohserotónnion ne kwáh waʼtohserowá꞉nens tsi nón꞉we nenhatatì꞉teron, ne tsi naʼtetiá꞉tere ne kaniataraʼkehkó꞉wa tánon tsi ionónte tsi nón꞉we nikanónhsote ne ionterennaientáhkhwa. Nok enhrénheie, iáh ónhka eʼtho thaiénsheke ne ahonwahiaʼtakénnha.”

Daniel 7:26

Eʼthó꞉ne ne karonhiá꞉ke tethatiiaʼtorehtáhkhwa enhóntien tsi enhatirí꞉wenhte, enhonwákhwa ne raoʼshatsténhsera, ó꞉ni kwáh ieiokontáhkwen tsi enhonwá꞉tonʼte.

Daniel 7:8

Tsi náhe tekkà꞉nere ne onaʼkareʼshón꞉ʼa, waʼkatkátho kenʼnikanaʼkarásaʼ taiotikétohte aktóntie ne otiaʼkéshon tsi teiotinà꞉karonte. Áhsen nikanaʼkará꞉ke wahrotsi né ne kanaʼkarowá꞉nens. Énska ne kaná꞉kare tekakahratárion tsi ní꞉ioht ne ón꞉kwe ó꞉ni kahshaká꞉ronte kwáh í꞉ken tsi kaná꞉ie tsi naʼteiotaterénhsharon.

Daniel 8:11

Kwáh ó꞉ni wahonenhró꞉thaʼse ne thentiohkwakweʼní꞉io ne karonhiá꞉ke né ne Rawenni꞉io, waʼthátaste naterennaientátsera ó꞉ni tsi konwatiaʼtatsaʼáhtha ne katshé꞉nen né ronwatienʼkwaronniaténnihskwe né Rawenni꞉io, ne niaʼtewenhniserá꞉ke, ó꞉ni kwáh eʼtho tsi naʼhentáksahte ne tsi ionterennaientáhkhwa.

Daniel 9:25

Satenʼnikón꞉raren kí꞉ken tánon saʼnikonhraiéntaʼn tsi nikahá꞉wi naontontáhsawake naonsakahserónnike ne Jerusalem tsi niió꞉re iénrawe tsi niká꞉ien ne Rawenni꞉io roiataráhkwen, tsá꞉ta niiorì꞉wake ne tsá꞉ta niiohserá꞉ke enwatóhetste. Eʼthó꞉ne enskakwatákwen ne Jerusalem tsi tekanatokenhá꞉tons ó꞉ni enhatiʼshátsteke naontahontaténhe, ó꞉ni eʼtho nenióhton né ne tsá꞉ta niiorí꞉wake ne iá꞉iaʼk niwáhsen tékeni niiohserá꞉ke, ók né ne entkáhawe ne taionʼnikonrhá꞉ren.

Acts 12:23

Kwáh óksak ne Rawenni꞉io rahoronhiakerónon wahohiatsénente ne Herod, tsioríhwa tsi iáh tatehorénsaron ne Rawenni꞉io. Otsinonhwanhéta wahonwahwárake tánon warénheie.

2 Thessalonians 2:3

Kwáh tóh꞉sa ónka ietʼtsiríʼon naietʼtsinikonráhten kwák tsík nahontahiotierahtónhake. Asèhken iáh tahontenniseríhewe tsi nió꞉re nonakènkha aterihiósera iekáhewe tánon ne ranikonrákʼsen enhatohtáshion, tsi nikáien ne kwáh onéson niahotʼtakwahrishonhátie.

2 Thessalonians 2:8

Ethò꞉ne ne ranikonrákʼsen enhonwahiatotáshion, nók nónen énrahwe ne Roiá꞉ner Ié꞉sos, ne enhonnonwahriákon tsi nen hotonniseráhiente tánon né enhoríhiothe tsi nihohiataneráhkwat.

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”