Daniel 8:17 - Ohiatonhseratokénti

¹⁷ Ne Kabriér ákta nontà꞉re tánon tiaʼtákta waʼthá꞉taʼne, eʼtho niió꞉re tsi onkateronhiénhten onhontsà꞉ke watiaʼtaién꞉taʼne. Wahakénhahse, “Rón꞉kwe iaʼiénha, saʼnikonhraiéntaʼn tsi nikéntonhs. Thi atetshénsera né iewatihénthos nó꞉nen ienkáhewe tsi ienwatonhontsaríhsi.”

Daniel 8:17 ပူးပေါင်းရင်းမြစ်များ

Genesis 17:3

Eʼthó꞉ne né Abram wahatatiaʼtiè꞉nenhte kwáh tshiahakonhsó꞉taʼne nonwentsà꞉ke; tánon ne Rawenni꞉io wahawènhahse,

Ezekiel 1:28

Kwáh tiosaháton ne rahiatakʼtóntie tsi tehioterónhronhte, tsi ní꞉ioht ne iorónhronhte teioswátʼte ne tsi iotsikerahrónhnions. Thóh kíʼ ní꞉ioht ne raohiatanerahkwáhtshera ne Roiá꞉ner tsi wahakathotáshiaʼse. Nónenh shakatkátho, kwáh tiekʼkonhskárahte tsi okenhráhke wahtiataiéntahne, tánon onhkathóntehne ónhkak ionhktharáhni,

Ezekiel 2:1

tánon wahakénhase, “Rónhkwe iaiénha téstann, tánon kwáh tentenithá꞉ren.”

Ezekiel 44:4

Ethòne ne rónhkwe iahatsiaténhawe wahatsiató꞉hetsthe ne othoréke iotenhenrahkáronhthe né꞉ne ohénton Nononhsatokentiʼkówa. Tsi tetkánere, wakatkátho nètho raononhsatokentiʼkówa ne Roiá꞉ner kwáh kanáhnon ne tehiokaráiat kaswatʼthétshera ne raohénton. Wahkhatsiatiénenhthe kwáh tietkonskárahthe nonhontsáke,

Ezekiel 6:2

“Rónhkwe iaiénha,” wahénron, “Tsi tionhnonhtarónhnion ne Israel nónhwe iatesatkáneren tánon iaseríwahke tsi nòkwah nètho.

Daniel 10:11

Ne raronhiaʼkehró꞉non wahakénhase, “Daniel, ianorónkhwa ne Rawenni꞉io, téstaʼn tánon kwáh ákta tsi satahónhsatat tsi nahò꞉ten enkí꞉ron. Sonhà꞉ke taionkató꞉ri.” Ne né shahèn꞉ron, tonsáktaʼne shé꞉kon niwatiaʼtishónhkwa.

Daniel 10:16

Eʼthó꞉ne ne raronhiaʼkehró꞉non, ne teskaieróntare nón꞉kwe, tontaháhtsatate iahaié꞉na ne tsikshaká꞉ronte. Wahiiénhase, “Sénhshie, ki atetshénhsera kwáh í꞉ken tsi waktsiʼiohátha tánon iáh tewahtkàwahs tsi watiaʼtiʼshónhkwa.

Daniel 11:27

Eʼthó꞉ne ki tehninontiioʼtsherá꞉ke skátne enhiátien ne atekhwahraʼtsherákta ne tahiatskáhon, ók tsi niwahétken tsi nahò꞉ten iateʼnikonhrón꞉ni, ó꞉ni tenhiatatenowénhten. Iáh thahniié꞉na tsi nahò꞉ten tehonatonhontsó꞉ni, ne tsi iáh ároʼkhok thieióhe ne eʼtho naiá꞉wenʼne.

Daniel 11:40

“Né nó꞉nen ne Syria ronnontí꞉io skanóronks iahotenhniseróktahse, ne Egypt ronnontí꞉io ienhotiaʼtón꞉ti, nok ne ronnontí꞉io ne Syria tenthonàkwen kwáh tsi nihoʼshatsténhsera, né én꞉ratste ne tékeni teionkahʼkwèn꞉tonte oʼtshónhkwa ne kohsá꞉tenhs kontiiaʼtaniiontáhkhwa, ne ó꞉tiaʼke enhotihsá꞉ten nen né꞉ʼe, tánon wé꞉so ne kahonweiaʼkó꞉wa konterí꞉ios énhontste. Wé꞉so tsi kanakerahseraké꞉ron ienhshakotiaʼtón꞉ti, tsi ní꞉ioht ne awenhnó꞉ton.

Daniel 12:13

“Tánonʼ ní꞉se, Daniel, sarihwatokénhak kwáh tsi niió꞉re ne tsi ieió꞉tokte. Eʼthó꞉ne enhsíheie, nok tentehsatkétsko ne ahsié꞉na ne satshennonniátshera ne tsi ieióto꞉kte.”

Daniel 12:4

Wahakénhase, “Ó꞉nen ki, Daniel, sasennhó꞉ton neʼtho kahiatónhsera tánon senerahkenʼtó꞉ren tsi niió꞉re iensewatonwentsaríhsi. Tsi neniohtonhátie, iakotiohkowá꞉nen ne raotiioʼténhsera enkaiésha ronteʼnién꞉tha ne ahotiʼnikonhraién꞉taʼne tsi neniohtonhátie.”

Daniel 2:46

Ne ronnontí꞉io Nebuchadnezzar onhwentsià꞉ke waʼthatshákete ó꞉ni wahaténhnhaʼne ne aterennaienthahtsherá꞉kon tsi akonwatiatátsaʼahte ne katshé꞉nen tahonwarénhsaron ne Daniel.

Daniel 7:16

Raiaʼtákta niahá꞉ke tsi niká꞉ien ne eʼtho rátahkwe tánon wahiriʼwanóntonhse kwáh akwé꞉kon ahakeʼnikonhraientáhten. Kí wahakró꞉ri tsi nikéntonhs.

Daniel 8:15

Í꞉i Daniel kateniénthakwe naonkenikonraién꞉taʼne tsi nahò꞉ten kéntonhs neʼtho atetshénsera, ók thontaiawénstsi ónhkaʼk akhén꞉ton waʼtié꞉taʼne, kwáh ne teskaieróntare ne ron꞉kwe.

Daniel 8:19

tánon wahén꞉ron, “Konnaʼtón꞉nihs tsi niiá꞉wens né nó꞉nen ne Rawenni꞉io enhotenaʼkwawénratshe. Naʼtetshénsera né iewatihénthos ne tsi ieiótoʼkte.

Daniel 8:27

Í꞉i Daniel kwáh wakaʼnikonhrókten ó꞉ni tóhka nón꞉ta onkenonhwákten. Eʼthó꞉ne tonsáktaʼne ionsakatahshónteren sontióʼten tsi nihakenhá꞉on ne ronnontí꞉io, nok wakaterihwakwé꞉ki tsi ní꞉ioht tsi wakatetshén꞉en tánon iáh tewá꞉tons naonkeʼnikonhraién꞉taʼne.

Daniel 9:23

Shontahsatáhsawen, watshaniténhten ne Rawenni꞉io, waʼthiarihwaʼserákwaʼse. Ianorónhkhwa ne Rawenni꞉io, né kátiʼ aorì꞉wa kénʼen nontá꞉ke naʼontakonhroriá꞉na nahò꞉ten kénton. Kwáh satahónhsatat tsi nenkeʼnikonhraiéntahte natetshénhsera.

Daniel 9:27

Ne iénwawe ne tsá꞉ta niiohserá꞉ke nétho rakó꞉ra ioianerenhserahní꞉ron tsi enʼhonterihwahserón꞉ni nonkwehshón꞉ʼa. Ahsén꞉non nienhawé꞉non enharihwáhtonte akwé꞉kon ne tsi nonkwá ne karihwiioseʼokónʼa ó꞉ni tsi ní꞉ioht tsi ratiró꞉roks tsi nithonwá꞉wis ne Rawenni꞉io, tánon ók knahò꞉tenʼk tsi nateiotenonhianíhton kariwahétken ienhá꞉ren ne kwáh è꞉neken tiótte ne tsi ionterennaientáhkhwa, tánon eʼtho entká꞉rake tsi niió꞉re ne Rawenni꞉io è꞉ren enhoiaʼtenháwihte ne tsi niká꞉ien ne eʼtho iehóhere kwáh tsi nihoteʼnikonhríson.”

Habakkuk 2:3

Kahiatónhak, tiorì꞉wa tsi iáh aré꞉kho tsehióhe ne naiá꞉wenhne nahón꞉we norihwí꞉io; ók ne tsi nikawistáhets iostó꞉re tsi tá꞉we tsi nahorihothénsons ne konhnatónhnionhnis kwáh kíʼ thóh nenhá꞉wenhne. Ethó꞉sane kíʼ nahorihoʼthénsons ioiatakenhé꞉ion ne naiá꞉wenhne; ó꞉nenk tsi ensateráhrate, kwáh orihwiiohón꞉we tsi enwáh꞉we, kwáh iáh tahionísko.

Matthew 17:8

Nok tsi tonsahontkakȣarisi iah onka nakoren teseshakotiken raonhatsiȣa ok ne Iesos.

Revelation 1:17

Nó꞉nen sahí꞉ken, watsiataién꞉taʼne rashitákʼtha tsi ní꞉iot nahonkihé꞉ionke. Ók wathakanisnónhsaren ne saweientenhthákwen, ratón꞉nions, “Tó꞉sa saterónh; Í꞉i ne tiotierenhthá꞉kwen tánon nonaʼkénkha í꞉ken,

Revelation 22:8

Í꞉i, Sawatis, ne wakát꞉thonteon ó꞉ni wakát꞉kathoserons kíʼ naorihoténsons. Tánon nó꞉nenh shón꞉katʼthontene ó꞉ni wakát꞉kathoseron, Watiá꞉tienenhne naisenhná꞉ien tsi iateorá꞉shithate ne raronhiá꞉keró꞉non tsi nikaʼièn ne wahá꞉kenatonhnionhase;