Daniel 8:12 - Ohiatonhseratokénti

¹² Ne onkwehshón꞉ʼa tsi ní꞉ioht né aterennaienthatserá꞉kon tsi akonwatiaʼtátsaʼahte ne katshé꞉nen nahontienkwarónniate tsi nihotirenʼnaʼòn꞉nen niaʼtewenhniserá꞉ke, kek tho nón꞉we nihsatirihwanérakskwe, tánon nʼetho onà꞉kare ehtà꞉ke wahó꞉ti ne kwáh orihwiioʼón꞉we né karihwiióhston. Ne onà꞉kare kwáh thiewakwé꞉kon tsi ioianerahsténniskwe tsi naʼká꞉iere.

Daniel 8:12 ပူးပေါင်းရင်းမြစ်များ

Job Tánon ne Raoronhiakensera 12:6

Ne raonatohserá꞉kon ne ronhnonkweʼtahétkens kwáh skén꞉nonk thí꞉ken, tánon tsi nihiá꞉kon ne ronwanakón꞉nis ne Rawenni꞉io kwáh ne iaothé꞉non thateonanikónhrare, ne ratisén꞉naiens ne thikanihioserá꞉te.

Psalms 119:142

Ne sarihwakwahrihshióntshera tsi nénhwe enkátake, tánon kwáh tsi nénhwe tsi ensharihwakwahrihshiónhake.

Psalms 119:43

Tatiénawas nakatáti norihwí꞉io í꞉ken né꞉ne tiókonte akénhake, tsioríhwa nakararáhtshera sahiatorethatserákon nón꞉we nihiotaténhron.

Psalms 28:5

Tsioríhwa tsi iáh othènen karíhwa tehonnónhni ne Roiá꞉ner raohioténhsera, khés tsi nahoténsons rosahá꞉nion, ká꞉ti kwáh ensakoréhwate tánon ensakothónte né꞉ne tsi nénhwe enkénhake.

Isaiah 59:14

Né kaiáneren onàken skahawíton, tánon né karihwakwahrishióntshera ahí꞉non nió꞉re ít꞉kaʼte; asèken norihwí꞉io íken thóh tsioshiʼtsiásks tsi iontkenhnisahá꞉tha nón꞉kwe, tánon né tkarihwaiéri iáh takakwéni niahontáweiaʼte.

Jeremiah 12:1

“Saiá꞉ner, tó꞉ka tahithiniriwakéna nakeriwahsón꞉a, ensehriwanírathe tsi khaiéri. Shé꞉kon kíʼ ónenhk tsi enkeriwahnónhton tsi nòkwah ne ateriwakwarishióntshera ahoriwahshón꞉a. Nonhtiéren ne rononhkwetaʼhétkens tsi nihotiʼhianerasténnis? Nohtiéren ne rathinikonhrátha tsi ronateriwahthentsiénnis?

Daniel 11:28

Ne Syria ronnontí꞉io enshahtén꞉ti akwé꞉kon ienhá꞉hawe tsi nahó꞉ten rotatienawáʼse, kwáh iaʼtehoʼnikonhrakontáhkwen ne ahátonte ne raotirihwiiohstónhtshera ne Rawenni꞉io raonkwetaʼshón꞉ʼa. Kwáh tsi nithonikonhriió꞉on tsi eʼtho nenháiere, eʼthó꞉ne enshahtén꞉ti.

Daniel 7:21

Tsi nikarí꞉wes wakateró꞉ron, ne kí꞉ken onákara wahonterí꞉io ne Rawenni꞉io raotióhkwa tánon waʼakoʼsén꞉ni.

Daniel 8:4

Wahiiateró꞉roke thi teiotinaʼkarontón꞉ʼa rátsinn ratenaʼkaraienhtaniónʼne tsik nonwéshon niahá꞉re tsi iaʼtewatshéntos, tánon othorè꞉ke, ó꞉ni entiéʼne niahá꞉re. Kwáh iáh thaʼkatsiʼnonió꞉ten thakakwé꞉ni né tahonwátahste, tóka ó꞉ni né aonsaieʼniá꞉kenʼne tsi nokwá ne raoʼshatsténshera. Eh nenhá꞉iere tsi nenthaskáneke né raweriá꞉ne tánon kwáh í꞉ken tsi rotatkowanáhton.

Revelation 13:7

Kwáh ó꞉ni wahonwarí꞉hon nasakoteriioserónhnien ne roʼtiiatatokéntis tánon nashakosénhni. Tsi thonwá꞉wi ne kaweniá꞉tshera ne entsakororókte niateiakotióhkwakes ó꞉ni nonkweshón꞉as ó꞉ni naronkhátsera ó꞉ni niakahontsakerónons,

1 Samuel 23:9

Nó꞉nenh ne Táwit saharihwáronhke nètho Saul tsi roteristahientáhtsies ne karihwahetkénhsera tsi nó꞉kwah ne raón꞉ha, wahawénhase ne ratsihénstatsi Abiathar, “Tasáf tí꞉ken ateniʼiónta kénʼen.”