Daniel 8:11 - Ohiatonhseratokénti

¹¹ Kwáh ó꞉ni wahonenhró꞉thaʼse ne thentiohkwakweʼní꞉io ne karonhiá꞉ke né ne Rawenni꞉io, waʼthátaste naterennaientátsera ó꞉ni tsi konwatiaʼtatsaʼáhtha ne katshé꞉nen né ronwatienʼkwaronniaténnihskwe né Rawenni꞉io, ne niaʼtewenhniserá꞉ke, ó꞉ni kwáh eʼtho tsi naʼhentáksahte ne tsi ionterennaientáhkhwa.

Daniel 8:11 ပူးပေါင်းရင်းမြစ်များ

Isaiah 37:23

“‘Ónhka ónhte sherákwe tsi thiʼtierónhakwe tánon tienikonratsʼsáthakwe? Ónhka rahonhá꞉ke tsi satewenhnakétskwen tánon tsi nisathatónhni tsi ní꞉ioht tsi wasatarakétsko? Rahonhàke ne Roiatatokénti NʼIsraerʼronónke!

Isaiah 37:29

Né aoríhwa tsi niskeʼnákwahse tánon tsi nisatatkowanáhton ón꞉we ne tsi tekahontaká꞉ronhte, kwáh nakariotaróktsera enkonʼiarhiotároke ne sehnionsáke tánon nakáwenk wateristanonhtáhastha enkonristanón꞉ta ne tsitʼtsakáronhte; Kwáh enskonhiákthaʼte ne tsi iohatá꞉tie tsi nón꞉we nontá꞉se.

Jeremiah 48:26

“Snekáʼtast, tsioríwa tsi wahatatʼkowánasʼthe tsi nòkwah ne Roiá꞉ner; ne káti ne Moab kwáh thóh enhatesehréhson tsi nónhwe nihotstíkonh, tánon rahónʼa ó꞉ni nonhkweshón꞉a tenhonwahiéron.

Jeremiah 48:42

Ne Moab iáh ó꞉nenh tahonshaʼhiotsiokwahiéntahke tsoríhwa tsi onhtatkówahnahte tsi nòkwah ne Roiá꞉ner.

Ezekiel 46:14

Káti ó꞉ni wísk nikakonhtseráke othésehra ienwatʼkáwen né꞉ne iatehioronhkhetseráke, skátke ne skatʼtséta iakenhiewátha kénhie né꞉ne tahiésesthe nothésehra. Né kaianerénsera nahónhion ne Roiá꞉ner né꞉ne iehiokonhthákwenh tsi eh nenhiotónhake.

Daniel 11:22

Ne ónhka enhonwaióʼtatshe, kwáh enhshakaʼónhewe ó꞉ni kwáh iáh thé꞉nen thaonsakaierón꞉nike, shé꞉kon ne kwáh è꞉neken thótte ratsihenhstowá꞉nen ne Rawenni꞉io raonkwè꞉ta.

Daniel 11:31

Ó꞉tiaʼke ne raonkweʼtaʼshón꞉ʼa ronterí꞉iohs kwáh enhatihétkenhte tsi iotokénhti ne ononhsatokénhti. Waʼteshakotítaste nonkwehshón꞉ʼa tsi ronwanatiatatshaʼáhtha ne katshé꞉nen eʼtho nihatiweiennoténʼne tsi ronwasén꞉naienhskwe ne Rawenni꞉io. Enhonwennónnien ne iáh teiotokénhti tánon né enskonwasénnaien. Tsik thiahatiieránion tánon iáh tsiewanonhtonniónhon, tsi nateiotenonhianíhton ne wahétken ne enskonwasénnaien.

Daniel 12:11

“Nó꞉nen ienká꞉hewe ne tenkatáhston naterennaientahsherá꞉kon tsi konwatiaʼtatshaʼáhta ne katshé꞉nen ó꞉ni tho ní꞉ioht tsi ronwahsénnaienhskwe ne Rawenni꞉io ne tsi entewatáhsawen ne kwáh teiotenonhianíhton karihwahétken, énska niwenʼniaweʼehtsheráhsen tánon tékeni tewenʼniáwe niwenhniserá꞉ke enwatóheste.

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

Daniel 7:25

Kwáh enhoriwá꞉roʼse ne Roʼshatstenhserowá꞉nen Rawenni꞉io ó꞉ni tenhshakoʼnikonhkáriakte ne Rawenni꞉io raonkweʼtaʼshón꞉ʼa. Enhateʼniénten ne tahatá꞉ton tsi nikaianerenhseró꞉ten ne raotirihwiiohstónhtshera ó꞉ni tsi ní꞉ioht tsi tehontenónwerons, tánon ne Rawenni꞉io raonkweʼtaʼshón꞉a raónha raoʼshatsténhsera enthotiʼniarotárhoke né ne áhsen shaʼtsewahsén꞉non niiohserá꞉ke nenkarihwéshon.

Daniel 8:12

Ne onkwehshón꞉ʼa tsi ní꞉ioht né aterennaienthatserá꞉kon tsi akonwatiaʼtátsaʼahte ne katshé꞉nen nahontienkwarónniate tsi nihotirenʼnaʼòn꞉nen niaʼtewenhniserá꞉ke, kek tho nón꞉we nihsatirihwanérakskwe, tánon nʼetho onà꞉kare ehtà꞉ke wahó꞉ti ne kwáh orihwiioʼón꞉we né karihwiióhston. Ne onà꞉kare kwáh thiewakwé꞉kon tsi ioianerahsténniskwe tsi naʼká꞉iere.

Daniel 8:24

Enhaʼshátstenʼne, nok iáh ki raonháʼak raoʼshatsténhsera thakénhake. Tenhatenónianihʼte tsi enshakokaronniánion nonkwehshón꞉ʼa ó꞉ni kwáh enhoianeráhsten tsi nahoʼténshon enhaterihwahténtiaʼte. Enshakoʼwéntho ne ronnonkweʼtowá꞉nenʼs ó꞉ni ne kwáh Rawenni꞉io raonkweʼtaʼshón꞉a.

Daniel 8:25

Ne tsi nihatsítsho, raweienáksen kwáh ki enhoterihwahténtiaʼse. Enhatatonníheke ó꞉ni iakotiohkowá꞉nen enshakoʼwéntho ne kwáh iáh oʼthé꞉nen thaontontró꞉ri. Kwáh ó꞉ni enhonenhróthase ne kwáh thaʼshátste ronnontí꞉io, né ne Rawenni꞉io. Rawenni꞉io kiʼ ne enhóhtonte né ne kwáh iaʼtenhoiáʼtihste.

Daniel 9:25

Satenʼnikón꞉raren kí꞉ken tánon saʼnikonhraiéntaʼn tsi nikahá꞉wi naontontáhsawake naonsakahserónnike ne Jerusalem tsi niió꞉re iénrawe tsi niká꞉ien ne Rawenni꞉io roiataráhkwen, tsá꞉ta niiorì꞉wake ne tsá꞉ta niiohserá꞉ke enwatóhetste. Eʼthó꞉ne enskakwatákwen ne Jerusalem tsi tekanatokenhá꞉tons ó꞉ni enhatiʼshátsteke naontahontaténhe, ó꞉ni eʼtho nenióhton né ne tsá꞉ta niiorí꞉wake ne iá꞉iaʼk niwáhsen tékeni niiohserá꞉ke, ók né ne entkáhawe ne taionʼnikonrhá꞉ren.

Numbers 28:3

Né kí꞉ken ne ká꞉khwas niaʼhiónhtkawe nahonthahónhion rahohénton ne Roiá꞉ner: né niaʼtewenhniseráke ahionteskónhten, tenihiáse ne énska tehonoserihiákon teiotinakaronhtónʼa owíra tenítsinn né kwáh iáh othènen tahotitsihiotharáke.

Luke 21:24

Akȣekon enhiontateniaroskare, nok enhiontatenaskȣenhaȣenseron tsi ienakerenion, nok nehne iah teiakoriȣiioston enhiontenatakȣeniioste ne Jerusalem, tsiniiore ienkanane tsinikanaton ne iah teiakoriȣiioston akaȣennisera.

2 Thessalonians 2:4

Kwáh enshakohiotátʼtse tsi nahiotónhake tsi ronwahʼsénnnaiens ne ní꞉io ronwahtinathónkwah tánon rahónha éneken enhatatónni. Kwáh ó꞉ni ienhatáwehiate tánon thóh ienhátien ne Rawenni꞉io raononsatokentíke tánon enhatʼróri rahónha ne Ní꞉io.

Hebrews 2:10

Ne khók tkariwahiériʼkwe ne Rawenni꞉io, tsi nikáien rashahánions ó꞉ni orihwakwékon rahnónstats, ne aoríhwah ne Ié꞉sos rotesénnion tsi nòkwah ne raoronhiakénsera ehnahontáwe rohnatiokowáhnen ahontasakotiʼiaténhawe ne ieksaokónhas nahontiátaren ne raoiatanerakwahtsherákon. Asèken ne Ié꞉sos rahónha iensakosárine tsi nòkwah ne kaiatakenáhtshera.

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”