Daniel 8:1 - Ohiatonhseratokénti

¹ Ne ahsénhaton niiohserá꞉ke ne Belshazzar sihonnontí꞉io, ó꞉ia sonkatétshen.

Daniel 8:1 ပူးပေါင်းရင်းမြစ်များ

Ezekiel 1:1

Ne ásen-niwáhsen shiʼioserahkéhaton, ne kaieríhaton siwenhnitakéhaton, ne꞉ne wísk-khaton siwenhniserahkéhaton, skátʼke iákweskwe ne tionkhihianahkerahkwáhton ne꞉ne tsi kaniatarahtátse ne Chebar, ne tsi karonhiáte onhtenhothónko, kwáh ne ne ahonkatetʼtsénseke Rawenni꞉io waí꞉ken.

Daniel 1:17

Rawenni꞉io tahshakáon ki kaié꞉ri nihá꞉ti kenʼnithotiión꞉sa ne karihonnienníhtshera ó꞉ni ne ahotirenʼnháon ne ahatihiatónsheke, ó꞉ni ne kaʼnikonhraientáhtshera iahawénhtate, tsi taháon ne Daniel ne ahorennʼhaʼónhake ne ahaʼnikonhraientáhthake nahò꞉ten ienharì꞉waken ó꞉ni ne atetshénhsera.

Daniel 10:2

Neʼtho shikahá꞉wi í꞉i, Daniel, áhsen niiahiakserá꞉ke shiwakatshonniónhkwen.

Daniel 10:7

Kwáh akonhá꞉a khók wahí꞉ken. Tsi nihá꞉ti ne skátne iákwesʼkwe kwáh ne iáh thé꞉nen tehonatkáhthon, nok tsi nahonateronhiénhten wahonté꞉ko tánon wahontáhsehte.

Daniel 11:4

Ók kí nó꞉nen kwáh enthoʼshatstenhserowanénhake ne raonakeráhsera kaié꞉ri naʼtenkaià꞉konke. Ne rotinontí꞉io ne kwáh iáh oʼthé꞉nen tehontátenonhkwe né tenshonwanaktáhkwen ne enshontiaʼtakweʼní꞉iohste, nok iáh kiʼ nen né꞉ʼe eʼtho tehotiʼshatstenhserowá꞉nen tsi ní꞉ioht ne raónha.

Daniel 7:1

Shontontohseratiérenhte ne eʼtho Belshazzar shahonontíioʼne ne Babylonia, onkatétshen ó꞉ni tsi nahò꞉ten onkatahsatárhase ne tsi niwahsón꞉tes. Waʼkhiá꞉ton ne atetshénhsera, tánon né kí꞉ken ne kahiatónhkwen

Daniel 7:15

Tsi nahoʼténshons wakatkahthóhseron tonkwatonnékten, tánon kwáh í꞉ken tsi waʼtewakeʼnikonrháren.

Daniel 7:28

Né kí né tsi ieió꞉toʼkte norihwaʼshón꞉a. Eʼtho niió꞉re tsi ónkteronʼne kwáh watkatskennennaʼtón꞉ten, ó꞉ni kwáh orihwakwé꞉kon akonhá꞉ke waʼkateweiénton.

Daniel 8:15

Í꞉i Daniel kateniénthakwe naonkenikonraién꞉taʼne tsi nahò꞉ten kéntonhs neʼtho atetshénsera, ók thontaiawénstsi ónhkaʼk akhén꞉ton waʼtié꞉taʼne, kwáh ne teskaieróntare ne ron꞉kwe.

Daniel 8:2

Eʼthóʼne tsi wakatkáhto thontaiawénstsi tsi tekanátannhen né Susa né tsi watonhwentsá꞉ien ne Elam í꞉kes, kaniatarákta ne Ulai eh ík꞉tahkwe.

Daniel 9:2

Ne shontontohseratiérenhte shihonontí꞉io, kateweienstháhkwe ne kahiatonhseratokénhti tánon onkeʼnikonrahién꞉taʼne ne tsáta niwáhsen niiohserá꞉ke nʼetho Jerusalem tsi nenkanatén꞉taʼne, entioianénhawe tsi nahò꞉ten ne Roiá꞉ner rohró꞉ri ne rotokenhséhakwe Jeremiah.