Daniel 7:5 - Ohiatonhseratokénti

⁵ Ne tekeníhaton karioʼtowá꞉nen ohkwá꞉ri neʼ teshiatié꞉ren ne nó꞉nen í꞉rate. Tsi naʼtehanawirátere áhsen nikanaʼáhtake ioienawá꞉kon, tánon iaʼkonwatewennóntienʼse, “Wà꞉s, seʼwà꞉rak kwáh tsi ní꞉kon enhskwé꞉ni.”

Daniel 7:5 ပူးပေါင်းရင်းမြစ်များ

2 Kings 2:24

Né Elisha waʼtatkarathéni, waʼthesakotʼkáneren, tánon washakoréwaʼthe raohsénhnakon ne Roiá꞉ner. Ethòne tekeniʼiáse okwári otiné꞉tsien kará꞉kon nonhthákene tánon wahakotiʼhiatharatiónhko kaiéri niwásen-tékeni niháti ne ratiksaohkónhas.

Proverbs 17:12

Ne sénha ioiánere taietsàteraʼne ne konwaʼnisténha ohkwá꞉ri konwawiranénhskwen tsi ní꞉ioht ne taietsàteraʼne rononhwaró꞉ri iáh orí꞉wa té꞉ken tsi nihatiéhrha.

Isaiah 56:9

Sewariotakwékons ne sewarakonrónons, sewariotakwékons ne sewarakonrónons, ká꞉sewe ietsihiaʼwénhtho!

Daniel 11:2

Tánon tsi nahò꞉ten ó꞉nen enkonhró꞉ri né ne orihwí꞉io.” Ne raronhiaʼkehró꞉non wahén꞉ron, “Shé꞉kon áhsen nikanontiioʼtsherà꞉ke enhsontiaʼtakwení꞉iohste ne Persia, entióhsere né ne kaieríhaton, sénha raónha enhokwáhtsheʼne tsi ní꞉ioht ne ronatiaʼké꞉shon. Né nó꞉nen kwáh enhaʼshátsteke ó꞉ni enhokwahtshéhake eʼthó꞉ne enhshakonenhróthaʼse tsi tkanontiioʼtsherá꞉ien ne Greece.

Daniel 2:39

Né ne ó꞉nen iáh thaonsesaterihóntake, thiháte né rakó꞉ra tenshá꞉taʼne ók iáh nenʼné꞉e eʼtho tehoʼshatsténhsera tsi ní꞉se ní꞉ioht, tánon né nón꞉ne shá꞉ka ne ahsénhaton rakó꞉ra, né ne otsí꞉nekwahr karístatsi enkénhake ne rakó꞉ra, tánon raónha onhwentsakwé꞉kon enhaiatakwení꞉ioke.

Daniel 5:28

Tekakhahsiónkwen, Rawenni꞉io waʼthakháhsi ne sanakeráhsera, tánon Medes ó꞉ni ne Persiaró꞉nons tahshaká꞉on.”

Daniel 7:4

Ne takáhente eʼtho nikaiaʼtó꞉ten tsi ní꞉ioht ne kèn꞉reks, nok tekanerahóntshontons tsi ní꞉ioht ne à꞉kweks. Tsi nikarí꞉wes tehiká꞉nere, ne onerahóntsha tsi ní꞉ioht ne ónhkak wahakótion. Thí꞉ken karioʼtowá꞉nen waʼhonwaiaʼtakarátate tánon wahoniónnien tahá꞉taʼne tánon ahattakwaríhsi tsi ní꞉ioht ne rón꞉kwe. Tánon eʼthó꞉ne ó꞉nen ón꞉kwe akoʼnikónra tahónnion.

Daniel 7:6

Tsi nikarí꞉wes wakateró꞉ron, ktikarió꞉tate saiokétohte. Ne nenʼné꞉ʼe teshiatié꞉ren ne takoʼskó꞉wa ne iorahkwarónnion, nok ki ne rahshón꞉ne kaié꞉ri naʼtehanerahóntshonte, tsi ní꞉ioht notsiʼtén꞉ʼa tekanerahónstate, tánon ó꞉ni kaié꞉ri nihonontsístonte kwáh eʼtho nihaiaʼtó꞉ten ne ahoʼshatstenhseraiéntake.

Hosea 13:8

Thekhehiatasénhte kwáh né꞉ne okwá꞉ri iotewirakénhnen, tánon enkherá꞉tion ne ioterorókston raoneriá꞉ne; thóh nón꞉we nenkhehiatónhte tsi ní꞉ioht ne kénreks, kwáh tsi ní꞉ioht ne karióh tsi sakohiataratiónkwas.

Revelation 13:2

Tánon ne kátsi noniowá꞉nen né꞉tho wahí꞉ken ne teshiatiéren ne rorakwarónhnion takós, ne rashì꞉takes kwáh né꞉ne okwá꞉ris, tánon ne tsi rasaká꞉ronhte kwáh né꞉ne kénreks tsi rasaká꞉ronhte. Tánon ne rononwahronhiétha ne kwáh raónha raoshatsténhsera ne tahá꞉wen né꞉tho katsinoniowá꞉nen tánon ne raonitskwá꞉ra tánon ne raokweniá꞉tshera.