Daniel 7:14 - Ohiatonhseratokénti

¹⁴ Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Daniel 7:14 ပူးပေါင်းရင်းမြစ်များ

Psalms 102:22

né nó꞉nen nonkweshón꞉ha skát꞉ne enhontkenhnísa, tánon ne tsi kanakerasehrakéron nahonwaʼsénhnaien ne Roiá꞉ner.

Psalms 103:19

Né Roiá꞉ner thóh nón꞉we nihoʼtatkwahtakwénhni nakaiéntake ne raonitskwáhra ne karonhiáke nón꞉we, tánon né raonakerásehra kwáh tsikʼnonwéson tsi né tioniaró꞉taron.

Psalms 145:13

Ne sanakenásera né꞉ne tsi nénhwe enkátake, tánon ne sanonhtiʼiótshera enkátake tsi wahewatsiratátse. Né Roiá꞉ner kwáh rorihwatóken akwékon tsi nihorahráts꞉ton; tánon kanoronhkwahtsherákon renéstha ne rahohiothénhsera.

Psalms 146:10

Ne Roiá꞉ner tsi nénhwe tsi enononhtí꞉ioke, né꞉ne saní꞉io, Ó Zion, né꞉ne tsi waswatsiʼratátse nió꞉re. Tehonwanonhweráton ne Roiá꞉ner!

Psalms 45:6

Ne Sanakeráhsera, O Ní꞉io, enkátake tsi nénweh! Né sáhnia né wenéstha tsi ioiánere tsi ní꞉ioht tsi sehiatkorástha ne shonkwetaʼshónhas;

Psalms 72:11

Waʼkaterénhnaien ratikwékon ne rontinontí꞉ios tahontsákete raohénton, tánon onhkwetaʼkwékon enhonwahiótenhse.

Psalms 72:17

Wakaterénhnaien ne ronnonhtí꞉io raosénhna tsi nénhwe akátake, tsi nihasenhnowánen thóh nakarihwéshonke aʼkathátseke tsi kíʼ ní꞉ioht ne karákwah. Wakaterénhnaien akahontsakwékon ahonwarihwaʼnónhtonhse ne Rawenni꞉io nasakohiatatériste tsi kíʼ nihohiatateríston ne ronnonhtí꞉io; wakaterénhnaien onhkwetaʼkwékon ne ahiontrohriá꞉thake ne raotsenhnonhniátshera.

Psalms 8:6

Wasehiatakweʼní꞉ioste nahotkróraste tsi nihioiothénhen ne sahtsanákes; raotishaststenhserákon orihwakwékon waskéron,

Isaiah 16:5

eʼthó꞉ne anitskwáhra enkakwatákwenhke tsi nón꞉we ne iorihwató꞉ken kanoronhkwáhtshera nikáien thóh rahothohserákon ne Táwit, tánon thóh nón꞉we nenhanitskwáhren ne raoʼrihwatokentitsherákon né꞉ne rakóra ne ré꞉saks kaiáneren tánon rahiatastó꞉re ne thóh naháiere ne tkarihwaiéri í꞉ken.

Isaiah 60:12

Asèken né ronhnonhontsakeró꞉nons tánon né kanontiʼiótsheras né iáh tahiesahiótenhse kwáh kí enhatiʼiatáton; nétho ronhnonhontsakeró꞉nons kwáh thóh kénʼen tsi enhatiʼrihwahiésha.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Daniel 2:35

Kwáh óksaʼk né karístatsi ó꞉ni né ionawaʼtstahkarí꞉io, ne otsí꞉nekwahr karístatsi tekaiéston, kahwistarà꞉ken, tánon né ohwistanó꞉ron waʼtioʼteróntthoste tánon né tonsakaierontá꞉raʼne ne oʼkèn꞉ra né nó꞉nen kwáh í꞉ken tsi ioʼkèn꞉rote nó꞉nen iehwà꞉eks nakennhà꞉ke. Akwé꞉kon tsi iaʼò꞉te ienkáhawe, kwáh iáh thé꞉non thaonsakaieronníhake. Ók né otsténra tontontehiá꞉ron ionontowá꞉nen iahón꞉ton kwáh tsi niiohón꞉tsa tsi waʼkarhó꞉roke.

Daniel 2:37

Sanontí꞉io, í꞉se aonhá꞉a tehseʼshátste tsi nihá꞉ti ne Rotinontiiò꞉shon. Né Rawenni꞉io ne karonhià꞉ke thèn꞉teron wahianontí꞉iohste tánon wahiaʼshatsténhseron, né ahseʼshátsteke, tánon tahserénhsaronke.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Daniel 3:4

Ne rarihowanáhtha tahahkwísron tsi wahatá꞉ti, “Takwatahónhsatat! Kwáh tsi niaʼteienekwénhsake ne ón꞉kwe, tsi niionhsohkó꞉ten, tánon tsi niiewennó꞉ten!

Daniel 4:3

Tsi naʼteiotenonhianíhton ne ionehrákwaʼt, Rawenni꞉io shonkwarihotahshién꞉nihs! Tsi nikasatstenhserowá꞉nens ne iorihwanehrakwahténions tsi nihaieránions! Rawenni꞉io seʼ enhonontí꞉ioke tsi nén꞉we; kwáh tió꞉konte tsi raónha enthoniarotárhon!

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Daniel 7:18

Eʼthó꞉ne ne raonkweʼtaʼshón꞉ʼa ne Roʼshatstenhsherowá꞉nen Rawenni꞉io enhatiié꞉na ne kanontiióʼtshera aoʼshatsténhsera ó꞉ni tsi nén꞉we enhonatienawaʼáhston.”

Daniel 7:27

Ne kaʼshatsténhseras ó꞉ni ne iorihowá꞉nens kwáh tsi niaʼtekanakerahserá꞉kes né tsiionhontsá꞉te ne entiontá꞉ton ne Roʼshatstenhserowá꞉nen Rawenni꞉io raonkweʼtaʼshón꞉a. Raotinontiióʼtshera raoʼshatsténhsera iáh nonwén꞉ton thiaontókten, tánon ratikwé꞉kon ne ratikoráhshons ne tsi ionhontsá꞉te enhonwarí꞉wawaʼse ó꞉ni enhonwawén꞉narahkwe.

Obadiah 1:21

Tánon tsi niiá꞉kon ne sehshakoʼniakénhton kwáh kiʼ ienhatinontá꞉raʼne tsi Ionón꞉te ne Zion ne ne tahatiiaʼtoréhthake tsi ionón꞉te ne Esau; tánon ne tsi kanakerahserá꞉ien kwáh Roiá꞉ner enhowenkhón꞉weke.

Micah 4:7

Tánon ne iontsinokhátha ne enkheionniáte ne iatahonathátere tánon ne teiakorenion enhonatiokowanenhke tánon enhatishátsteke. Tánon ne Roiá꞉ner kwáh kíʼ ensakonontí꞉ioke ne tsi tionónhte ne Zion ne nón꞉wa tánon né꞉ne tsi nén꞉we enkénhake.

Matthew 11:27

Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

Matthew 28:18

Nok akta ȣarete ne Iesos ȣasakaȣenhase; kasastenserakȣekon ionkaȣi ne Karonhiake oni nonȣentsiake.

Luke 1:33

Nok enhonontiioke tsiniienhenȣe tsi henhaȣatsiratatie ne Jacob; nok iah nonȣenton tiiaontokten ne rahonakerasera.

Luke 10:22

Akȣekon Rakenineha nitiaȣenon tsinikon ȣakien; nok iah onka tehonȣaienteri ne Roienha neok ne Roniha; iah oni onka tehonȣaienteri ne Roniha neok ne Roienha, tanon tokat onkakiok ensakororike ne Roienha.

John 12:34

Tontahonniron nonkȣeokon: Onkȣaiatonsera ionkȣarori tsi henronnheke onȣe ne Keristos: oh kati nekenh niiotieren tsi saton enshatharatate nʼOnkȣe Roienha? Onka kati nekenh nonkȣe Roienha?

John 3:35

Roniha ronoronkȣa ne Roienha, akȣekon oni nihiehoriȣaȣi.

Hebrews 12:28

Ánion kíʼ tethewahtenonwerátonsek, káti, tsoríhwa tsi entewahiéna ne kanakerásera né꞉ne iáh tahónton tahiotihéntonwe. Ánion ionkwatsennonníhak ó꞉ni tetsitewahnonweráton ne Rawenni꞉io né꞉ne ahkakwéni ahawerientí꞉io, aterennaientaʼtsherákon ó꞉ni kakwenienstátshera;

1 Tiér 3:22

karonhiáke niesawénon tánon tsi raweientetákwen ne Rawenni꞉io iesénteron, ratikwékon ne ratironhiakerónons tesakoniarótaron tánon ne karonhiáke tatiriwakweʼní꞉ios ó꞉ni ne kasatsʼténseras.

Revelation 1:6

tánon shontionhnién꞉ni nahitionkwetaién꞉take, ratitsihéntatsis enhohiò꞉tenhse ne Raoní꞉io tánon ne Roʼní꞉ha, raonhà꞉ke ká꞉ien ne kaiatanerakwhtsera óni ne kashastenhsera tsi nénhwe tánon tsi nienhenwe enkeánhake. É꞉ʼtho naiá꞉wenhne.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.