Daniel 6:26 - Ohiatonhseratokénti

²⁶ Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Daniel 6:26 ပူးပေါင်းရင်းမြစ်များ

Ezra 1:3

Aiá꞉wens ne Rawenni꞉io ahisewakwekónhake tsi rahónha rahonkweʼtashón꞉as í꞉ken. Ó꞉nenk tsi Jerusalem nienhénse tánon sasehnonhsón꞉ni Nononsatokentihkó꞉wa ne Roiá꞉ner rahorihwà꞉ke, ne Rawenni꞉io Israerrónonke, né꞉ne Rawenni꞉io ne ronhwashén꞉naiens ne Jerusalem.

Ezra 7:21

“Wakeró꞉ri ratikwé꞉kon ne tehontwistanónhna ne Tsi iatewatʼtséntos nokwá꞉ti ne Euphrates wathonhontsá꞉ien nahonthakariwaié꞉rike tsi nahonthahónhion ne Ezra, né꞉ne ratsihénstatsi ó꞉ni rotheweiénston ne rahoianerénhseras ne Rawenni꞉io Karonhiá꞉ke, akwé꞉kon tsi nenhiariwanón꞉tonhse,

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Psalms 146:10

Ne Roiá꞉ner tsi nénhwe tsi enononhtí꞉ioke, né꞉ne saní꞉io, Ó Zion, né꞉ne tsi waswatsiʼratátse nió꞉re. Tehonwanonhweráton ne Roiá꞉ner!

Psalms 2:11

Tsi sewaterihwatsterístats ne Roiá꞉ner kwáh tekarénhsaronk, atsenhnonhniatserákon tsi sewahiatítsont.

Psalms 29:10

Né Roiá꞉ner rénskote ne raonitskwáhrane éhʼneken ne tsi nitsaweʼnótonhkwe; ne Roiá꞉ner rénskote ne raonitskwáhrane rotenonhtiʼióston né꞉ne tsi nénhwe enkénhake.

Psalms 42:2

Kwáh tsi ní꞉ioht ne rónhkwe tsi nihoniatátʼtens nahanekíra nonékanos kwáh thóh natekonhiatonhontsóni Sewenní꞉io, né꞉ne ronnhehónwe Ní꞉io. Kátʼke ahontáke nakatkáto ne tsi rakonshón꞉te ne Rawenni꞉io?

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Jeremiah 10:10

Ók í꞉se, Saiá꞉ner, ne kwáh oriwiʼiohónwe Ní꞉io, Í꞉se ne shonnhehónwe Ní꞉io tánon tsi nénhwe Sanontí꞉io. Nónen shaʼnakwénʼen, ne tsi ionwenhtsiáte tenhiowísonʼkwe; nonkweshón꞉a iáh tahiekwéni nahiontahkátsthaʼte ne sahnahkwáhtshera. (

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Daniel 3:29

“Ó꞉nen kiʼ nón꞉wa entianerenhserón꞉ni ne kwáh tsik naienekwenhsoténhake, naionhsohkoténhake, tsi naiewennoʼténhake ne oʼthé꞉nen ahonwahsénhten ne Raotiʼní꞉io ne Shadrach, Meshach, tánon Abednego, enhonwaiaʼtaratsón꞉ko kwáh tsi niió꞉re thostiéntare, ó꞉ni entkení꞉kwekte ne tsi ronóhnsote aiotstohkó꞉take tsi ní꞉ioht tsi takahríhton. Iáh teká꞉ien ne akó꞉ren akenhá꞉ke ne Rawenni꞉io ne ahakwé꞉ni ne éhthoh ní꞉ioht tsi aonsahshakoʼniá꞉kenhte.”

Daniel 4:3

Tsi naʼteiotenonhianíhton ne ionehrákwaʼt, Rawenni꞉io shonkwarihotahshién꞉nihs! Tsi nikasatstenhserowá꞉nens ne iorihwanehrakwahténions tsi nihaieránions! Rawenni꞉io seʼ enhonontí꞉ioke tsi nén꞉we; kwáh tió꞉konte tsi raónha enthoniarotárhon!

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 6:20

Shiahárawe né eʼtho, kwáh thotónʼne iahoná꞉ton, “Daniel, raonátshera ne rónhnheʼón꞉we Rawenni꞉io! Átskwi ne Rawenni꞉io ne iorihwató꞉ken thioʼténhse, wahoteʼsennaién꞉taʼne ken ne ahiaiaʼtanónhstate tsi nón꞉we nikónnheʼs né kèn꞉reks?”

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Daniel 7:27

Ne kaʼshatsténhseras ó꞉ni ne iorihowá꞉nens kwáh tsi niaʼtekanakerahserá꞉kes né tsiionhontsá꞉te ne entiontá꞉ton ne Roʼshatstenhserowá꞉nen Rawenni꞉io raonkweʼtaʼshón꞉a. Raotinontiióʼtshera raoʼshatsténhsera iáh nonwén꞉ton thiaontókten, tánon ratikwé꞉kon ne ratikoráhshons ne tsi ionhontsá꞉te enhonwarí꞉wawaʼse ó꞉ni enhonwawén꞉narahkwe.

Hosea 1:10

Ethó꞉saʼne tsi nenhonatiohkowá꞉nenke nonkweshón꞉as Nisraeró꞉nonke kwáh tsi ní꞉ioht tsi tekanesaronhkotáron ne kaniatarakeʼkowáhne, né꞉ne iáh thahónton nahionshé꞉ʼte khés ó꞉ni naiekontserihárenh; tánon thóh nón꞉we nihonwanén꞉ni, “Sewakwekon iáh í꞉i tewakonkweʼtashón꞉as tèken,” kwáh kí enhonwanénhase, “Ne sakoiohokón꞉as ne ronnheónwe Rawenni꞉io.”

Malachi 3:6

Aseʼkénh Í꞉i ne Watiá꞉ner ne iáh thaʼtekatténieʼs; eʼthó katíʼ í꞉se, ne tshisewaioʼokón꞉ʼahs ne Jacob, iáh tehonwanahtón꞉ton.

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

Luke 1:33

Nok enhonontiioke tsiniienhenȣe tsi henhaȣatsiratatie ne Jacob; nok iah nonȣenton tiiaontokten ne rahonakerasera.

Luke 12:5

Enkȣarori ki tanon tsinahoten aeseȣastsaniseke: neh seȣatsanisek tsinahoten iakorios, nok onakenke Onesson iaiakoiatonti; neh tohiken seȣatsanisek.

Acts 17:25

Iáh ó꞉ni thènen tatehothonwentióni ne thènen nahonthatsíʼtsion tsi ahtsitewahiótense, ne tsi kwáh rahonhatsíwa tatháwas natónnhets ó꞉ni nahonhnísera tánon kwáh tsi nathahiakotonwentioníhake ne tiehiatátʼtion.

Romans 9:26

Tanon kwáh tsi nónwe nihiokwénrare neh thoʼní꞉ioht tsi ronwatiróri, ‘Iáh í꞉se tewakonkwéta,’ neh thoʼnónwe ne enhonwathinathónkwaʼke neh ronʼnheónwe Rawenni꞉io sakoienhokónha.”

Deuteronomy 5:26

Ónhka kén nónhkwe nonhwén꞉ton shé꞉kon ahiakónhnheke nó꞉nen iakothontè꞉hon ne rónhnhe Rawenni꞉io ahontahatá꞉ti ne tsi ioʼtékha?

1 Thessalonians 1:9

Kwá onkwetakwékon iakotarákwen tsi ní꞉ioht tsi wahteskwaróton ne siakwanatarénase, tánon tsi ní꞉ioht tsi thonsehsewatkaraténi tsi nòkwa ne kahiatonnisónhas tánon Rawenní꞉ioke ionséhsewe, nasisewahiótense ne oriwiʼiohónwe ó꞉ni ne ronnhehónwe Ní꞉io

Hebrews 12:29

tsoríhwa nonkwaʼNí꞉io kwahʼse rahónha ne iotónkoʼte ne karihwahthóntha.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 4:10

ne tewáhsen kaiéri nihá꞉ti ratirehtsá꞉ron wahatiiataién꞉taʼne raohén꞉ton tsi niká꞉ien né꞉tho renskó꞉te anitskwará꞉ne, tánon wahonwashén꞉naien tsi niká꞉ien ne raónha enrónhneke tsi nén꞉we tánon tsi nén꞉we enkénhake; thóh wahatí꞉ien ne raonanonwaró꞉re ohén꞉ton tsi wanitskwaráhserote, tehothiriwákwen, nónen thoh nenhotí꞉iere,

Revelation 5:14

Tánon ne kaié꞉ri nihá꞉ti ne rononhénion kárhios wahonhní꞉ron, “É꞉tho niiá꞉wenh!” Tánon ne ratiretsárons wahatiiatiénenhne tánon waonwashén꞉naien.

1 Samuel 17:26

Ne Táwit wahawénhase ne rón꞉kwe ne raiaták꞉ta rátahkwe, “Ónh nahonwatiérase ne rón꞉kwe nón꞉ka ahononhwarhiákhon kí꞉ken Philistiaró꞉non, tánon éhren ahaháwite natehénsera NÍsraerʼronónke? Asèken ónhka kí꞉ken ne iáh tehotewarahkwétaron Philistiaró꞉non ne ne rahón꞉ʼa asakonenrók꞉thaʼse ne ronwaterí꞉iose ne ronnheʼónwe Ní꞉io?”

1 Samuel 17:36

I꞉i kwáh kekononhwarhiákhon tetsá꞉ron ne kénreks ó꞉ni nokwáhri; tánon kí꞉ken ne iáh teotewarakwétaron Philistiaró꞉non kwáh nonhnéʼeh tho nenhoiátawe tsi kíʼne eh nihotiʼiatawénhʼen ne ró꞉nonha, neh tsi sakosenhnakʼsáton ne raotió꞉kwas ronterí꞉ios ne ronhnheʼón꞉we Ní꞉io,”