Daniel 6:22 - Ohiatonhseratokénti

²² Ne Rawenni꞉io né rihsénnaiens, tahotó꞉ri né raronhiaʼkehró꞉non né ahshakóhskweke né kèn꞉reks né ne tóhsa akatkaréwahte. Né aorì꞉wa eʼtho nahá꞉iere né tsi roterién꞉tare tsi iáh tewakennhìkon tánon ó꞉ni iáh thé꞉nen tekonʼnikonrhaʼtén꞉ni, Sanóntí꞉io.”

Daniel 6:22 ပူးပေါင်းရင်းမြစ်များ

Genesis 40:15

Aseʼkénh, tiontiaʼtanènhskwen tsi thononhontsá꞉ien ne Hebrews; tánon ó꞉ni ne kwáh kén꞉ʼen kwáh iáh oh thé꞉non thaʼtewakatèn꞉tshon naionkehnhó꞉tonke.”

2 Samuel 22:7

Thóh tsi natewakanikónrahre iahináton ne Roiá꞉ner; raonhá꞉ke nakeʼNí꞉io iahiná꞉ton. Thóh raononsatokentiʼkowáhne wahakewénhnaronhke, tánon tsi tekaʼséntʼthos iahothóntene.

1 Kings 13:28

tánon iahosháthen tánon iahatʼtsénhri ne rothó꞉kenhse rahoierónhta owahá꞉ke káien, né tewahóntes ó꞉ni ne kénreks shé꞉kon thóh ákta íh꞉nete. Né kénreks iáh tehawékon ne oierónhta iáh ó꞉ni tsehotsathóntion ne tewahóntes.

2 Chronicles 32:21

Né Roiá꞉ner raronhiakeró꞉non tahoténiete né waʼshakononhwariákon ne ronhterí꞉ios ó꞉ni ne ronaterihóntons né Assyriaró꞉nons rahotitsiókwah ronhterí꞉ios. Ká꞉ti ne rakóra Assyriaró꞉nonhke nionhsáre rotehénʼen. Énska kí꞉ken nenhʼné꞉e tsi nikaríhwes raononsatokentiʼkówaʼne né raoní꞉io iehenterónhthaʼkwe, thóh ká꞉rah nihátikwe ne sakohiohokónhas wahonwanonwariákon raonasharehkówa wáhonste.

Psalms 118:28

Í꞉se Nakení꞉io í꞉ken, tánon kwáh í꞉se thenkonhnonweráton; í꞉se Nakení꞉io í꞉ken, kwáh kíʼ enkonsenhnakará꞉thaʼte.

Psalms 26:6

Saiá꞉ner sakatsióhare né nakéneste tsi iáh tewaʼkeníkon, tánon watkhakwahtaséhnion ne tsi kanióte ne sáwenk ietienhará꞉kwah, O Saiá꞉ner,

Psalms 31:14

Ók isèke nón꞉we nitewaʼkethákwen, Ó Saiá꞉ner; Ká꞉ton, “I꞉se nakeNí꞉io í꞉ken.”

Psalms 34:7

Ne raoronhiakerónon ne Roiá꞉ner thensakotsiatáton tsi nihiákon ne ronwaʼsénhnaiens, tánon sahkoniakéntha.

Psalms 38:21

Tó꞉sa kíʼ takatewénhtet, Ó Saiá꞉ner; Ó akeNí꞉io, tó꞉sa ahí꞉nonh nió꞉re taséhset tsi nón꞉we níkes;

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Jeremiah 37:18

Ethónne waʼkeriwahnónhton, “Nahó꞉ten seh waʼkateriwahteʼwáhthon ne shonháke tó꞉ka ó꞉ni tsi nòkwah ne shonkwethashon꞉a tó꞉ka ó꞉ni tsi nòkwah kíʼ kén onhkweshón꞉a, tsi wahkhakwéhni waskheʼnhóthon?

Daniel 3:28

Ne ronnontí꞉io wahén꞉ron, “Ronwahsénnaien ne Ronwawenní꞉io ne Shadrach, Meshach, tánon ne Abednego! Tahoténiehte ne raoronhiaʼkehró꞉non ne aonsahonwatiʼniá꞉kenhte kí ronnón꞉kwe tsi ronwaioʼténhse ó꞉ni thonwehtáhkwen. Iáh teionkewennaráhkwen ó꞉ni eʼtho ronnonnhárahkwe né tsi iáh thatehonatshákton ó꞉ni nakonwahsénnaienke oktiʼká꞉te ne ní꞉io kwáh né khók ne ronónha ronwawenní꞉io.

Daniel 6:20

Shiahárawe né eʼtho, kwáh thotónʼne iahoná꞉ton, “Daniel, raonátshera ne rónhnheʼón꞉we Rawenni꞉io! Átskwi ne Rawenni꞉io ne iorihwató꞉ken thioʼténhse, wahoteʼsennaién꞉taʼne ken ne ahiaiaʼtanónhstate tsi nón꞉we nikónnheʼs né kèn꞉reks?”

Daniel 6:23

Iáh thiaierihwáhewe tsi nahatshennón꞉ni ne ronnontí꞉io tánon washakóhnhaʼne né raohnhaʼtsheraʼó꞉kon né aonsahonwaiaʼtitáhko ne Daniel né ohshónwakon. Sók kíʼ sahonwaiaʼtitáhko, tánon wahontkáhtho tsi kwáh iáh thé꞉nen tehotkarewáhton, né tsi Rawenni꞉io roniahé꞉sen.

Daniel 6:4

Eʼthó꞉ne ne ronatiaʼkéhshon né ronttókhas tánon né ratikoráhshon wahonteʼniénten ne ahonwarihwatshénriaʼse ne Daniel tsi ní꞉ioht tsi roterihwahtentiatonhátie tsi kanontiioʼtsherá꞉ien, nok iáh tehotirihwahtshénrion, ne tsi nihorihwató꞉ken ne Daniel ó꞉ni iáh thahó꞉ten thaʼtehoterientawénrie kehs ne ahoʼnikonhráhton.

Daniel 6:7

Iakwakwé꞉kon ne ionkwaióʼte ne sanontiioʼtsherá꞉kon, né ne shakonatenʼnikonhrahsonterá꞉nis, né ratikoráhshon, tánon né ieshonwatiiátanonhne, ó꞉ni né ronatiaʼkéhshon ronaterihónton, iaʼtionkwarihwaién꞉taʼse, Sanontí꞉io teiotonhontsóhon né ahshiatonhserón꞉ni tánon kwáh aiorihwahnirónhake. Kwáh í꞉tsaʼk né ne áhsen niwáhsen niwenhniserá꞉ke kwáh tóhsa ónhka aiakoianerenhseraiéntake né thé꞉nen ne aionterénnaien tsi nokwá ne thikaniiohserá꞉te non naontá꞉we tókaʼ ó꞉ni ne onkwehshón꞉ʼa nokwá naontá꞉we, nok kwak nek khók né sanontiióhne nokwá꞉ti naontá꞉we. Onk ónhka entsontèwahte kí kaianerénhsera, tsi tionatshónwaien ne kèn꞉reks ieniontatiaʼtón꞉ti.

Micah 7:7

Ók kíʼ ní꞉i, kwáh kíʼ iatenhikanérake ne Roiá꞉ner, kwáh kíʼ enhihiateráhrate ne Roiá꞉ner, rahónha natiatakená꞉tshera í꞉ken; náhke Ní꞉io enhakaʼthón꞉tehne.

Numbers 20:16

tánon iatsionhkwahénrete rahonháke ne Roiá꞉ner nasonhkwahiénawase. Wasonhkwatʼthóntene tánon raronhiakeró꞉nonh tahoténiete, rahón꞉ʼa wasonhkwahéntense tsi thonhtahiakwahiákenhne ne Egypt. Ónenh kíʼ nónhwa Kadesh nónhwe nitsákwes, ne tsi kanatowaʼnénhke ákta ne tsi sateristatátie.

Matthew 27:46

Ne nahoten tioten siioȣistahe ȣathohenrete ne Iesos, raton: Eli! Eli! lamma sabachtani? Saton: Niio! Niio! ohniiotieren tsi takateȣenteton.

Acts 12:11

Ethò꞉ne ónen ne Tiér wahátʼthoke tsi nahohiátawen, tánon wahénron, “Ónen kíʼ onkateriéntaraʼne tsi kwáh oriwí꞉io í꞉ken! Ne Roiá꞉ner tahotóri ne rahoronhiakerónon nahonsahakeniákente tsi nókwa ne Herod rahosatsténsera ó꞉ni tsi nahoténsons ne Sitaeró꞉nons ronskánekskwe tsi naʼiawénseron.”

Acts 24:16

Káti tiotʼkonónwe iatewakatatʼtiaháton ne kwáh akeriasihióhake rahohénton ne Rawenni꞉io ó꞉ni nonkwesónha.

Acts 27:23

Asèken tiokarása ne Rawenni꞉io raoronʼiakerónon tsi nikáien ne raónha rahonkwéta ni꞉i tánon ó꞉ni tsi nikáien ne risénnaiens wahatiatórenne

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

2 Timothy 4:17

Nók ne Roiá꞉ner wahakarískothe ó꞉ni tahákon ne kasatsʼténsera, neh natkwéni akerihówahnahthe nakananónhake nateriwahnothátsera ratikwékon ne iáh tehatisitaerónons nahónronke; tánon sakeniákenʼne nahionkeriwénton nahonkihéion.

Hebrews 1:14

Nahóten nen꞉ne ne ratironhiakerónons? Né꞉ne rotihiatatokéntis ronwahʼiótense ne Rawenni꞉io tánon rahónwah teshakotóries nashakotisniénon tsi nihiákon neniehiéna ne kaiatakenhátshera.

Hebrews 11:33

Tewehtákwen tsi ní꞉ioht tsi wahʼhontirí꞉ioste tánon kanakerahserakwékon tsi wahontʼkwéni. Tóh nahatí꞉iere tsi nateiotonwentióʼon tánon wahatiʼiéna tsi nihorahrátston ne Rawenni꞉io. Wakonwatískweʼke ne kénreks,

1 Samuel 17:37

Ne Táwit wahén꞉ron, “Ne Roiá꞉ner, tsi raón꞉ha sakenonsthá꞉ton ne washitáhke ne kénreks tánon ne rashitákes ne okwáhri, kwáh kiʼ enhakenónsthate tsi nó꞉kwah ne ratsanáke ne kí꞉ken Philistiaró꞉non.” Káti ne Saul wahawénhase ne Táwit, “Wáhs, tánon aiá꞉wens ne Roiá꞉ner ahiʼsenikwekónhake!”

1 Samuel 26:18

Tánon kiʼ iahá꞉ieste, “Ónh nontiéren natiá꞉ner tsi roséhres ne raonhá꞉tsera? Asèken onniwakatiéren? Nahó꞉ten wakeníkon ne kaʼtshanáke?