Daniel 6:20 - Ohiatonhseratokénti

²⁰ Shiahárawe né eʼtho, kwáh thotónʼne iahoná꞉ton, “Daniel, raonátshera ne rónhnheʼón꞉we Rawenni꞉io! Átskwi ne Rawenni꞉io ne iorihwató꞉ken thioʼténhse, wahoteʼsennaién꞉taʼne ken ne ahiaiaʼtanónhstate tsi nón꞉we nikónnheʼs né kèn꞉reks?”

Daniel 6:20 ပူးပေါင်းရင်းမြစ်များ

Genesis 18:14

Thénen ónhte kenh sóh꞉tsi wentó꞉re ne Roiá꞉ner raorihwá꞉ke? Tsi niekaná꞉ton Kwáh téntke tentkoniatkenʼsé꞉ra, né꞉ne kokwité꞉ne nenkahá꞉wike, tánon ne Sarah roskenʼrakéhte eniakonekenhteronʼtsheraién꞉take.”

1 Chronicles 16:11

Rahonháke ne Roiá꞉ner niaháseʼwe natsisewaʼiénawaʼse; tánon iehiokonhtakwénhak tsi sewaʼsenhnaiénsek.

Psalms 119:112

Iatewakerihwaiénhtase nakatewénhnarahkwe ne saianerénhseras, kwáh tsi nió꞉re ienkí꞉heie.

Psalms 146:2

Kwáh thenhinonweratónhsehke ne Roiá꞉ner kwáh tsi nikaríhwes enkónnheke; Kwáh thenhirihwákwaʼse ne kanonweratónhtsheras nakeNí꞉io kwáh tsi nikaríhwes enkónnheke.

Psalms 73:23

Ók kíʼ shé꞉kon tsatákʼta í꞉kes, tánon takenentʼtsawáʼkon.

Jeremiah 32:17

“Sahnonhtí꞉io Saiá꞉ner, i꞉se shá꞉son ne tsi ionwenhtsiáte ó꞉ni ne tsi karonhiáte ne sátsthon tsi sashastsʼtenserowáhnen ó꞉ni sehsátsʼte; kwáh iáh thahóthen ne ahisentoráhkwen.

Daniel 3:15

Ó꞉nen káti, tsi niiohstó꞉re ensewathón꞉teʼne nenwatewennó꞉ten ne iehonrawátstha, ne oná꞉kare, oʼnówa, ne oʼnowaʼkó꞉wa, ne karensotarahrónnion tánon oiáʼshon niiohtánions ne ionterennotahkwaʼshón꞉ʼa, tesewatshá꞉ket tánon sewahsénnaien ne kaiaʼtón꞉ni. Tánon tókaʼ iáh eʼtho thaeʼsewá꞉iere, kwáh kiʼ óksaʼk ienietshiiaʼtón꞉ti tsi tiotékha. Í꞉sewehre ónhte ken tókaʼ seʼnón꞉wa oknahaniiohseró꞉ten nahakwé꞉ni nahʼtshisewaʼniá꞉kenhte?”

Daniel 3:17

Tókaʼ ne Rawenni꞉io tsi niká꞉ien ne shakwaioʼténhse rokwénion ne aonsahshonkwaiaʼtatáhko tsi tiotekhaʼkó꞉wa tánon ó꞉ni tsi nonkwá ne í꞉se saʼshatsténhsera, thó katiʼ nenhá꞉iere.

Daniel 6:16

Sók kí ne ronnontí꞉io washakónhaʼne ne raonnhaʼtsheraʼshón꞉a, iehonwaiaʼténhawh ne Daniel tánon tsi tkontì꞉teron né kèn꞉reks iehonwaiaʼtón꞉ti. Nok wahawénhase ne Daniel, “Aiá꞉wens né Saní꞉io, tsi niká꞉ien ne tsi nisarihwató꞉ken tsi ehtíoʼténhse, ne aonsahiaʼniákenhte.”

Daniel 6:19

Kwáh né khók shahéntenʼne né ronnontí꞉io wahatkétsko tánon waʼthosteríhen tsi tiohshónwaien wárehte.

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Daniel 6:27

Shakonónhstats tánon shakoʼniakénhtha; né roióʼtens né iorihwanehrákwa tánon né iorihwanehrakwahténions, né karonhià꞉ke ó꞉ni onhwentsià꞉ke. Sahoniá꞉kenhte ne Daniel, né kèn꞉reks ahonwaiaʼtaratsónkwen.”

Hosea 12:6

Ók kí ní꞉se, Saní꞉io nón꞉we nionsáse, ne satienawastónhak ne raʼonoronhkwáhtshera tánon ne kaianéren, tánon tasakontakwénhak tsi tsiaterá꞉rat ne Saní꞉io.

Numbers 11:23

“Iehiotók꞉the kèn nakeshatsténshera?” ne Roiá꞉ner watharihwasehráko. “Kwáh iosthó꞉re ensatʼkátho tó꞉ka kèn tsi nahó꞉ten wáken thóh nenhiáwenhne khès ne iáh!”

Luke 1:37

Aseken iah ki othenon tahonoronse ne Niio.

Luke 18:1

Sekon, are oia tonsasakoriȣakentonkȣen, ȣasakonatonnihtakȣe tsi teiotonȣentsiohon ne tiotkon aiakoterennaientake, tosa taieȣishenheie;

Acts 6:4

Nonkwátsiaks, neh káti, hiatenʼiakwatatʼtiáhate tsi nókwa ne aterénnaient ó꞉ni ne ateriwanothátsera ahohioténsera.”

Romans 2:7

Rohnatiakhésons ne ronʼnónkwe nek rothiʼióte ne iohiánere, tánon ronʼnésaks neh kaiataterítsera, kakwenienstátsera, tánon ne hionʼnheónwe atónʼnhets; ronʼnónha ne Rawenni꞉io entesakáwen ne tsi nénwe enhonnónʼnheke.

2 Corinthians 1:10

Rawenni꞉io sahshonkwaiá꞉tako tsi ní꞉ioht tsi teionkwatenharenʼronhkwén꞉ni ne kenhé꞉iat, ó꞉ni kwáh orihwí꞉io waʼatión꞉ni tsi shé꞉kon eh nenhsáh꞉iere.

Colossians 4:2

Teswisástek tsi saterén꞉naien, tánon senikonráh꞉rat tsi nahóten ensaterennaienthákwe, tsi nahthentienonwerá꞉ton ne Rawenni꞉io.

2 Timothy 1:12

tánon neh kíʼ ahoríhwah wahkeronhiáken kí꞉ken nahorihoténsons. Onk sékon kíʼ wahkenikonraníron, tioríhwah wahkateriéntare ónhka thiʼietákwen, tánon kwáh orihwí꞉io wahkónni rohkwénion nahatiatanónstathe tsi nióre ne tewenniseráte tsi nahóten rakeniahesáʼon.

Hebrews 7:25

Tánon káti rohkwénion, nónwah ó꞉ni tiókonte, nashakoniákente tsi nihiákon né rahonháke nónwe nién꞉ien rahohénton ne Ní꞉io, tioríhwa tsi ronnhehónwe nahoniténtase ne Rawenni꞉io ne rahotirihwáhke.

Ne꞉ne Sák Rohiaton 1:25

Nók tóh꞉ka kwáh ákta tsi enskenhénhion ne kahianerenserí꞉io ne tsi nikáien tiakotatewennihiósta nónkwe, tánon nètho kwáh áktha tsi ensatennikonráren, tánon kwáh iáh tasathahónsatatʼte tánon ó꞉ni entsisanikónren, nók tóh꞉ka enshiótenste—Rawenni꞉io enhiaʼiatatériste tsi nensátiere.

Jude 1:24

Tsi nikáien ne rokwénion nahiaʼiatanónstate tánon iáh othé꞉nen tahianihtséron tánon rahohénton ensathonnárake ne rahoiatanerahkwatsherákon—