Daniel 5:6 - Ohiatonhseratokénti

⁶ Nó꞉nen ne ronnontí꞉io shahatkáhtho waʼthatskennentónten ó꞉ni kwáh í꞉ken tsi wahoteronhiénhten kwáh waʼthosiníshonkwe.

Daniel 5:6 ပူးပေါင်းရင်းမြစ်များ

Psalms 22:14

Waʼkatesatstenserók꞉ten; thóh ní꞉ioht tsi ní꞉ioht nonékanos onhwenhtsáke waʼwé꞉ron. Tánon akwé꞉kon nastsienshón꞉has tehiosthonterakwenháton; nakwerhiáne thóh ní꞉ioht tsi shí꞉ken ní꞉ioht ne ohenhsa; thóh iowistanawénhon ne kenskwenákon;

Psalms 69:23

Tesehrón꞉wek né꞉ne tó꞉sa ahonsahatikénhake, tánon ne ratishinakésons iahiokontakwénhake tahotisinishónkwahke.

Isaiah 35:3

Sheʼshatsténseron ne ietsanàhkes, tánon snírat ne iotsiʼióha iekwitsàkes.

Isaiah 5:27

Iah ónhka tsi niháti tatehotiwisenhéion, iáh ónhka thatehotiʼiathénhtons, Iáh ón꞉ka tehotiserénhtaras khés nahotitásheke, iáh nénska natsatáhna iáh tahiosaréhshonke, iah ó꞉ni ne ronrashitorókstha òna thaʼtakaiákon;

Jeremiah 50:43

Ne Ronhnonhtí꞉io ne Babylon nónhwe wahaiéna noríhwa tsi nòkwah ne tehontátʼtions, tánon wahotsihióhaʼne tsi nahóteronhne. Kahteronhkwáhtshera tánon karonhiakénsehra wahotsakénsehrahkwe, tsi ní꞉ioht ne nónenh ne iónhkwe iowirahientáhsehre.

Ezekiel 21:7

Nónenh enieshariwahnónhtonse onhnitiotséren tsi sonhséhna, sehró꞉ri ne tsi oríhwa táwe. Nónen énwahwe, ne ronherhianhéson ne tetkárahke ne kateronhkwáhtshera, ne rathinenhtʼtshákes tenhiorenthónhake, ne rahothinikonhrahnirátshera enhioriwahnóron, tánon ne ratikwitsákes tenhiawéntonhwe. Ónenh iakáhewe; kénʼen íhwes.” Ne Ronhnontí꞉io Roiá꞉ner wahatáti.

Ezekiel 7:17

Rathikwékon ne rontshanáhkes iáh othènen takasthátonke, tánon ne rathikwítsakes kwáh enhiahontáwethe.

Daniel 2:1

Ne tekeníhaton shiiohseratátie ne Nebuchadnezzar shihonontí꞉io, wahotétshen. Tsi naʼthaʼnikonhrá꞉ren iáh tesewátonhskwe ne aonsahó꞉taʼwe.

Daniel 3:19

Eʼthó꞉ne ne Nebuchadnezzar iahótonse tsi nahonákhwen, tanon ne rakonhsà꞉ke kwáh onekwénhtara naʼáwenʼne tsi nahshakonákhwaʼse ne Shadrach, Meshach, tánon ne Abednego. Sók ki wahatén꞉naʼne tsá꞉ta niiorí꞉wake sénha ahonʼtharihá꞉ton ne karístatsi.

Daniel 4:19

Eʼthó꞉ne, Daniel, raónha ó꞉ni Belteshazzar ronwá꞉iats, tsi nontahatónʼneke iáh tehokwénion ne thé꞉non ahá꞉wenke. Ne ronnontí꞉io wahawénhahse, “Belteshazzar, tóhsa natetshénhsera ó꞉ni tsi nikénton tisatonʼnékten.” Belteshazzar tonsaharihwaʼserá꞉ko, “Sanontí꞉io, aiá꞉wens ne eʼtho atetshénhsera tánon tsi nikaʼnikonhraientáhtha né ne iesáhswenhs aiakotónheke nók iáh ní꞉se.

Daniel 4:5

Nók onkatétshen né iotetshenhserátteron tánon iotteronhtónnionʼs waʼkatkahthóhseron tsi náhe wakí꞉taskwe.

Daniel 5:5

Thontaiawénstsi osnónhsa waʼokè꞉tohte ó꞉ni tontáhsawen tsi kanawatstárhon nahshonhtà꞉ke onthiá꞉ton, tsi nón꞉we naʼteiaʼóien ne kahahseró꞉ton kwáh í꞉ken tsi teiohswáthe. Tánon ne ronnontí꞉io wahatkáhtho tsi onthiá꞉ton.

Daniel 7:28

Né kí né tsi ieió꞉toʼkte norihwaʼshón꞉a. Eʼtho niió꞉re tsi ónkteronʼne kwáh watkatskennennaʼtón꞉ten, ó꞉ni kwáh orihwakwé꞉kon akonhá꞉ke waʼkateweiénton.

Nahum 2:10

Enwatsesatón꞉ke, enkarihwaiésa, tánon enwatkarón꞉ni! Enhiakoteronhiénhten tánon thenhiakosiníshonkwe, akwé꞉kon enhonteshatstenhserókten, ratikwé꞉kon thenhonskenhnenhnatónhten!

Hebrews 12:12

Sewaharáhtat ne teiowisenhéion sewahtshanákes, tánon sewahshatsʼténseron ne tehiowishiónkwahs sewahkwí꞉tiaʼkes!