Daniel 5:5 - Ohiatonhseratokénti

⁵ Thontaiawénstsi osnónhsa waʼokè꞉tohte ó꞉ni tontáhsawen tsi kanawatstárhon nahshonhtà꞉ke onthiá꞉ton, tsi nón꞉we naʼteiaʼóien ne kahahseró꞉ton kwáh í꞉ken tsi teiohswáthe. Tánon ne ronnontí꞉io wahatkáhtho tsi onthiá꞉ton.

Daniel 5:5 ပူးပေါင်းရင်းမြစ်များ

Job Tánon ne Raoronhiakensera 20:5

ne raonatsenhnonhniátshera ne ionkweʼtahétkens iáh thatekawishátste, tánon ne raonatshenhnonhniá꞉tsera ne iáh teotinihioserá꞉ien kenk nonhnè꞉e nikarì꞉wes?

Proverbs 29:1

Tókaʼ sénha enhsatenontsistahní꞉rate tsi ní꞉kon ónhka aiesarihwakwaríhshion, éntewe nenhnísera akwáh tokén꞉ʼen ensateraʼswáksenʼne tánon iáh nonwén꞉ton thaonsahsatonhnhakwatá꞉ko.

Jeremiah 50:43

Ne Ronhnonhtí꞉io ne Babylon nónhwe wahaiéna noríhwa tsi nòkwah ne tehontátʼtions, tánon wahotsihióhaʼne tsi nahóteronhne. Kahteronhkwáhtshera tánon karonhiakénsehra wahotsakénsehrahkwe, tsi ní꞉ioht ne nónenh ne iónhkwe iowirahientáhsehre.

Daniel 4:31

Nʼohén꞉ton nʼiahatewennókten, karonhiá꞉ke nontá꞉we ne Rawenni꞉io wahén꞉ron, “Sanontí꞉io Nebuchadnezzar, satahónhsatat tsi nahò꞉ten enkonhró꞉ri. Ó꞉nen waʼkónhkhwa ne sashatsténhsera tsi nón꞉we nisatenontiióhston.

Daniel 4:33

Kwáh óksak eʼtho naʼá꞉wenʼne tsi nithonwahró꞉ri. Nebuchadnezzar wahonwanakerákwahte tsi nón꞉we niienákere nonkwehshón꞉ʼa ne tsi ionhwentsià꞉te tánon ó꞉ni óhonte wà꞉rake tsi ní꞉ioht ne tiohnhónskwaron teiotinà꞉kares. Wahoʼáweiahste ne raiaʼtá꞉ke, tánon wahononhkwiseré꞉shaʼne tsi ní꞉ioht ne à꞉kweks ohsthóseri ó꞉ni waʼthatsiʼeré꞉shaʼne tsi ní꞉ioht ne otsiʼtén꞉ʼa tsi tewaʼehtóntons.

Daniel 5:15

Né shakonatenʼnikonhráwihs ó꞉ni ne niaʼtehotirì꞉wake iehonwatihnonkón꞉ne ne ahatiwennahnó꞉ten ki nahò꞉ten kahiá꞉ton tánon aionkhihró꞉ri nahò꞉ten kéntonhs, ók iáh tehotikwénion ne iahotíhe nahò꞉ten kéntonhs.

Daniel 5:4

Tánon waʼkonwatihsénnaien ne kaiaʼtonniʼshón꞉ʼa nohwistanó꞉ron ionniá꞉ton, kahwistarà꞉ken, kahwistárhon otsí꞉nekwahr karistá꞉tsi, ó꞉iente, tánon ne onén꞉ia.

Daniel 5:6

Nó꞉nen ne ronnontí꞉io shahatkáhtho waʼthatskennentónten ó꞉ni kwáh í꞉ken tsi wahoteronhiénhten kwáh waʼthosiníshonkwe.

Daniel 5:8

Eʼthó꞉ne ne kanontiióʼtshera aonkweʼtaʼshón꞉ʼa ne ronteʼnikonhrattókhaʼs ahshonhtákta niahónne, iáh ónhka tehotikwénion nahotiwennahnó꞉take tánon ó꞉ni nahonwahró꞉rike ne ronnontí꞉io tsi nahò꞉ten kéntonhs.

Colossians 2:14

saharáh꞉kewe tsi nihionkwasennatʼsáthakwe ne hionkwatʼkarotákwe tsi nihkanerenstónhne ne kaianerénhseras tánon kwáh aʼhé꞉ren wahahá꞉wite tsi niahanonwahró꞉ten ne kaiásake.