Daniel 5:21 - Ohiatonhseratokénti

²¹ Rawenni꞉io wahorékwahte tsi nón꞉we nihatí꞉teron ne onkweʼshón꞉a, tánon eʼtho nahoʼnikonhró꞉tenʼne tsi ní꞉ioht ne kontírio. Skátne wahóntien ne ratirhakonhró꞉non ne tewahónhtes, ó꞉ni eʼtho ní꞉ioht tsi wahahóntake tsi ní꞉ioht ne tiohnhónskwaron teiotiná꞉kares, ó꞉ni átste raonwéhstakwe tánon tsi iáh thé꞉nen thahoiatanónhstate tsi ne ahoʼáweiaste tsi nón꞉we nihanonhwétsthakwe. Tsi niió꞉re iahoʼnikonhraién꞉taʼne tsi né seʼ ne Roʼshatstenhserowá꞉nen Rawenni꞉io tehshakoniarotárhon ne onkweʼshón꞉a ne tsi nonwéhshon niʼienakerénion tánon rokwénion ne aontahshakáon ne kanontiióʼtsheras ne kwáh tsik ónhka nen shakohiaʼtará꞉ko.

Daniel 5:21 ပူးပေါင်းရင်းမြစ်များ

Job Tánon ne Raoronhiakensera 39:5

“Ónhka sakorihwá꞉wis ne karakonró꞉non tewahòn꞉tes nahontatewenní꞉ione, Ónhka sakonerénhshion ne tehió꞉ka tewahòn꞉tes,

Ezekiel 17:24

Kwáh tsi niatekarónhtake ne tsi ionwenhtsáte enhionahteriéntarahne tsi Í꞉i ne Watiá꞉ner Í꞉i wakeronhtsiakónʼnion ne tsioteronhthá꞉tes tánon wahkhehiónhnien ne nikaronhtáhas nakonhtehiáron. Wakátsthate ne oronhtáses tánon ne wakhehiónhnien ne ioronhthastátʼtens noronhtáseh ahonsónhton. Í꞉i, ne Watiá꞉ner, wakatáti. Thonénhtiereh tsi niwáhken tsi náhtiereh.”

Daniel 4:14

Kwáh wahatewénnatehte, ‘Seróntiaʼk tánon tetsà꞉khon naoʼnenhraʼshón꞉ʼa; senerahtoskarónko tánon tesaréniaʼt naohikʼshón꞉ʼa. Sheiatékwahʼt ne kontírio ne karontó꞉kon ó꞉ni notsiʼtenʼokón꞉ʼa ne aoʼnenhraʼkéhshon.

Daniel 4:17

Né kiʼ tsi nihonohétston nowennaʼshón꞉ʼa ne ratironhiaʼkehró꞉non tsi nihonatateweiennentáʼon tánon ratiʼnikón꞉rare. Ne iorihón꞉ni akwé꞉kon nonkwehshón꞉ʼa aiakoterién꞉taraʼne ne Roʼshatstenhserowá꞉nen Rawenni꞉io kwáh thishakowenní꞉io ne tsi kanontiiotsherakè꞉ron tsi ionhwentsá꞉te tánon ó꞉ni kwáh thenhanónhton nónhka aontahshakáwen ne kaʼshatsténhsera kwáh tsi nenthanón꞉weʼne—shé꞉kon ó꞉ni ne kwáh kenʼ naontaiehsennáhska.’”

Daniel 4:22

“Kí karòn꞉ta, Sanontí꞉io, né ne í꞉se! Sakowanhà꞉on ó꞉ni saʼshatstenhserowannhà꞉onʼ. Ne tetsitsatié꞉ren ne kwáh karòn꞉tes ne iekaníharaʼs ne tsi tiohtsikerarónnion. Tánon ne saʼshatsténhsera tsik nonwéhshon non ne tsi ionhwentsiá꞉te iekaní꞉haraʼs.

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 4:26

Ne raronhiaʼkehró꞉non wahaténnhaʼne né tho aiotsinaʼahró꞉take nonhwentsià꞉ke, ne kí karihwahní꞉rats tsi shé꞉kon ensehsatenontí꞉iohste, né nó꞉nen enhserihwahní꞉rate tsi Rawenni꞉io seʼ rahsharí꞉ne ne tsi ionhwentsià꞉te.

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Daniel 5:18

“Ne Roʼshatstenhserowá꞉nen Rawenni꞉io taháon ne iaʼníha Nebuchadnezzar ki kanakeráhsera tshiewakwé꞉kon naoʼshatsténhsera ó꞉ni ne kaiaʼtanehrakwáhtshera tánon ne nahahsennowánnha.