Daniel 5:12 - Ohiatonhseratokénti

¹² Kwáh shónhtek thí꞉io tsi nihateʼnikonhrattókha ó꞉ni roʼnikonhrowá꞉nen tánon rorennháon nahaʼnikonhraiéntahte natetshénseras, tahaniʼtonníahsi ó꞉ni nahaʼnikonraiéntahte ne ioteriʼwahséhton; káti iaʼtshínonk ki rón꞉kwe Daniel, né ne ronnontí꞉io rohsenná꞉wi ne Belteshazzar, tánon raónha akwé꞉kon enhiahró꞉ri nahò꞉ten thi kahiá꞉ton nahshonhtà꞉ke ó꞉ni tsi ni kéntonhs.”

Daniel 5:12 ပူးပေါင်းရင်းမြစ်များ

Psalms 16:3

Tsi nòkwah ne rotihiathatokéntis ne tsi ionhwénhtsaien, ronónha tánon ne ratisenhnowánens, rononháke nón꞉we nikáien nakonwesénhtsera.

Proverbs 12:26

Nónhka thorihwaié꞉ri enhoianènhawe ne ronatén꞉ro, nok né꞉ne ronathahitáhkhe iáh tethotirihwaié꞉ri enhontiaʼtáhton.

Proverbs 17:27

Nónhka ronaterién꞉tare tsi nihontiéhrha iáh tió꞉konteʼ tehotíhthare. Nón꞉kwe ne thaʼtehonató꞉te ratikaʼenionhtsherí꞉io.

Ezekiel 28:3

Íhsehre sénha í꞉se satenikonhratʼthókha tsi ní꞉ioht ne Danel, iáh thènen thahónton naiesariwahséhten.

Daniel 1:17

Rawenni꞉io tahshakáon ki kaié꞉ri nihá꞉ti kenʼnithotiión꞉sa ne karihonnienníhtshera ó꞉ni ne ahotirenʼnháon ne ahatihiatónsheke, ó꞉ni ne kaʼnikonhraientáhtshera iahawénhtate, tsi taháon ne Daniel ne ahorennʼhaʼónhake ne ahaʼnikonhraientáhthake nahò꞉ten ienharì꞉waken ó꞉ni ne atetshénhsera.

Daniel 1:7

Ne rentiohkwakweʼní꞉io à꞉se sahshakohsennawíhon: Belteshazzar, Shadrach, Meshach, tánon Abednego.

Daniel 2:26

Ne ronnontí꞉io wahawénhahse ne Daniel (Belteshazzar tehahsennásere), “Ahskwé꞉ni ken ne ahsekró꞉ri tsi nahò꞉ten wakatetshén꞉en tánon tsi nahò꞉ten kéntonhs?”

Daniel 4:19

Eʼthó꞉ne, Daniel, raónha ó꞉ni Belteshazzar ronwá꞉iats, tsi nontahatónʼneke iáh tehokwénion ne thé꞉non ahá꞉wenke. Ne ronnontí꞉io wahawénhahse, “Belteshazzar, tóhsa natetshénhsera ó꞉ni tsi nikénton tisatonʼnékten.” Belteshazzar tonsaharihwaʼserá꞉ko, “Sanontí꞉io, aiá꞉wens ne eʼtho atetshénhsera tánon tsi nikaʼnikonhraientáhtha né ne iesáhswenhs aiakotónheke nók iáh ní꞉se.

Daniel 4:8

Eʼthó꞉ne Daniel tahatáweiaʼte. (Ne Daniel Belteshazzar, rihsenná꞉wi né natiatón꞉ni riwenniióhstha raohsén꞉na.) Ne raoʼnikòn꞉ra né Rotokénhti Rawenni꞉io nikwé꞉kon, sók kiʼ wahihró꞉ri nahò꞉ten wakatetshénʼen. Wahienháhse:

Daniel 5:14

Wakahrónken né raoʼnikòn꞉ra ne Rotokénhti Rawenni꞉io tsi senikwé꞉kon tánon ó꞉ni sarennhà꞉onʼ ó꞉ni íhshawe ne attokháhtshera ó꞉ni ne kaʼnikonhraientáhtshera.

Daniel 5:16

Ó꞉nen wakerihwá꞉roke tsi skwénieʼs ne ahserihotáhsi tsi nikéntonhs ó꞉ni ne ahsheʼnikonhraiéntahten ne ioteriʼwahséhton. Tó꞉kaʼ enhskwé꞉ni nahsewennahnó꞉ten ki kahiá꞉ton tánon enhsekró꞉ri nahò꞉ten kéntonhs, ne enhshié꞉na ne kwáh è꞉neken tiótte ne kakwenienhsthátshera tánon ne ensehsatsherónniaʼte ne waʼkóhses ne arihwawaʼkonhnéha niwahsohkó꞉ten, ohwistanó꞉ron enhsaníhtiake, tánon ne tsi kanakerahserá꞉ien ahsénhaton niénhstake tsi ensaterihóntake.”

Daniel 6:3

Daniel kenʼk nikarí꞉wes sók wahrènehste tsi sénha raónha raioʼtenhserí꞉io tsi ní꞉ioht né ronatiaʼkèshon ne ronttókha tánon ne ratikoráhshon. Né tsi sénha raónha rateʼnikonhrattókha, ne ronnontí꞉io waʼthaiaʼtó꞉rehte raónha ohén꞉ton iaʼtahótahste kwáh tsi nihonontiióʼtshera.

Daniel 6:4

Eʼthó꞉ne ne ronatiaʼkéhshon né ronttókhas tánon né ratikoráhshon wahonteʼniénten ne ahonwarihwatshénriaʼse ne Daniel tsi ní꞉ioht tsi roterihwahtentiatonhátie tsi kanontiioʼtsherá꞉ien, nok iáh tehotirihwahtshénrion, ne tsi nihorihwató꞉ken ne Daniel ó꞉ni iáh thahó꞉ten thaʼtehoterientawénrie kehs ne ahoʼnikonhráhton.

Colossians 1:29

Nakáshon kí꞉ken wahtióte ó꞉ni tewakniotátie, wahkatstónhatie ne kasatstenhserowá꞉nen ne Kerístos takáwis tánon akonhá꞉ke nón꞉we niiohiò꞉te.