Daniel 4:9 - Ohiatonhseratokénti

⁹ Belteshazzar, shekowá꞉nen ne shakonathiatonhseratkénʼse, konhró꞉rihs nakatetshénhsera né tsi wakaterién꞉tare né raoʼnikòn꞉ra ne Rotokénhti Rawenni꞉io tsi senikwé꞉kon tánon ó꞉ni saʼnikonhraién꞉taʼs akwé꞉kon né ioteriʼwahséhton. Takró꞉ri nahò꞉ten kéntonhs ne wakatetshén꞉en.

Daniel 4:9 ပူးပေါင်းရင်းမြစ်များ

Genesis 41:38

Ne Pharaoh wahshakawènhahse ne raonhaʼtsheraʼshón꞉ahs, “Entewakwé꞉ni kenh ónhkaʼk ahtshitewaiaʼtatshén꞉ri ne rón꞉kwe tsi ní꞉ioht ne raónha Só꞉se ne ne rón꞉kwe ahoièn꞉take ne Rawenni꞉io raoʼshatsténhsera ne raonhá꞉ke?”

Isaiah 33:18

Né sanikónra kwáh ne enonontónhnionwe ne ranatakárias: “Kaní꞉res tsi nikáien ne rosé꞉ton? Kaní꞉res tsi nikáien ne rokontseríhare ne kawistaró꞉ron? Kaní꞉res tsi nikáien rosé꞉ton ne tsi kanikaʼtótons?”

Isaiah 54:14

Karihwaʼkwarishiontsherákon ní꞉se nón꞉we nenhsarihwaníronhke; ní꞉se ahí꞉non nió꞉re enteshé꞉seke naʼiesanikonraronhiákente, asèken ní꞉se iáh tahisaterónhseʼke; tánon nahontáwe ne katerontserowánen, asèken iáh tsatákʼta tahontáhwe.

Ezekiel 17:23

né꞉ne kwáh tsiotenónhthaʼte ne Israerʼró꞉nonhke. Kwáh enkanhathontónhnion tánon enkanenhʼónten tánon kwáh enkaronhtowáhʼna. Kwáh niatekahtsitensehráhke étho nónhwe nenhkonhtiterónhthake tánon enkonhtitsénri nakonhtsienthá꞉kwahke ne tsi iorakwahwehrósthon.

Ezekiel 28:3

Íhsehre sénha í꞉se satenikonhratʼthókha tsi ní꞉ioht ne Danel, iáh thènen thahónton naiesariwahséhten.

Daniel 1:20

Iáh tewatsterístha oh nahò꞉ten ne ronnontí꞉io enhariʼwanónton tókaʼ ó꞉ni nahò꞉ten tahoʼnikonhrhá꞉rake, kí kaié꞉ri nihá꞉ti oié꞉ri naʼtekaiá꞉sere sénha ratirihwaienté꞉ris tsi ní꞉ioht ne shakonathiatonhseratkénse, tókaʼ ó꞉ni né kwáh rotiʼnikonhrowá꞉nens ne kwáh tsi nikanakeráhsera.

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

Daniel 2:48

Eʼthó꞉ne ó꞉nen wahohsennakarátate né Daniel, iaweʼtowá꞉nen wahowíhon né ioià꞉nereʼs, wahorihónten tsi watonhwentsá꞉ien né Babylonne, tánon raónha ohén꞉ton iaʼthótahste tsi nihá꞉ti ne kanontiióʼtshera raonkweʼtaʼshón꞉ʼa ne shakonateʼnikonhrá꞉wihs.

Daniel 4:18

Eʼthó꞉ne ne Ronnontí꞉io Nebuchadnezzar wahén꞉ron, “Né kí ne wakatetshé꞉nen. Ó꞉nen kiʼ, Belteshazzar, takró꞉ri nahò꞉ten kénton. Iáh ónhka tsi ní꞉kon wakonkwé꞉taien ne rontenʼnikonhrattókhas tehotikwénion naionkró꞉rike, nók í꞉se kiʼ enhskwé꞉ni, àseʼken né raotiʼnikonhraʼshón꞉ʼa ne rotiiaʼtatokenhtíshon thikaniiotsherá꞉te ratì꞉teron sonhà꞉ke.”

Daniel 4:5

Nók onkatétshen né iotetshenhserátteron tánon iotteronhtónnionʼs waʼkatkahthóhseron tsi náhe wakí꞉taskwe.

Daniel 4:8

Eʼthó꞉ne Daniel tahatáweiaʼte. (Ne Daniel Belteshazzar, rihsenná꞉wi né natiatón꞉ni riwenniióhstha raohsén꞉na.) Ne raoʼnikòn꞉ra né Rotokénhti Rawenni꞉io nikwé꞉kon, sók kiʼ wahihró꞉ri nahò꞉ten wakatetshénʼen. Wahienháhse:

Daniel 5:11

Shaiá꞉ta rón꞉kwe rén꞉teron ne sanakerahserá꞉kon nikwé꞉kon ne roʼnikonhratokénhti ne Roiaʼtatokénhti Rawenni꞉io. Shihonontí꞉io né iaʼníha, ki rón꞉kwe wahrotáhsi tsi nikéntonhs né kaiatorehtahtsherí꞉io, nattokhátshera, kaʼnikonhraientáhtshera tsi ní꞉ioht né raotíʼnikonhraientáhtshera ne raotiní꞉ioʼs. Tánon ó꞉ni ne ronontíiohkwe Nebuchadnezzar, iaʼníha, raónha ohén꞉ton iaʼthótahste né ronwanathiatonhseratkénse, rontenʼénnarahs, tehontierónnions, tánon ne ronttsistohkwakkénse.

1 Samuel 4:8

Ionkwententá꞉sere! Ónka entsonkiniá꞉kenʼte tsi nó꞉kwah ne kí꞉kens raní꞉ios? Ne kí꞉kens ne ratiní꞉ios ronón꞉ha ne sakotiʼién꞉ton ne Egyptró꞉nons ne kwáh niaʼtékon í꞉ken kannratarinétsheras thóh nón꞉we iahonwenhtsiaʼthénhake.