Daniel 4:7 - Ohiatonhseratokénti

⁷ Eʼthó꞉ne káti ratikwé꞉kon ne shakonathiatonhseratkènse, tehontierónnionhs, niaʼtehotirí꞉wake, tánon né tsi iotsistohkwarónnion ronatewéienston tahonwatiiaʼténhawe, tánon waʼkhehró꞉ri nakwatetshénhsera, nok iáh kiʼ tehotikwénion naionkeʼnikonhraientahtén꞉ni.

Daniel 4:7 ပူးပေါင်းရင်းမြစ်များ

Genesis 41:24

tánon ne tsá꞉tak kenʼk ní꞉waʼs ionorenʼtónnions nonátsa iaʼakonatiaʼtahnéhkwane ne tsá꞉ta ní꞉kon ne kanatsowá꞉nenʼs. Ók nó꞉nen shaʼkheró꞉ri ne ronátkonʼs, iáh ónhka tehotikwénion naionkeʼnikonhraientahtén꞉ni.”

Genesis 41:8

Katíʼ né siiohrhónʼkehnéha kwáh í꞉ken tsi tehotateʼnikónhrhare; katíʼ iahshakotó꞉ri naontahonwatiiaʼténhawe tánon iahshakohnónkhon ratikwé꞉kon ne tehontkónhstha ne Egypt nón꞉we tánon ratikwé꞉kon ne rontkónhstha. Ne Pharaoh wahshakohró꞉ri ne raotetshènhseraʼs, ók iáh kiʼ ónhka tehotikwénion nahonwaʼnikonhraientahtén꞉nike ne Pharaoh raotetshènhsera.

Psalms 37:35

Énska riʼienterínhe ne roriwahneraʼákskon kwáh íken tsi raniakátstekwe; tánon kwáh ratikwékon niesakoneiakénhnion tsi ní꞉ioht ne onentakwénte ne Lebanon tsoterontónni;

Isaiah 44:25

ónhka sakonikonrá꞉rhios tsi nihontewenhnakaʼrátats ne rotinó꞉wenhs, tánon sakononwarorihtón꞉nis ne tehontkónsthas; ónhka tesehsakoʼkaraténies ne rontiʼnikonratʼtókas, tánon ne ronhniá꞉tha ne raonatʼthokhátsheras noʼnonwaroʼríhtha;

Ezekiel 31:3

Tohʼnishiatóten tsi ní꞉ioht ne onenhthakwénthe né Lebanon nónhwe, watʼkathotserí꞉io, onenhrahsónhas karahkwaweróstha, Ne karónhta tsi nikarónhtes iekaníharas ne tsi iotʼtshatharónhnions.

Daniel 1:4

Tánon né ne kwáh rontkahthotsherí꞉ios, ronteʼnikonhrattókha, ne kwáh karihonnién꞉ni né ne rotiweientehtàtskon, kwáh ni ó꞉ni iahatiiaʼtaié꞉rike, né ne ahatikwé꞉ni aʼhonwaioʼténhse ne ronnontí꞉io. Ashpenaz enhshakorihónnien ne ahatiwennahnóthake tánon ne ahatihiatónhsheke ne Babyloniaró꞉non raotiwén꞉na.

Daniel 2:10

Ne shakonateʼnikonhrá꞉wis, waʼthatirihwaʼseráko, “Iáh ónhka ne tsi nikakónhsa ne tsi ionhonsà꞉te thakakwé꞉ni ne aeʼsahró꞉ri Sanontí꞉io ne tsi naʼtesatonhontsó꞉ni. Iáh ónhka ne ronnontí꞉io, shé꞉kon ne kwáh ahakowanénhake ó꞉ni ne kwáh thoianerenhseraʼshátste, iáh nonwénton eʼtho téioht tsi ahshakoriʼwanontón꞉ni ne raonkwetaʼshón꞉ʼa ne shakonathiatonhseratkénse, tehontierónnions, tánon ne niaʼtehotíriwake.

Daniel 2:27

Daniel waʼtharihwaʼserá꞉ko, “Sanontí꞉io, iáh né tshiateiakorí꞉wake, tehontierónnions, shakonathiatonhseratkénse, tóhka ó꞉ni ne ronteweiénstha tsi iotsistohkwarónnion ne ahatikwé꞉ni né aiesahró꞉ri tsi nahò꞉ten kéntonhs né atetshénhsera.

Daniel 2:7

Sók shé꞉kon tonsahonwarihwaʼserákwaʼse ne ronnontí꞉io, “Tókaʼ Sanontí꞉io né khók ahskwahró꞉ri tsi nahò꞉ten satetshén꞉en, ne enkwaʼnikonhraientáhten.”

Daniel 3:8

Eʼthó꞉ne ó꞉tiaʼke ne Babylonians wahonateʼshennaién꞉taʼne ne ahonwatiríwenhten ne Sitaeró꞉nons.

Daniel 4:18

Eʼthó꞉ne ne Ronnontí꞉io Nebuchadnezzar wahén꞉ron, “Né kí ne wakatetshé꞉nen. Ó꞉nen kiʼ, Belteshazzar, takró꞉ri nahò꞉ten kénton. Iáh ónhka tsi ní꞉kon wakonkwé꞉taien ne rontenʼnikonhrattókhas tehotikwénion naionkró꞉rike, nók í꞉se kiʼ enhskwé꞉ni, àseʼken né raotiʼnikonhraʼshón꞉ʼa ne rotiiaʼtatokenhtíshon thikaniiotsherá꞉te ratì꞉teron sonhà꞉ke.”

Daniel 5:7

Waʼthohénrehte né ónhkaʼk aontahonwatiiaʼténhawe ne rontaʼénnarahs, niaʼtehotirì꞉wake, ronttsistohkwatkénse, né shontahontáweiaʼte, né ronnontí꞉io wahshakawénhahse, “Nónhka eniekwé꞉ni naiewennahnò꞉ten ki nahò꞉ten kahiá꞉ton ó꞉ni nenionkró꞉ri nahò꞉ten kéntonhs né enshontsherònniaʼte né kwáh kanó꞉ron waʼkóhses né ne arihwawaʼkonhnéha niwahsohkó꞉ten, enhaníhtiake nohwistanó꞉ron né ne kakwenienstáhtshera, tánon ó꞉ni ahsénhaton nienhátake tsi kanontiioʼtsherá꞉ien tsi enhoterihóntake.”

Daniel 5:8

Eʼthó꞉ne ne kanontiióʼtshera aonkweʼtaʼshón꞉ʼa ne ronteʼnikonhrattókhaʼs ahshonhtákta niahónne, iáh ónhka tehotikwénion nahotiwennahnó꞉take tánon ó꞉ni nahonwahró꞉rike ne ronnontí꞉io tsi nahò꞉ten kéntonhs.